السلام عليكم

انا جديدة في المنتدى واول مرة انزل موضوع...بصراحة الوضع يحمس هنا يخلي الواحد يبغى يقول اللي عنده عشان يسمع آراء متعددة..وحلول مختلفة..الله يعطيكم العافية على جهودكم

انا متزوجة من 5 سنوات وعندي بنت عمرها سنتين..واحب زوجي موت وهو يعشقني والحمدلله..وهو بصراحة زوج رائع بمعنى الكلمة..يحترمني..وطيب مرة مرة..بس مشكلتي اني طماعة ..لما اسمع صاحباتي يتكلمو عن ازواجهم سوو لهم كدا وكدا ..اقول ليش مايسوي لي..مثلا عندي صاحبتي قريبة مني مرة..تقول ان خطيبها .... ومايرفض لها ولا طلب..ماتسمع منه كلمة لا ابد..هم صار لهم سنتين مخطوبين..مثلا اشوفها لما نكون في السوق وتشوف فستان غالي مرة بس تكلمه تقوله رسلي على حسابي 5000 او 10000 على طول ينزل في حسابها بدون اي نقاش...انا مثلا زوجي لازم يتناقش ومرات يقول لا حرام غالي او مايستاهل...مع ان حالته المادية احسن من زوجها..ومثلا تقولي انه يرضى على اهله ولا يرضى عليها...انا لو انتقد اهله بس ينقهر مني..هو يقولها مستعد يترك اهله عشانها..وانا مقطعة الميانة مع زوجي اقوله احيانا زوج صاحبتي يسويلها كدا وكدا لو انت مستحيل تسويها...وهو يقول لي احمدي ربك واشكريه عشان يزيدك من نعمته ولا تقارني نفسك بغيرك..وانا احس كلامه صحيح..بس الشيطان شاطر..وهدا طبع فيني مو قادرة اتخلص منه

مو كويس عشان علاقتي بزوجي ...ومو كويس عشاني..ولا عشان صاحبتي ..انا احبها مرررة واتمنى لها كل الخير ومابغى يوم احط بالي عليها وتخترب علاقتها مع زوجها واحس بالذنب

للعلم..هدي صاحبتي كانت فاقدة الامل في الزواج..وتزوجت عن طريقي انا اصريت على زوجي يقول لصاحبه عنها وفعلا تعرف عليها وخطبها..

ماعرف كيف اتخلص من هالطـــبع عطوني نصايحكم تكفون

احمدي ربك على النعمة

وهذا زوجك احسن من زوجي

توني كاتبه موضوع عنه

الله يكوووووون ب العون

__________________

	ادعوا لي ان الله يرزقني بالذرية الصالحة

ماشاء الله عليك أنتي فاهمة وواعيه وعارفة أن المقارنه تدمر نفسيه الزوجة ...
مافيه الا أنك ماتتكلمين معها بخصوص حياتها مع خطيبها وأنتي في نعمة عظيمة أدعي ربك أنها ماتزول
ربي عطاك زوج يحبك ماشاء الله وعطاك نعمة عظيمة وهي بنوتك الله لايحرمك منها
ودائماً رددي الله يرضيني بمايعطيني
تقبلي مروري

__________________

فى مثل مصرى عندنا يقول

النعمه ثقيله على البنى آدم

وعمره ما يشعر ولا يحس بيها إلا لم تُسلب منه

أنتم فى نعم لا تشعرون بيها احمدوا ربكم عليها

شووفي انا بقوولك شي وااحد
مو كل ووحدة قعدت تمدح زووجها صاار معيشهاااا
احلى عيشة والله اغلبهم كلاااااااااااااااااااام فااضي
يعني من هناااك مو دااري عن ارااضيها ووين

قلتي زووجك يحبك ويحتررمك ايش تبغين اكثررر من كذاا؟؟

والان هذي صديقتك لما تقوولك انة مايرضى عليهااا
ويرضى على اهلة لاحوول ولاقوة الابالله
ونعم الرجل صراااحة !!!!!

يا اختي القنااعة كنز لايفنى وحلوو انك عاارفة
مخاااطر المقارنااات علشان تتجنبيهااا

__________________

ياقلبي .. هي الحين مخطووووبة و انتي عارفه ايام الملكة و الخطوووبة ..

بس بعد الزواج بيتغير الحال ...

وحدة اعرفها كانت ايام الزواج الاولى ملكة ببيتها لدرجة انه زوجها كان يجيب لها الفطور لفوق السرير اتصوري

والحين ربي يعينها موريها نجوم الليل . ربي لا تغير علينا حال .. والله يهني صاحبتك بزوجها و يضل دايم يحبها

بس صدقيني اللي مافيه خير لاهله مافيه خير لاحد .. و ايش يضمنها ماتجي بكرة وحدة تنسيه اياها زي ما ه

نسى اهله معاها

انتي بنفسك تعرفين مساوئ المقارنة .... جاهدي نفسك .. حبيبتي .. كلنا نسمع كلام صديقاتنا عن ازواجهن

بس ماحد تكلم زوجها و تقوله شوف فلان لانها بذلك تحسسه انها مش مقدرة الي يسويه لها

ولا تحبه و مايملي عينها الا التراب .. فا حبيبتي ابدا ابدا ابدا ... لا تذكري لزوجك اي شي عن صديقتك

ولا تقارني بينهم امامه ..

ثانيا .. كل ما جاك الشيطان و وسوس لك بالمقارنه اتعوذي من ابليس .,,, و اتذكري زوجك و معاملته لك

و طيبته و حنيته و حبه لك و اتذكري اي موقف حلو سواه لك ...

ثالثا.. ارجعي دوري بالمنتدى و بتشوفي مواااضيع عن قسوة بعض الازواج

و تعاملهم الجاف و الغير محتمل لزوجاتهم احمدي ربك على زوجك ..

رابعا .. دايما فكري بزوجك و اسالي نفسك هل تعاملك مثالي معاه اساسا ..

فكري لو هو قارن بينك و بين زوجات اصحابه .. او بينك و بين حد ثاني من قريباته

كيف بيكون شعورك ؟؟

ماحد منا كامل .. واذا زوجك مو مثاالي في تعامله معاك.. فا اكيد انتي كمان مو مثالية بتعاملك معاه

بس على الاقل هو ما يتكلم و محترم مشاعرك ...

عزيزتي احمدي ربك على زوجك و لا تصدقي كل ما يقال على لسان الزوجات فالكثيرات يغطين على

النقص الذي في حياتهن بالكلام الكاذب و الفشخرة الزائفة

و تذكري .. خير قليل مستمر افضل و احسن من خير كثير زائل

ربي يوفقكم و يبعد عنكم كل سؤ ياارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

حرم المعلم ..يسلم فمك يا شيخة ..

وفرتي على الكتابة ..

اروووج ..احمدي ربي على زوجك ..الله يهديك ..ويبعد عنك شر هالمقارنة ..

__________________

ولئن شكرتم لازيدنكم

انا عملت مقارنة بسيطة بين زوجك وزوجها ووجدت ان المقارنة في كل ما ذكرتيه لصالح زوجك ؟!

زوجك لديه قدرة كبيرة على ادارة الاموال وبالتالي لديه بعد نظر ونظرة واعية للمستقبل ، ومع هذا الرجل الزوجه تصبح أكثر أمنا بإذن الله من الزوج الذي يعيش يومه ولا يفكر بواقعية بغده .

زوجك يعطي كل ذي حق حقـه في المحبة .. يحب زوجته وفي نفس الوقت يحب أهله ويقدرهم وليس على استعداد ( كما هو الحال في صاحبه ) ان يضحي بالطرف الثاني دون سبب منطقى ( والسبب هو الحب العميق لدرجة الهوس لخطيبته ، وهذا الحب قد ينقلب رأسا على عقب في احد الايام كما حدث للكثيرين قبله )

الخلاصة : زوجك انسان متوازن عاطفيا وماديا .. وهذا الشي يجب أن يجعلك تفرحين لا ان تنكدي على نفسك ؟!