السلام عليكم اخواني

الحقيقة انا دخولي للمنتدى قليل جدا لاني قليل ما اتصفح الانترنت. انا ابغى مشورتكم في المشكلة الي تواجهني في بيتي.

انا متزوج من سنتين وعندي طفل (ادريس) ، تزوجت بعد قصة حب، ولكن ما ان بدات حياتنا الزوجية حتى بدات المشاكل ولم تنتهي لدرجة انها طلبت مني الطلاق.

زوجتي تبي كل شي في البيت يمشي على الساعة، مثلاً اذا انحرقت لمبه لازم تتغير باقرب وقت ويا عيني لو جلست اسبوع وما تغيرت، انا عندي مشكلة واعترف ، انا انسى، الذاكرة عندي ما تسعفني في بعض الاحيان،. مثال اخر اذا طلبت مني شي من السوق او كانت تبي تروح مشوار وانا نسيت او ما جيت عالموعد تصير مشكله كبيره.

اضف الى ذلك امتناعها عن الفراش، بحجة وجود المشاكل، ويا عيني لو حبيت الطف الجو بكلمتين حلوين، تقول اني كذاب و ما اقول هالكلام الا لاني لي مصلحة (ابيها بالفراش).

ايش رايكم يا جماعة افيدوني ...

بصراحة معها حق..إذا في كل مرة تنحرق اللمبة تقعد اسبوع ما تتركب طبيعي أنها تتنرفز!!

صدقني لو تمشي الأمور معاك عادي بتنحرق اللمبات كلها وانت ما ركبت بدالهم..

خلك واقعي.. لما تصير توك جاي من الدوام وتبي تتغدا .. مو المفروض يكون الغدا جاهز؟؟

أفرض أنها دايما تتأخر عليك.. أو يجي يوم وتنسى تسوي الغدا.. ماراح تتظايق!!!

يا أخي الحياة بينكم مشتركة.. هي عليها واجبات وانت عليك واجبات..

الإهمال بالواجبات والتمادي في الإهمال يسوي (كهرب) بينكم..

وبالنسبة للأغراض والمشاوير.. على حسب أهميتها.. إذا والله الشي مهم وأنت نسيت>>>>>> ((طبعا مع مراعاة علامات النسيان))


أكيد راح تطنقر وتتظايق وتسوي هوليلة.. لكن إذا كان الشي مو مهم خلاص وشحقه الزعل..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

هذا حال معظم الازواج مع زوجاتهم

الوحدة تبي ترتاح في بيتها

واشلون ترتاح والبيت في نواقص ؟؟

انتم يا الرياييل ما تقعدون في البيت وايد عشان جذي ما تهتمون فيه


نصيحتي

حاول انك تلبي كل احتبياجتها بنفس الوقت

بجذي راح تحبك اكثر

وانت بنفس الوقت راح تسد باب المشاكل عليك

__________________
لا اله الا انت سبحانك اني كنت من الظالمين

لمبة الحمام الله يعزكم محروقة من ٦ شهور
وبقيت التانية و انا دمي حار.. بس لاني اعرف زوجي نساي و ما احب
النكد
خلاص تركته بكيفه و عندي مشروع تخرج مو فاضية اغيره بنفسي

اذا انحرقت التانية وقتها باجيب كرسي و اسحبه من يده واقول له يالله
بليييييييز مانقدر نجلس من غير لمبة و كم كلمة حلوة ويعمله لي

ليه نلوم الرجال .. زوجته كمان عليها اللوم
ليه ماتستخدم ذكائها و تبطل تنكيييييد على زوجها

تمشي حالها وتعود نفسها على طبعه

__________________

من وجد الله ماذا فقد .. ومن فقد الله ماذا وجد

كلم زوجتك واشرح لها كيف تتمنى تتغير حياتكم للأحسن وطبعا كله بالتفاهم
اما من ناحية الطلبات هذا شي عادي معروف عنا يالحريم طلباتنا كثيره وما تخلص
اما من ناحية امتناعها عن الفراش يمكن تكون صادقه وفعلا عندها تعب او مشكله بس اذا استمرت تمتنع هددها انك بتوديها لدكتوره نسائيه تفحص عليها وساعتها تبين اذا هي صادقه او لأ؟

__________________
سبحان الله وبحمده
سبحان الله العظيم

فيه واجبات لها ولك وعليك انك ما تقصر بواجباتك واذا المساله مساله نسيان اعتقد كل واحد عنده جوال اكتب كل مواعيدك وشغل المنبه علشان يساعدك والطلبات تكتبها اتمنى اكون افدتك والله يهديكم ويسعدكم

تقريبااغلب الازواج كذا..ومنهم زوجي لانه كسول كل يوم يقول طيب حاضرمن عيوني بكره اوعدك اسوي ..

وطبعامايسوي الالماازعل واصرخ يقوم يسوي الغرض وربي ماياخذ5دقايق بس هوكسول الله يهديه..الحل الوحيد للي تعاني من هاامشكله الزعل والصراخ

وعندي اخ الله يهديه خلص عليهم الغازوكل يوم يقول بكره ويقفل محل الغازوهوعلى نفس الحال بكره بكره..زوجته مسكينه 3ايام تطبخ على السخان الكهربائي..الين ماجاء وقت الانفجاروانفجرت واخيراجاب انبوبة غازومااخذ المشوار10دقايق

اخي الكريم ابوادريس حاول تغيرهذي الطبيعه وتسوي كل شي بوقته عشان تتفادى المشاكل...

بس لويسمحولنابقيادة السياره عشان نقضي على هذي الظاهره ونمشي امورنابنفسنا

خليها بلقلب تجرح ولا تطلع لبره وتفضح


لا تقولي زوجتك كمان حامل

__________________

امتناعهاعن الفراش يمكن اذاصارشي كبيربينكم لكن في حال نسيت تجيبلهاغرض من السوق مايحقلهابصراحه خصوصااذاكنت طيب معاهاوماترفضلهاطلب..بس تكون ناسيه