السلام عليكم ورحمة الله وبركاته انا كنت كتبت موضوع قبل كده عن اقناع زوجي باننا نعيش مع اهلي والحمد لله اقنعته وجهزنا الحاجة وهننقل الاثاث بكره وبعده هو اكيد عارف انه علي الاقل اول فترة مش هيبقي مرتاح بس انا وفرتله غرفه بعيده عن باقي الشقة وجمبها المطبخ وحمام خاص بس حاسة انه متضايق وخاصة ان اهله مش عايزينه يعيش معانا اعمل ايه عشان ميبقاش متضايق ؟
انا قلت لوالدي ووالدتي يسيبونا اسبوع او اتنين لوحدنا ومينقلوش هما لحد ما ياخد علي الشقة ويبقي براحته فيها واهلي عادي متقبيلين ده بس عايزه اعمل اي حاجة تخليه مبسوط ومش عارفة
وازاي اوفق بينهم واخلي اهلي مش يضايقوه ولا اخليه يضايقهم وهما الطرفين متفهمين ان كل الشخصيات بتختلف وكل حد له طباعه وحياة متعود عليهاا بس عارفة ان زوجي فيه حاجات بتضايق اهلي زي انه مش بيشتغل وهو اكيد فيه حاجات بتضايقه في اهلي بالرغم انهم مش بيتعاملو مع بعض غير قليل اووي وفي المناسبات بس الفتره الاخيرة زوجي اتعامل معاهم شوية في جواز اختي ووفاه خالي ووفاه جدتي وبيقول انهم طيبين وحبهم وهما بالذات والدتي بتحبه ايه اللي ممكن اعمله يوفق بينهم ويخليهم مبسوطين مع بعض واقول لاهلي ايه واقوله ايه جزاكم الله كل خير

تم تعديل العنوان ليتناسب مع المضمون

حبيت اسألك عن سبب السكن مع اهلك ... هل زوجك لايستطيع توفير السكن .....


لأن صعب الواحد يسكن مع اهل زوجته ماراح يرتاح مهما حاولتي بكن الله يسهل الامور يارب

السبب ان اهلي قاعدين لوحدهم وامي مش متعوده علي انها تقعد لوحدها ابدا ووالدي طول اليوم بره واختي الصغير لسه متزوجه من شهر وده اثر عليها جامد وكانت بتسافر لجدتي كتير وده كان بيهون عليها وفجأة خالي مات الله يرحمه وبعدها بشهر جدتي ماتت من اسبوع يعني مفيش حد يقعد معاها ويواسيها واهلي طيبين انا واثقة انهم مش هيضايقوه الا بس ببعض النصائح زي انه يشتغل وكمان قلتله بابا طول اليوم بره وماما بس اللي هتبقي موجوده وهتبقي في غرفتها واحنا الشقه هتبقي بتاعتنا وخاصه ان الايجارات عندنا غاليه ومنها هنوفر ايجار الشقه اه احنا فلوسنا معيشانا بس برده الايجار بياخد كتير لحد بس ما اختي الكبيره ترجع من السفر واحنا بنحاول نرجعها ووالدي ووالدتي عندهم سكر وضغط وامي زياده قلب محتاجين حد يبقي جمبهم بس هو عشان اهله قاعدين لوحدهم ومش بيحبو حد يقعد معاهم مش متعود علي ده ده حتي احفادهم مش بيحبوهم يباتو معاهم لكن احنا عندنا عادي وياما امي جابت ناس غريبة تعيش عندنا ايام لظروف خاصه بيهم بس انت قلقتني اكتر ليه مش هيرتاح يعني في كل الظروف اللي انا حكيتها دي اعمل ايه

لانه الزوج ما يرتاح الا في بيت اهله او بيته المستقل فيه .. اما يقعد مع اهل زوجته ماعرف عن اطباع زوجك ولكن بشكل عام الرجال ما يرتاح في بيت اهل زوجته وانا ماعرف هو كيف وافق .. بس بما انه وافق فتوكلي على الله .. يمكن زوجك بطبعه عادي ..

لا تكثري عليه زن واهلي مش هيزعجوك ومن هالكلام
ان شاء الله التعود شوي شوي
خاصة انتم ساكنين عشان ترعين امك الكبيرة
واهلك حاليا لا ينصحوه او يكثروا عليه النصح هذا المفروض.

اختي الكريمة
1_ عليك بصلاة الاستخارة .
2_ لا تفترضي اي افتراضات سلبية و لا تحملي هم
بما ان زوجك موافق .
3_ خوضي التجربة و عيشي زوجك مع اهلك
4_ راقبي النتائج و قيمي الوضع
اذا ارتاح معهم استمروا و ان لم يرتاح او اهلك لم يرتاحوا
ابحثي عن حلول اخرى ترضي جميع الاطراف .

بارك الله فيك و يسر امورك

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

للاسف هو مش عنده عادي خالص ده انا غلبت وقعدت شهور احاول اقنعه ورغم اننا بننقل اليومين دول برده كل شويه يقوللي مش هرتاح انا عارف بس عشان خاطرك اقوله طب ليه مش ممكن ترتاح الله اعلم يقوللي مش هنضحك علي بعض انا عارفاني مش هرتاح حتي لو قاعد مع اهلي وقلتله نجرب لو ما ارتاحتش نمشي جزاك الله خير علي ردك ستاذ خالد
انا فعلا بزن عليه كل شوية واقوله اهلي هيعاملوك كويس وانا مش هخلي حد يزعجك بس هبطل اعمل كده وبرده متفقه مع مامتي وبابا انهم محدش يكلمه في حاجة يسيبوه براحته لان مامتي كل ماتشوفو طول الوقتتنصحه والشغل ونظامكم وحياتكم وده مقلقه منها جدا ومخليه مش حابب يروح بس انا بحاول مع امي واحاول اوفق جزاكي الله كل خير اختي استنحار طمنتيني شويه انه ممكن يتعود
فكرتيني بالاستخاره برغم اني نويت كذا مره اعملها بس باجلها وانس بعدها ربنا يكرمك هند بس للاسف شكله وكلامه مخليني قلقانه وبفكر بسلبيه خاصة اني شبه متاكده ان اخويا مش عايزني اعيش معاهم لمصلحة في دماغه برغم انه مش هيقعد معاهم واهله مش سايبيننه كل يوم مش هترتاح واخواتها كل شوية يجيو وهو يقولهم انا حر ولو مرتاحتش محدش هيجبرني اقعد بس هما برده كده كل يوم يعقدوه وبإذن الله نشوف النتيجة جزاكي الله كل خير اختي هند

بس لا تزعلين مني على هالكلمة انتي شخص اناني فضلتي مصلحتك على راحت زوجك هو قالك من الاساس ماراح يرتاح وعارف نفسه لكن ضغط على نفسة وعشانك بيحاول فأنشالله تتغير نظرته ويقدر يتأقلم مع الوضع

مش زعلانة ولا حاجة لكل انسان رأيه وانا بتقبل اي نقد من اي حد لاني عارفة اني مليانه عيوب بس ربا يهديني للخير بس انا ما اجبرتهوش ولا ضغطت عليه هو كان طلب وقلت ليه مميزاته وخاصه انه كان متضايق من الايجار وغير كده ان اهلي غالبا مش هيقعدؤ معانا ماما في غرفتها طول اليوم الا نادرا وبابا بيرجع من المستشفي العصر ينام يصحي يتغدي وينزل مش بيقعد نهائي لانه وراه شغل كتير جدا وبيرجع متأخر يتعشي واخره بالعشا وكل حاجة ساعه وينام ويصحي بدري ينزل وفي خلال الساعه اللي بيقعدها ويتعشي فيها بيبقي بيخلص بعض شغله في البيت وبيجهز حاجته وانا وزوجي اساسا واحنا لوحدنا مش بنخرج من غرفة النوم كل اللي بنستخدمه الغرفة والمطبخ والحمام وبقيت الشقه سفرة صالون انتريه غرفه اطفاال مهجوره بمعني الكلمة الا وانا بنظفها يعني كانه عايش لوحده واحنا عند اهلي وهيوفر مبلغ كويس جدا في الايجار وهو كل شهر بيقعد يتضايق وهو دافع الايجار لانه غالي جدا في بلدنا يعني مش اجبرته وهو اساسا مهما عملت ومهما اهله عملوا مش بيسمع غير كلام نفسه وهو قال اهي تجربه جزاك الله كل خير

من بعد الردود فهمت انكي تريدي رعايت امك
الان وجدت سبب مقنع لي زوجك الحقيقة ذو القلب الجميل
في القبول الان لا يجب عليك البحث عن نصيحة لي تسعدي بها زوجك
هو موافق من اجل قصة رعايتك لي امك التي لا اعلمها ولكن ذكرت
و اتمنا السلامة لي جميع افراد العائلة بشكل عام
نصيحتي لك من ناحية زوجك
اذا بدر منه اي انزعاج
ردك يكون انكي شاكرة له و ايضا انكي موفقة على اي قرار يتخذه بخصوص رحيل في اي وقت شاء
فا انا لا اقبل بهذه الحياة لي خصوصيتي انا لا استريح بغير مسكن منعزل عن حتى اهلي
بتالي ربنا يوفقكم و يدخل السعادة على قلوبكم
ولا تحملي نفسك فوق طاقتها الامر عادي و جميل
و يحدث فقط من رجل لديه كرامة و شهامة عاليا جدا

__________________

سوف ياتي اليوم الذي نتلفت فيه خائفين نبحث عن
محمد بن عبد الله فصلو عليه وسلمو تسليما