السلام عليكم

طلبت من زوجي نسافر يومين نغير جو ... أخبرني أن ماعنده مبلغ للسفر وكل اللي عنده معيشة لنا باقي السفر .. قلت له ماعليك انا بتحمل السفرة أهم شيء نغير جو .. سافرنا أمس بعد الجمعة .. استأجرنا وقبل ننام قالي زوجي بنصحى بدري عشان نروح نفطر .. قلت له لا مو بدري خلنا كذا 9 أو 10 .. قالي 8 .. نمنا صحيت9 وهو باقي نايم .. كنت بصحيه بس قلت في نفسي يمك ماننام كويس .. رجعت نمت .. صحي بعد فترة وطلع جاب فطور ولما رجع كانت الساعة11 .. الكهم كنت نايمة وجا وفتح باب الغرفة ويقول بصوت عالي هيا هيا .. وأنا اللي دايم متعودة يصحيني لصوت هادي ويقرب مني وكذا .. المهم صحيت وسويت الشاي وانا متضايقة مرة من اسلوبه .. لان ابدا ماله داعي .. سألني وش فيك قلت مافيني شيء .. قال الا وش فيك .. قلت له السبب .. قعد يتريق يقول ليش ياست الحسن والدلال كيف تبيني اصحيك اسوي الفطور واجي اصحيك ولا اجي ادلعك على السرير .. نايمة للظهر والمفروض تصحين قبلي .. وانا غلطان اني سفرتك .. المفروض تقعدين في البيت .. ولا عاد تقولي ابغى اسافر .. وانا اسمع وماني مصدقة اللي اسمعه .. يقول ماترتاحين الا تنكدين علي ولمتى هالعيشة .. قلت للابد وكم مرة قلت لك منت مجبور عليها .. قال اسكتي بس لاعاد تقولين ولا كلمة اصلا ماعندك عقل .. قمنا جمعنا اغراضنا وهو متعود اساعده في الاغراض بس هالمرة شلت شنطة اليد حقتي وماشلت ولا شيء .. قال ليش ماتشيلي قلت شيل أنت ماراح أشيل شيء .. وطول الطريق ساكتين لحد ماوصلنا البيت.. أبدا مايستاهل .. لا والمشكلة مسافرين ندور ارض ابنيها استراحة نصير نصيف فيها .. بس كل مالي أكرهه .. واحس انه مايستاهل..





تم تغيير العنوان ليتناسب مع المضمون


(مستجدات الرد37)

http://66n.com/forums/showpost.php?p...1&postcount=37

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مااشوف الموضوع مستاهل كل هالزعل
واذا صحاك وقالك هيا هيا الاسلوب متغير فالمكان ايضا متغير

ملاحظة ردودك على زوجك قوية وفيها ندية شديدة ورد للصاع
مثلا متعودين تشيلون الشناط مساعدة ليه تغيرتي وطنشتي بس بتقهرينه وتغثينه

ثم الارض اللي بتبنينها تصيفون فيها مالها علاقة فيه انه يستاهل او مايستاهل هذا شي لك وحدك

والله الحق معه اذا تعملي من الحبة قبه اكيد يمل و يتنرفز منك
امور بسيطة كهذه يجب ان يتم التغاضي عنها و الا تصبح الحياة لا تطاق

غاليتي..
لاحظي انه قالك صحيني 8 وماصحيتيه
وماعلمها مشكله ومازعل بالعكس راح جاب فطور

اخطيتي وبقوه اذا صار يوم جاء وماصحاك باللي متعوده عليه
عادي قومي وسوي نفسك مالاحظتي عشان ماتصير مشكله


كلمتك ماانت مجبور علي
قويييه جدا والموضوع مو مستحق انك تردين هالرد تخيلي لو حضر الشيطان وغضب ونطق بالطلاق

وكملتيها وماشلتي معاه الاغراض
صدقيني والله انه متحمل
خربتي السفره بزعلك المفروض طنشتي وخليتيها يومين حلوين عشان يتشجع يسفرك..

تراني ناصحه لك واللي اعجبني فيك انك جبتي الموقف كامل اللي لك واللي عليك.

صدقيني انتي حساسه
والا الرجال كلهههم كذا ردودهم خشنه
فلا تصيرين اخشن منه وتردين برد اقوى

عسى الله يسخر لك يااارب ويصلح مابينكم

__________________
اللهم اجعلني ل زوجي كما يحب
واجعله لي كما أحب
واجعلنا جميعا لك كما تحب.

مسوية مشكلة من لا مشكلة

..............................

__________________
سبحان الله وبحمده سبحان الله العظيم

سبحان الله الردود تشوف جانب واحد .. رجاء اللي مو شايف ان اللي صار مايسوى لايدخل على الموضوع ويرد ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أنا متحملة زوجي وصابرة عليه وهو بلسانه قالي هالكلام قبل فترة .. لكن صار ماينطاق .. أسلوب التجريح وعدم الاحترام وعدم الاهتمام .. أنا تعبت ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله الموضوع مو مستاهل ابدا

كان لما اصر يعرف ايش فيك قلتي متضايقة مانمت كويس

وتجنبتي بقية الموقف والكلام منه..

أوحتى صحيتيه لما صحيتي 9 وبكيفه يصحى ولا ينام

لا زلتي تتعاملين بحساسية مع مواقف بسيطة تقدرين تتغاضين عنها بسلام

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

................................

ماصحيتيه 8 ما زعل وراح جاب الفطور
ما شلتي معه شال لوحده وما زعل

وانتي علشان صحاك بصوت عادي حاله حال الرجال ودفاشتهم
زعلتي وقلبتي السفره نكد!!
لا وتتمننين بالارض اللي بتشاركينه وانه خساره ما يستاهل!!

علشان عودك يصحيك بشويش ويقرب منك!
انتي كذا تخلينه يقول في باله اجل ما بعودها على اي رومنسيات
حتى ما اغلط يوم وامارس عفويتي تقوم وتقلب جوي كله

........................................

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

اختي وضعك موطبيعي وتزعلين على اتفة الاسباب
هذا يسمونة الحساسية المفرطة بالمشاعر وفي دول
اخرى يسمونة نفسية ولكن افحصي الغدة الدرقية
ومستوى فتمين دال عندك وحاولي ماتكوني حساسة
لاان الحساسية المفرطة تنفر اقرب الناس لك

__________________
سبحان الله وبحمده سبحان الله العظيم