شوبارد حبيبة قلبي اهدي الله يرضى عليكي والله اني أحبك في الله

شوفي ياقلبي كلنا في الهوا سوا يعني انا اكلمك من واقع تجربة شخصية ومعايشة لنفس الامر اللي انتي تمري فيه

زوجي الله يحفظه يموووت في خرجات الشباب كل يوم خارج معاهم وسهر وانا لوحدي في البيت واهلي ببلد ثانية

ويموووت في سفرات الشباب وبعد كم شهر بيسافر معاهم

في البداية كنت زيك اتضايق بس ماكنت انفعل ولا اعصب بالضبط نفس حالتك صمت تااام وتغير في المزاج غصب عني

المشكلة احنا شايفين نفسنا بالشكل هذا ماغلطنا ولا شي

لكن اللي بيحصل ياقلبي انه زوجي وزوجك الله يحفظهم حساسين والا ماكان اهتموا بمشاعرنا ولا حاولوا يقنعونا ولا يطيبوا خاطرنا

يعني هم شايفين انهم سووا اللي عليهم حاولوا معانا عشان مانزعل ولا نتضايق

وبعد محاولاتهم هذي جينا احنا ( طبعا خارج عن ارادتنا) جينا وقلبنا البيت نكد فوق راسهم !!

زوجك الان حاسس بالذنب لانه ضايقك وزعلك ، زوجك بين نارين يبغى يروح يغير جو مع أصحابه وفي نفس الوقت مايبغى يزعلك

انتي حطيتيه بين خيارين كل واحد فيهم أصعب من الثاني

شوفي حبيبتي انا متزوجة لي فترة اطول منك ، الرجال عموماً خصوصا اللي متعودين على الخروج والسفر مع الاصحاب صعب عليهم يتغيروا فجأة ويرتبطوا بزوجة وبيت ومسؤلية ..

فايش الحل؟

زوجك بما انه رجل حساس فانا حأقولك على الحل اللي ينفع للتعامل مع الزوج الحساس

شوفي الرجل في بداية زواجه يظل محافظ على حياته القديمة ومايقدر يتخلى عنها فجأة ، مو مثلنا احنا الحريم نغير حياتنا لاننا نقدس الحياة الزوجية اكثر منهم ويصير الزوج رقم واحد وبعده تجي امور الحياة الاخرى

انتي اتركي زوجك على راحة راحته يطلع يسهر يسافر يعمل مثل مايبغى ، بس عشان تكمل الخطة لاااازم يرجع من سهرته يلاقيكي تنتظريييه

لاااايرجع ويلاقيك نايمة ابدا انتظريه حتى لو اتأخر ، واذا كان مع اصحابه لاتدقي عليه ولاتزعجيه اكتفي بمسج تعبري فيه عن شوقك له

واذا رجع خليكي بكامل زينتك ، وقوليلي انا انتظرك حبيبي عشان نتعشى مع بعض واذا كان بيتعشى برا تعشي انتي بس برضه قوليله ماتعشيت لانه اللقمة ماتهنالي بدونك

مرة على مرة راح يحس انه في زوجة وفيه انسانة تحبه تاركته على راحته يسرح ويمرح مع اصحابه وتنتظره مهما تأخر في الليل وماتتعشى بدونه ، مرة على مرة راح يحس بضرورة الارتباط بهذه الانسانة

اهم حاااجة ماتحسسيه بالذنب ابدااااااا ولا تلوميه على خروجه ، وحطيها حلقة في اذنك لااااااتقيدي زوجك عشان لايندم في لحظة انه تزوج وودع حياة العزوبية

احنا لازم نعمل لهم نقلة نوعية في حياتهم لكن لاااازم النقلة هذه تكون بالتدريج

نجي لمسألة السفر

الرجل يحب من وقت لآخر انه يغير جو مع اصحابه يغير من روتين حياته ، وفي نفس الوقت يكون الحزام المطاطي وصل لنهايته ومحتاج استعادة

في هذا الوقت الرجل يبغى يسافر ويغير جو ، نجي احنا الحريم ونقيد حريتهم ونمنعهم ولو بطريق غير مباشر من السفر !!

حاليا زوجك حاسس انه مقيد ومرتبط فيكي ، واكره شي عالرجل هو التقييد ، الرجل يحب الانطلاق ربي خلقه كذه ماخلقه عشان يجلس بالبيت !

اول مرة سافر فيها زوجي جاتني حالة الصمت اللي جاتك لكن داريت عنه دموعي قد ما اقدر

وسافر بحفظ الله وهو حاسس بالذنب ناحيتي لكنه حاول انه يطنش لانه كان محتاج للسفرة هذي

بعد كذه راجعت نفسي وقلت ليش النكد وليش الزعل خلاص هو راح ينبسط ويغير جو عشان يرجع لي بنفسية حلوة عشان يقتل الروتين ومهما كان سفر الرجل مع اصحابه غييير عن سفره مع عائلته

مع الشباب فلة وبسط وروحة وجية من غير مسؤلية

مع العائلة هو القائد وهو المسؤول فالوضع مختلف تماما

المهم قمت ولبست احلى لبس وتشيكت آخر شياكة ووزعت الشموع على شكل قلب عند مدخل الباب وبوسط القلب كتبت له رسالة كلها حب وشوق والبيت بخرته وبكل غرفة اشعلت الشموع

يعني استقبلته استقبال حاااااافل

والله ياشوشو نفسيته وفرحته ونظرته لي في هذاك الوقت كان يسوى الدنيا ومافيها خلاني انسى زعلي في الايام اللي راحت

وجلس بعدها يحكيلي عن سفرته ووش صار فيها ، ولاحظت بمالايدع مجال للشك قد ايش كانت نفسيته متغيرة ومعاملته معي متغيرة وشوقه لي ماله حدود

بعد كذه ماصرت امنعه من السفر ولا الخروج بالعكس اودعه بكل حب وضحك وفرفشة واحط له رسايل في جيوب البنطلون وفي الشنطة واودعه بالدعوات الحلوة

والله ياشوشو انه تغير ، تغير كثييير لاني ماخليت السفر والخروج ممنوع وانتي عارفة كل ممنوع مرغوب

الرجل بعد فترة من الزواج وبعد تعوده على وجود زوجة واولاد مايهناله السفر ولا الخروج الا معاهم اذا راح مكان قال وينك يافلانة ليتك معي تشوفي المنظر الحلو هذا

اذا اكل لقمة قال وينك يافلانة اعرفك تحبي هذا النوع من الاكل

وزي كذه

اهم حاجة ماااانحسس رجالنا انهم مقيدين

والله ومالك علي يمين وحدة اعرفها معرفة قريييييييييبة جدا من اهل زوجي ، زوجها كان كثير الخروج والسهر والسفر

اقسم بالله الان اذا جاله سفر مو مع اصحابه لا ، اذا جاته سفرية للعمل يعني شي ضروري تلاقيه يدعي انه الرحلة تتلغي والله وكم مرة ربي يستجيب له وتتلغي الرحلة ، لانه مو متهني وهو مسافر من غير اهله !!

الحرمة الذكية لازم تعرف كيف تربط زوجها فيها لكن من غير ماتحسسه بالارتباط والتقييد

تعطيه الحرية اللي يبغاها والوقت كفيل انه يخليه يرتبط فيكي ومايتركك ابدا

نصيحتي حاليا تعملي زي ماقلت لك لاتراضيه ولا حاجة بس فرفشي واضحكي ووزعي البهجة والفرحة في انحاء البيت اهتمي فيه بزيادة فطوره غداه اعملي له عصير حطيه قدامه قطعة حلا حطيها قدامه وخليكي بكامل زينتك

صدقيني باذن الله حيتكلم ولاااتجيبي طاري السفر ابدااا واذا هو جاب طاريه قوليله روووح ياقلبي عسى الله يحفظك ويسعدك ويهنيك وها .. لاتنساني من الهدية واضحكي بدلع واتركي المكان

شوبارد حبيبتي حافظي على زوجك وزيدي من رصيدك عنده ترى بيجي يوم وتحتاجيه

وربي يسعدك ويوفقك

المشاركة الأصلية كتبت بواسطة فارس مصر السلام عليكم والله يا أختي الفاضلة أغلب الرجال يحبوا يكون ليهم مساحة من الحربة في بعض الأمور ... وأعتقدزوجك معتبر أن موضوع السفر ده هو من هذه المساحة وما يحب أنك تضايقيه في الشيء ال يحبه ... واعتقد أن دموعك وصلته لقناعة أن مش مقتنعه من داخلك بسفره ... والزوج كذلك يحب لما زوجته توافقه على شيء تكون موافقتها من قلبها وليس بلسانها فقط ... حاولي تكلميه بهدوء وتبينيله حرصك على راحته وتوافقي على سفره من قلبك لكن مع الوصية له بأن لا يكون السفر في معصيه وأنكم منتظرين عودته لبيته على أحر من الجمر .... مرة اخرى أحرصي على مساحة الحرية في حياة زوجك ولكن استغلي دهاء الأنثى في أن تحولي هذه المساحة لمصلحتك ...

المشاركة الأصلية كتبت بواسطة cutiepie الله يصلح لك زوجك.. احيانا اغلب المشاكل و راها الاصدقاء.. و انت تقولين كيف اغلب زوجاتهم راضين..حبيبتي ..اصابع ايك مو سوا.. تلقينها ابركها من ساعة لما يسافرون ازواجهم.. و انت الضحية.. (الحين ان و زوجي بغربة والله يستر اذا رجعنا ايش بيصير من حركات السفريات.. خصوصا اخوانه واصدقائه ما يقعدون بأرض) حتى لو ما كان فيها منكر... الواحد المفروض خلاص بعد الزواج غيييييييييير... الا متى الواحد يضل عايش حياة العزوبية ؟؟؟ يعني اصحابه مارح ينفعوه اذا صار بينكم مشاكل.. طيب انت اسأليه كيف رح يصير وضعه لو انت سافرتي وهو جالس في البيت.. قولي له انت ما تحسين بالوناسة الا معه...و بجنبه.. بهريها حبتين.. و الله يرده عن السفرة ويهدي بالكم ويسخر لك زوجك.. و عذرا يا ادم من الاعضاء اذا كان كلامي لم يناسبكم اعرف انكم تحتاجون راحة من روتين الحياة..و لكن لا تنسوا حواء و حقها بهذه الراحة..