طابت ايامكم

انا شاب عمري 22 ولي اخت وحيدة من ابوي وامي عمرها 24 و 2 توأم بنات عمرهم سنة ونص عايشين مع زوجة ابوي الله يرحمه ويغفر له ( اناديها امي )
ابوي متوفي من سنتين الله يرحمك يا ابوي الا يومكم هذا ماني مستوعب وفااته وامي متزوجة من ولد عمها

القصة طويلة شوي بس استحملوني والله يا عالم اني في هم و شقى ما يعلم فيه الا الله تخيلوا واحد في عمري ادرس 3 سنة في الجامعة وفي نفس الوقت متوظف في شركة عشان اعيل اخواتي وامي ( زوجة ابوي ) واجيب مصاريفهم بس الحمدلله الشقة ملك لابوي الله يرحمه يعني مرتاحين من ناحية الايجار الشقة ماشية الحال صغيرة بس الحمدلله واشكره غيرنا ما عنده سكن

بدخل في القصة
ابوي كان عمره 20 لمن اتزوج امي الحقيقية وامي عمرها 11
كانت حايتنا رووعة رغم ان ابوي ماديته ضعيفة بس والله كنا مبسوطين والحب بين ابوي وامي كبير كانوا دائما يمزحون مع بعض حتى لمن ندخل مكان عام ماسكين ايادي بعض ما يتركوا بعض لحظة وحدة حتى وقت الغداء او العشى ع السفرة يمزحون ويقرصون في بعض

مرت السنين امي بدأت تتغير يعني صارت دايم مهمومة وعصبية على ابوي بس تعتذر بعدها وبعض الاحيان تتذمر من العيشة الصعبة وفوق هذا كانت رافضة الحمل وكان كل هذا في اخر 3 سنين من زواجهم
حصل خصام بينهم على موضوع الحمل ابوي يقلها ودي بعيال وامي تقول 2 يكفوا ما ودي اجيب عيال ويعيشوا بهذي الحالة فقر وقرف ومدري ايه ابوي زعل منها امي اعتذرت بعدها وقالتله اذا ودك بعيال تزوج الثانية وما راح اتركك بالعكس ارقص في زواجك وانا احبك وابغاك تكون مبسوط وكلام كله كذب في كذب ابوي رفض وقال ليه وجع الرأس انا احبك ومستحيل اتزوج عليكي امي قالت اجل انسى العيال انا خلاص مانب قادرة على الحمل و2 يكفوني رغم ان امي صغيرة بس مدري ليه كانت رافضة ابوي صبر سنة وحاول مرة ثانية امي مصرة على موقفها اخر شيء ابوي قرر يتزوج من بنت الجيران هم عائلة اردنية مقيمة عندنا وابوي وابوها اصحاب ولمن عرف نية ابوي اصر عليه ياخذ بنته ابوي كلم امي على الموضوع امي وافقت المهم تم زواجه من الثانية

اسف بس جاتني شوية مشاغل لي رجعة اكمل لكم الموضوع وياليت محد يرد لين اكمله لكم

مستجدات

الرد 37
http://www.66n.com/forums/showthread.php?t=254834