سبحان الله ولا حول ولا قوة الا بالله ... ارادة ربنا فوق كل شئ ومادام حصل يبقى أكيد هو فيه خير .... مبارك عليكي يا اختي يرزقك بالخلف الصالح ... ويطلع من احلى واجمل الناس
طبعا الحمل بيعمل حساسية جامدة اوي اوي .. ولو جوزك مزعلكيش .. هتطلعي اي حاجة تزعلك
وممكن تعيطي من غير سبب كمان ... سبحان الله ...
بس في حاجات تانية تتعلق بمشكلتك
اولا الحمل ميزته انه هيبقى واجهة حلوة قدام الناس ان انتوا الحياة ماشية تمام ومش هيبقى في ضغط ظاهري عليكوا
خلي بالك انتي حامل وانتي عذراء ... انا من امبارح عماله اضرب اخماس في اسداس ..
عند نهاية الحمل .. هتعملي ايه ... اكيد هيكشفوا عليكي من تحت ... اكيد هتنزلي مصر عشان تولدي هناك ... اكيد حد هيروح معاكي للدكتورة ... واكيد هتعرف انك مدخلتيش.. واكيد هتقول ؟؟ !! فكري في الحاجات دي عشان تحليها قبل ماتحتاسي
انا كان نفسي اوي تتحل مشكلتك قبل الحمل .. عشان تقدري تدلعي على جوزك براحتك وتشوفي منه الوش الحلو والسعادة ...
انما دلوقتي اعذريه .. اعذريه .. اعذريه ... واستحمليه ... الرجاله مابتفكرش غير في حاجة واحدة وانتي مش قادرة تعمليها ... التمسيله العذر .... مادام انتي مركزة في الامومة يبقى اول حاجة تفكري فيها ان الطفل اللي جاي عاوز بيئة مناسبة يكبر فيها ... اولها ان انتي وابوه تكونوا مرتاحين ... وانتي اللي عليكي الجزء الاكبر في توفير ده على رأي المثل الست بتعَشِّش والراجل يطفِّش .. يعني الست اللي بتحافظ على البيت عكس الراجل
َ
فكرة الفراق والطلاق بعدت اكتر من الاول ... فدايما اتحركي في انك بتبني بيتك وبتشتري جوزك .. معلش ... الفرج قريب بإذن الله
كمان ماتزهديش في العلاقة ابدا ابدا ابدا .. حاولي ماتجبيش سيرة الزهد خالص ... اديله اللي هو عاوزه من غير دخول .. مافيش رهبنة في الاسلام .. مش هتقدري تعيشي كدا حتى ولو بعد حين (ده احساس مؤقت عشان انتي في شهور الوحم) ... وتقريبا معظم الحوامل بيحصل معاهم كدا انما بيضغطوا على نفسهم عشان الرجالة ..
وربك يعين ويتمملك حملك على خير