ارجوكم افيدونا باي معلومات عن رحلة الى ديزني يورو فرنسا اسبوعين الام والاب مع اربع اطفال بكل حاجة تعرفونها الله يجزاكم خير لاتهملون موضوعي . وبالنسبة الى تذاكر الدخول الى المدينة هل كل تذكرة لدخلة واحدة حتى لو اني ماكملت اللفة ؟؟؟ حتى الاسعار والسكن وين يكون يفضل؟ اسمحولي اول مرة اشارك بموضوع في منتدى مشكورين على كل حال اختكم قطرية
اممم أنا رحت من زمااااااااااااااااااااااااااااان
يوم كنت صغيره
بس بأقول لك اللي أتذكره
بالنسبه للسكن..المدينه نفسها فيها فنادق مختلفه انتم اسألوا وكيل سفريات خلوه يشوف لكم انسب فندق..
تذاكر الدخول ما اتذكر بس اللي أتذكره انهم كانوا يختمون على ايدينا بختم فسفوري (اللي ينور في الظلام) و هذه هي تذكرتنا..بس صراحه ما أتذكر كم كانت مدتها
بس المكان جد يججججججججنن
كل يوم بالليل يسوون كذا استعراض يجيبون الشخصيات و ألعاب ناريه و حركات
يعني العيال يستانسون بس لازم تحسبون حسابكم لميزانيه كبيره لأن هناك كل شي يشوفونه بيقولون يبون ألعاب شنط دفاتر أقلام جزم ملابس....الخ
السلام عليكم
أختي العزيزه أنا كل سنه أروح إلى يوورو ديزني مع زوجي وعيالي وآخرها السنه هاذي تونه راجعين
الله يسلمج أفضل مكان للسكن هو فندق ماريوت وهو قريب جدا من ديزني فقط خمس دقائق وممكن الشاتل مال الفندق يوديكم لهناك أما بالنسبه للفندق هو عائلي وعباره عن فلل وفيه كل متطلبات العائله ( سويت دعايه للفندق )
والسوق أيضا قريب (هذا أهم شي ) اسمه (يولديوربلافاييه) اسمه صعب شوي 0000وباريس تبعد عن الفندق نص ساعه ممكن تاخذون سياره وتتمشون في (الشانزلزيه) وأي استفسار آنا حاضر
أتمنى لكم رحله موفقه