السلام عليكم تحياتي لكم جميعا مره كنت رايحه المستشفى مع ولدي الصغير و ولدي الثاني نايم في الشقه ويوم جينا نطلع زوجي نادى اخته تجلس عند ولدي لاني خفت يجلس ولايشوفنا ويخاف انا ساكنه معاهم بس في شقه فوق المهم اخت زوجي شوي ثقيلة دم يوم جينا قالت اسمحي لي انا اخذت من الغرفه من الدولاب كاكاو وانتو في المستشفى يعني بعد ايش تستأذن بعد ما فتشت في الشقه وفتحت الدولاب بغيابي لا وانا استحي يوم قالت لي قلت لها عادي وهذي مواول مره تسويها و تصدقون والله ان اخوها اللي هو زوجي كل شي يشتري للشقه يشتري لهم حتى اذا طلعنا تعشينا بره وهم متعشين يشتري لهم عشا غيورين بشكل ماتتصورون وهذي اخته جريئه اذا صعدت الشقه لازم تقول تقولي بفتح الثلاجه وتفتحها عادي عندها واذا كنت تحت وارسلت اي وحده من خواتها يجيبون لي حاجه من فوق لازم يتأخرون يعني يفتشون يعني كيف اكلمهم وابين لهم اني ماارضى بهذا الشي وانا استحي عطوني حل من غير ما اجرحهم ارررررررررررجوكم

حبيبتي ريحي راسك لاترسلين احد يعني روحي بنفسك جيبي اللي تبين او زوجك وإذا بتحطين احد من اولادك نزليه عندهم ولا تخلين احد يطلع لشقتك مع الوقت راح بفهمون انك متضايقه من دخول الشقه

يا غاليتي

إذا على المطبخ بس ما في مشكلة

خلهم ياكلون بالعافية إعتبريه صدقة

و هذا بيت أخوهم عادي

أما إذا كانوا يدخلون غرفتك فهذا شي ثاني لما تنزلي عندهم قفلي غرفتك و خذي المفتاح معك

تروحي و تجي بالسلامة

__________________
اللهم ارحم أخي رحمة واسعة و أجعل قبره روضة من رياض الجنة

الله يسلمكم حبيبتي ورده من ذهب وحبيبتي عشق عبادي بس ودي اكلمهم او المح لهم عشان يفهمون قولو كيف

مافي أي طريقة ,,
يا أنك تقولينها لهم على البلاطة..
يا أنك تتحملين ..
وبالنسبة لأشيائك الخاصة حطيها بغرفتك وقفلي عليها وخلي المفتاح معاك..

المسأله عاديه جدا وهذه اغراض مطبخ مش اغراض خاصه يعني عادي طالما بيدخلوا شقتك بعلمك واستئذانك بس طالما نفسك مش طبيه في الاشياء اللي بياخدوها وبس بتقولي عادي قدامهم ومن داخلك متضايقه فصارحيهم بضروره الاستئذان قبل اخد اي شيء فما اخد بوجه الحياء فهو حرام .

__________________

بسألك سؤال وجاوبينى بصراحة

لو كانوا اخواتكم وامك يتصرفون معك كذا كل مازاروك ماهى ردة فعلك؟؟؟؟؟؟؟؟؟؟؟

__________________

قولي لهم ان فيه وحده من زميلاتك , وقصي لهم نفس سالفتك بس حرفي فيها شوي وبهري فيها ,, وغيري بالشخصيات ,,
واذكري لهم كل شي متضايقه انتي منه على انها زميلاتك
بمعني حطي نفسك كأنك هذيك الزميله اللي تتضايق من خواتها مثلا انهم يفتشون بالغرفه ,,

واسأليهم وش الحل معهم واكيد هم بيتحمسون للموضوع ,, وهم بيفهمون ان الشي هذا غلط ..

اما سالفة العشاء والثلاجه ,, لا تاخذين بخاطرك من هالشي لانه شي بسيط على اخوانه بصراحه وعلى ما قالتلك اخت عشق عبادي.. خليه صدقه واحتسبي الاجر ..

انا معك في هذه النقطه ..زوجه الابن دائما تضع حواجز ورسميات مع اهل زوجها حتى في الاشياء العاديه وما بتعاملهم زي اخواتها وامها ربما من حقها ذلك لكن لا تعترضي حين تجدي فرق في معاملتهم بينك وبين بناتهم فانت من حدد خطوط المعاملة

__________________

في بعض الردود تبرد القلب وبعضها تقهر كل وحده منكم تحب الخصوصيه ولو كان هذا الشي صار لكم ما راح ترضون انا بصراحه هذا طبعي حتى يوم كنت بيت اهلي وقبل ما اتزوج ما احب احد يتعبث بأغراضي وخصوصياتي والله يسامحك يا اخي السمو عموما انتو الرجال كل شي عندكم تافه الله يسامحكم