مستاءة هالايام من عدة امور في علاقتي بزوجي،وحياتي كزوجة.زوجي لاحظ هذا الشيء و حاول يلطف الجو.الحاصل اني استغليت الفرصة و سالفة تجر سالفة.و هو بعد جاب طاري* بعض الاشياء ال تضايقه.
المرعب في القصة ان لازال حاقد على اشياء صارت قبل 6 سنواات! اشياء صارت قبل الملكة.و يربط المواقف القديمة بحاضر علاقتنا. اصلا مواقف مالي دخل ف اغلبها!
طبعا مصدومة و محبطة.
نمطه شمالي شرقي.قريت عن هذي الشخصية حقودة و ما تنسى.


المطلوب:
_كيف اتصرف معه؟ كيف ابرمج مخه يطالع حسنات حاضرنا،و يصرف مشاعره عن الماضي و السلبيات ال صارت فيه ؟؟


(تم تعديل العنوان ليتناسب مع المضمون)

تجاهلي ...
و تعاملي بالحسنى....
استمتعي بالحاضر ... و لا تكدريه بماضٍ فاتَ و ولَّى....

كلمات كلها تحتاج الى عزمٍ و صبر ...

المثل يقول من طق الباب لقى الجواب
الحين هو راضاك تروحي تفتحي ملفات قديمه ليه
هو بيفتح اقدم
والرجال لاينسون ليس لانهم حاقدون لكن عشان محد يلومهم

لأنكم ماحليتوا الموضوع ولا حصل للي برأسه مبرر واقتناع ماهو أنه حقود بس ماينسى ايه.

لذلك المفروض الواحد يحل مشاكله بوقتها لا يقفلها قبل ينتهون فعلياً منها ومتفاهمين فيها.

إذا هو على قولتك شايل ف حتى أنتِ شايله بتسمي نفسك حقودة؟ شيء طبيعي الأمر يكون الواحد مو عاجبه شيء من الطرف الثاني.

حلكم التفاهم والصراحة والوضوح.

__________________

مبتعثة..
هو ما راضاني.و حتى الاشياء ال وضحت استيائي منها كان مجرد مستمع او مجادل في محاولات جادة منه ان يثنيني عن التفكير فيها و بيان سلبياتها فيم لو حدثت!

الملفات ال فتحتها ملفات تتعلق بحياتنا الحاضرة بس سبحان الله زوجي الليلة بدع في الربط العجيب بين الامور الحالية و ملفات قديمة غبار.
مستغربة من الربط و لما ابديت استغرابي،برر ان فعلا ماله علاقة بس هو ما نسى!
شنو الهدف عجل؟

انا فتحت مواضيع تستحق الاصلاح،و نقدر نصلحها اذا بغينا
لكن المواقف ال ذكرها ما اقدر ارجع الزمن و اقولب فيها حتى توالم شخصيته!

هل لأنه ارتاح من جو النقاش،و جى ع باله يفضفض
لاحظت عقب ما قال كلامه حاول يشغل نفسه ف المطبخ.
رجعت و سألته يعني انت حاقد ع اشياء صارت قبل 6 سنوات!!
حاول يعدل فكرتي عن مشاعره_انا ما حقدت لكن جى ع بالي المواقف.
مرة يقول ما ف علاقة و مو حاقد
و مرة يقول له تأثير و انا تضايقت و انا ما نسيت!!
متى بيتصالح مع أخطاء الماضي مو عارفة !

ما اعرف طبيعة مشاكلكم ..
هل هو يتعامل معاك ويتعامل مع المواقف على اساس المواقف السابقة؟ عطي مثال.

بتأكد ماهو من اعتقادك الشخصي وتصورك.
وكيف انتِ تتعاملين مع الموقف !

__________________

الهدف علشان يعلمك أنه مازال في شيء في قلبه وحليه.
لا تنعتينه مره ثانية بالحقود.

أنا شخصيتي مثل زوجك يفكروني حقودة بس تراه مو حقد بس ماخذه عليه. (على الموقف ياانه مو عاجبني ولا راضيه فيه او اني ماخذه درس ، واذا فتحت شيء قديم على اساس اعلمك بحالك ، واذا شخص عزيز لأني حريصة بعلاقتنا وعلشان مايأثر هالشيء على علاقتنا احاول ابديه علشان يكون عنده علم).

__________________

مشاكل قديمة صار لها 6 سنوات و أكثر.مو مشاكل بقدر ما هي سوء تفاهم و زلات لسان و خيانة تعبير من جهة اهلي قبل الملكة.
و مواقف يدعي ان فيها كذب،و الحقيقة انها بالفعل و صحيحة!

هل أقدر اتحكم في كل أهلي و اربط لسانهم و اغير شخصياتهم عشان يرضى!!
و هل من العقلانية انه يحاسبني ع امور و مشاعر قبل الملكة،قبل لا أكون زوجته!

بالعكس دائما أرغب ف النقاش و اسعى للشفافية
لكن زوجي يرفض النقاش و تغيير افكاره!

مثال دائما يتردد في باله،و اعرف لأن لها انعكاسات في ردات فعله.
لما تقدم خذينا وقت طويل على ما ردينا..
مرةأمي كلمته في التلفون و من ضمن كلامها قالت_انا ما أبغي زوج لبنتي بس ملتزم دينيا_
طبعا خانها التعبير؛و اصلا ما كنت ادري بالمكالمة الا بعد أن تمت!و ما كان الكلام بطلبي.
كانت تقصد ان الظاهر ملتزم و لكن الجوهر و المعاملة أهم.

اثر الموقف السابق.
_يتجنب أمي و شبه مقاطع لها.
_يرى بأنه قد ظلم في التقييم.
_يعتقد ان اهلي يركزون ع المادة أكثر من الدين._
_واثق من انني التي أوصيت أمي ان تخبره بذلك.

لاتحطين في بالج
ليش ما حاولتي تعطينه تطمينات بانه لو ما شافوه الشخص المناسب و اقتنعوا فيه كان ماانقبل .
او قولي .. ما انا بنتهم الدلوعه خليفين علي لازم يتطمون .

ملاحظة شي من حياتي الزوجية .. انه صعب نسيان الزوجة لأخطاء اهل الزوج
و نسيان الزوج ﻻخطاء أهل الزوجة .
تصير حساسية و خلاقات مالها داعي
و اللي يخفف هالشي .. تحسين العلاقة بين الزوجين انفسهم .. كل مااتطورت العلاقة يزيد تقبل اهل الطرف الاخر هذا لو ما كانوا سيئين بالتعامل .
والشي الثاني .. انه الزوجة تتحمل تحسين صورة اهلها عند زوجها وانهم يمدحونه و ...الخ
والزوج نفس الشي مع اهله .
يعني كل حد يتحمل مسؤولية تقبل. اهله للطرف الثاني .
لاحظت انه هالشي يلعب دور .

لا تزعلين من كلامه
احيانا يخونا التعبير و نتم نكر ابماضي و مساوئه لكن نندم بعدين . يكون من باب الفضفضة وكل ما تكلمنا نسينا . بس انتي لااتمين تناقشين .. عطيه كم من كلمة تهديه وصكري ابموضزع