تم النقل إلى قسم المتزوجين..

ايه غلط.. الرجال فرحان ببنته ويبغا اهله واقاربه يشوفونها وانتي تقولين اخاف من العين.. عذرك مو منطقي اسمحيلي وعندك حالة منتشرة هاليومين اسمها هوس العين.. حبيبتي الوقايه من العين مو بالاختباء من الناس لا خطأ الوقايه من العين هي بقرائة الاذكار والورد وماعليها الا العافيه.. مالومه انه زعل يعني فرحان ببنته وهي ماهي عنده في كل وقت محروم منها يعني وانتي تكملنيها باعذار مو مقنعه..

__________________

اللي سويتيه ماله داعي بصراحة

الله هو الحامي وهو الواقي

كان المفروض تحصني بنتك وتتوكلي على الله وترسليله البنت

لازم في البداية تقتنعي إنك غلطانه

وبعدين تعترفي لزوجك بخطأك مع الوعد بعدم التكرار وبإذن الله تنتهي المشكلة

وعليكم السلام ورحمة الله وبركاته

مناسبة عائلية؟

إذا أنا فاهم كلامك فإنت تقصدين مناسبة فيها أهل زوجك يعني عمام بنتك وأجدادها والله أعلم

يا أختي الكريمة إذا تخافين عليها من العين فأولا حصنيها بالأذكار وعوديها تحافط على المعوذات وآية الكرسي في الصباح والمساء

ثانيا: الزوج يا أختي الكريمة يفرح لما يشوف عياله يشاركون أهله في أفراحهم
هذا يفرح قلبه
فلما يسألونه أهله وين بنتك؟ ينحرج يقولهم ما تبي تجيكم لأنها تخاف من العين ونفس الوقت يزعل

فإنت تصوري هذا العذر لزوجك حتى تعرفين سبب صمته وتصرفه

تخيلي هو اللي يمنع بنتك عن مناسبة عائلية خاصة بأهلك إنتي لأنه يخاف عليها من العين

وغير كذا الأبناء يتعودون بعدين إنهم ما يشاركون أقاربهم في المناسبات فتصير قطيعة ويمكن يكبرون ولا يعرفونهم

الله أمرنا نتوكل عليه ونعمل بالأسباب من أذكار وغيره ونتذكر دائما (قل لن يصيبنا إلا ما كتب الله لنا)

فنصيحتي إنت بمعرفتك بزوجك تسامحي منه بأسلوب حلو حتى يسامحك وترجع المياه لمجاريها بإذن الله

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)

نعم يا اختي غلطانه

الرجال ينتظر ابنته وانت تقولين له اخاف من الحسد؟؟

كان حصنتيها وارسلتيها

والله خير حافظ

أخي الكريم كلامك صح بس بنتي لسى صغيرة وما تفهم عمرها سنة ونص
وحاولت أفهمه وجهة نظري بس مع كيذا ما هو راضي
ما أعرف ايش أعمل له وبعدين يبيها تسافر له 700 كيلو صعبة أخليها بعيد عني كل هالمسافة
عرفت كيف سبب رفضي

والله يختي هو ابوها وحريص عليها وحركتك فيها من الانتقاص لقدره بشكل كبير جدا

يعني ما ارسلتيها بناء على اوهام ممكن تصير او ماتصير

والاذكار بإذن الله فيها الكفايه

سؤال ابي افهم شلون عايشين بعيد عن بعض؟

__________________
الحياه حلوه جـــــــــــــــــــــــــــــدا... بس للي يفهمها

لحظه شلون بينكم سبعمية كيلو ويقول ارسليها؟ وهي حتبقى مع مين؟

__________________
الحياه حلوه جـــــــــــــــــــــــــــــدا... بس للي يفهمها

أعرف يا أختي خوفك على بنتك وحرصك عليها

أحيانا يا أختي الاقناع بوجهة النظر لا يجدي في الارضاء

استعيني بالله أول

ثم استخدمي دلع الحريم واعتذري من زوجك وقوليله يا "اسمع دلع أو حبيبي" مو قصدي أعارضك إنت الأصل ولو تبي عيوني عطيتك اياهم
وتحببي له بكلام حلو أو شي يحبه

واعلمي علم يقين أن قلب الإنسان بيد ربه فاستعيني بالله وأرضي الله وهو بيرضيك في زوجك

ثم بعد كذا سوي اللي قلت لك وتحببي لزوجك

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)