السلام عليكم
عندي عدّة إستفسارات
الحين اول مشكله كانت عندي قالولي اخوياي اللي قد تزوّجوا إذا جيت تتعرف ع زوجتك تجي بطريقة رسميّه وثقيلة
وتقول لها وش تحبين وانت وش تحب ووش انت وهي وش هي وأنا حقيقة من الناس اللي ماتحب الكذب والمجامله وتقمّص شخصيات ليست من عاداتي أو اني امارس دور ليس لي
خشيت فيها كأني خاش مع واحد بالدوام ضحك وسوالف وتنكيت كعادتي وبعدها قمت اسال وش هي وتكلمت بالشيء القليل عن نفسي وظبط الوضع
كثيرين اللي يقولون لي أثقل من اول شي وانا والله ماأحب الشي هذا لاني ماحبه على نفسي فكيف احبه ع الناس
ابي اعرف شي واحد
وقالولي بعد اثقل ردّيت ع واحد منهم قلت لهم الحين الحرمه في وقت الملكه ماتعرف زوجها الا شي بسيط وانت بتثقل عليها هي تضيع معك لكن اذا فليتها معها وحسستها بأنك انسان محبوب وكويس راح ترتاح لك اكثر واكثر وتسهل من عملية تعلقها بك مدري هل نظريتي هذي صح ولا فاشله بكل المقاييس
هل اسلوبي النكتي والضحك بيأثر في علاقتي الزوجيه مع زوجتي في المستقبل؟علماً بأني في بعض المواقف جدّي وحازم لكن الضحك والسوالف العاديّه تطغى علي مدري وش رايكم

و عليكم السلآم
ردك الأخير ممتاز وصادق والله
البنت تكون خايفة وتبغى إللي يريحها ويونسها بسوالفه
مو يجي يتثيقل عليها
بالعكس طريقتك تمام ..
وراح تعرف إنتا إذا خطيبتك مبسوطة معاك او لا
لو نجلس نسمع للأصحاب خربوا حياتنا
و همآ مايعرفوا طبيعة العلاقة وإش يناسبها
وبعضهم فاشل في زواجه ويبني آراءه على هالأساس

الله يوفقك ويجمعكم على خير

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

كن على طببيعتك افضل من التصنع والتمثيل حتى ما تنصدم زوجتك اذا عرفت حقيقتك
انا زوجي كذا يحب يمزح ويفرفش ومن اول لقاء بيننا قاعد ينكت ويمزح
وهذا طبعه الى الان لم يتغير الحمدلله
واصلا اللي هذا طبعه ما يعرف يمثل ويثقل

بالتوفيق ان شاء الله

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

اخي من الافضل ان تتصرف بطيبعتك بشكل عفوي تماما
لكن احرص على ان تكون عاقل و رزين
لا تبالغ في الكلام و الضحك خير الامور اوسطها

اللي يتثيقل خل ثقله ينفعه

البنت تحتاج من يونسها ويبسطها
تحتاج ترتاح وتطمن
مو تحس نفسها مع واحد مو عارفه شي منه

انت تمااااااااااام
ماعليك منهم خلك طبيعي والله احنا البنات تشدنا الطبيعه

اخوووووي بالعكس خللك على طبيعتك بجد احناا البناات كثير نحب العفويه وتكون ع طبيعتك موحلو تتصنع وتنصدم المسكينه بعد الزوووووووووووواج
نصيحه مني لاتحط اذنك لكلام اصحااابك بجد ماايخرب الا الاصحااااااااااااااااااااااااب
الله يوفقكم ويووفقني مع خطيبي,,,,,,,,,اميييييييييييييييييييييييييين ياارب

نظريتك صح 100 %
نصيحتي لك لاتسمع من احد نهائيا والله مايخرب العلاقة بين المتزوجين الا هالنصايح اللي مالها فايده .. خلك طبيعي ولا تتصنع ولا تخطط لشيء لجيت تكلمها خل كل شيء عفوي لان اللي يطلع من القلب يوصل للقلب..