السلام عليكم
بكل اختصار ....
ام كميل عمري لا يتجاوز 18 متزوجة من بيئة محافظة للغاية عباية وغطاء على الوجه قبل لا اتزوج زوجي طلعتله بعثة الى امريكا ودرس فيها سنتين بعدين رجع الى بلده واتزوجني وصار لنا شهر خطوبة وبعدها تزوجنا على طول وبعدها رحنا امريكا وصار لينا سنة الحياة كويسة واني مبسوطة معاه وهو بعد مبسووووط معاي
المقدمة كلها علشان اقول ليكم مشكلتي المشكلة : هي اني غيورة جدا بل جدا جدا قبل زواجي كنت اغار على صديقاتي غيرة صداقة احب امتلك شي لي وحدي وبعد الزواج زادت غيرتي وصارت جنونية تعرفو امريكا وبنات وتفصخ ودعارات وتعري قبل لا اجي كنت ادري ان امريكا كدا الشي اللي ما ادري عنه اني غيورة جدا واني ما اتحمل نظرات زوجي البريئة الى هذي الاشكال
صرت ظنانة سوء لدرجة ان اي احد يمررر قدامنا ولد او بنت من الطبيعي بنطالع فيهم لانهم مارينا قدامنا اني هالنظرات ما اتحملها ما احب زوجي يطالع
شي ثاني ان معانا ناس عرب ومتزوجين ومتزوجات زوجي بامريكا سنتين قبل لا اجي معاه يعني مكون صداقات مع رجال وزوجاتهم السلام مع الزوجات دولا لا استحمله
في الظن في زوجي واجد والشي الادهى انه يدري اني اغار عليه يعني ساعات نكون معصبين من بعض يعرف نقطة ضعفي وسوي الشي اللي ما احبه من النظرات و التبصبص
زوجي طيب وحباب ويعشقني بس المشكلة مب قادرة اوثق فيه ليش من دون ليش ؟؟؟؟؟
ارجوووكم ابي منكم حل ابيه يطالع ويقزقز ويبصبص فاللي يبغى بس ما ابغى احترق من داخل ولا ابغى احس بالغيرة الجنونية اللي في معظم الاوقات ماليها داعي
ابي اربي نفسي من جديد وابيكم تساعدوني ارجوكم ابي شي يعلمني كيف اتصرف كيف اطنش كيف ما اعبر للامور اللي احسها بتضيعني واني لسى صغيرة

اتمنى انكم تساعدوني وترشدوني الى الخير وما ابغى اي شي ينكد علينا عيشتنا لانا قمرين مو ناقصنا شي ولله الحمد
ارجوكم لا تخيبوني واعطوني النصايح اللي تهديني

اختكم :
ام كميل =)

هلا بالغاليه
يشرفنى اكون اول من يرد على موضوعك
واتمنى اقدر اساعدك ولو بالقليل
بقولك شئ فكرى فيها بهدوؤ بينك وبين نفسك

هذا لعب شيطان براسك وكله مو من طبعك
اهم شئ لا تخلينه يستمر لانه بيدمر لك بيتك
انتى مرتاحه ولك بيت وزوج يحبك >>> هذه نعمه يفتقدنها الكثير من النساء
وايضا لك ابن يملأ لكم حياتكم

اذن الشيطان يبحث عن مدخل اخر للتخريب بينكم
وصدقينى المدخل هذا صعب لان الرجل يتعب من المرأه الغيوره غيره مفرطه
غارى عليه بشكل طبيعى لانه يحس بحبك
لكن اذا زدتى بيطفش وبيتهرب منك لا توصليه لهذا الحد

الحل تقربى من الله بالدعاء ليخفف عنك الشك والغيره
تقربى الى زوجك وكونى له صديقه وفيه يلجأ لها فى فرحته وحزنه
وتلقائيا راح تختفى كل هذه المشاعر السلبيه لما تشوفينه لك وحوليك دائما

وفقك الله وسدد خطاك لما فيه الخير والصلاح