السلام عليكم

منتداي الغالي بادخل في الموضوع مباشرة

الحين صحيح اني استقليت بشقة بروحي ولكن زوجي ما يبات عندي الا مرتين بالاسبوع فقط

والصراحة هالشي مضايقني جدا جدا

حاولت اتفاهم بيني وبينه مو راضي

والحمدلله لقيت منه المعاملة الطيبة من بعد الظلم والقهر

ولكن


يوم الثلاثا كان بينام عندي وكنت طول اليوم مو شايفته وما يه الا 10 بالليل

وحضرته قعد يسولف معاها جدامي لا محترم نفسه ولا محترم مشاعري

طبعا سكت اول شي بس من صار الصبح دزيتله مسج طويل عريض

ووعدني ان ما يكلمها جدامي ابدا

وامس سالته بتتغدى عندنا والا عند بناتك قالي كلام ما ينقال

انتي ما يبين بعينج وانتي قليلة ادب وانتي وانتي

صكرت الموضوع ومشيته

وبالليل كنت رايحة بيت صديقتي وخليت بنتي مع خواتها

وبطريق الرجعة ضيعت دق علي قلتله ضيعت قالي بطريقة كلها استهزاء وسخرية عن الاستعباط 10 دقايق انتي عندي

دقيت على ابوي حبيبي ودلاني

طبعا عقبها كرهته كره وشلت اغراضي وييت بيت اهلي

على ابو ان باخذ اجازة وابي ارتاح منه

كلمت امي وقلت لها يما اذا ما طالبت بحق المبيت محد راح يتبرع بحقي

وابي ابعد معاه جلسة تفاهم انا وانتي وامه وهو

امي قالت اي استشيركم

اللي ابيه هل اقعد معاه هالجلسة؟؟؟

وانا الصراحة ابيها هاليومين مدام اني عند اهلي احس بتمصخ اذا رديت بيتي

وشلون افتح الموضوع


جزاكم الله خير

__________________
لا اله الا انت سبحانك اني كنت من الظالمين

يابنت الحلال ليش طلعتي من بيتك؟
أختي صبرتي ونلتي بيت
اصبري أكثر وتلقين زوجك يتغير للأحسن أكثر ،، مع الدعاء والصبر تلقينه يعدل بينكم.
طولي بااك ياموهبة.

اخر شي أعرفه أنا أنه أم بناته مو عايشه مع البنات ...صح؟

يعني هو قاسم أيام الأسبوع بين 3 أماكن ؟

كيف قسمته بالضبط ؟

__________________

طلعت وبارجع يعني بس جذي اني ابي ارتاح جم يوم

قسمته بيني وبين بناته بالمبيت

يومين بالاسبوع لي والباجي لهم

اما زوجته عايشة عند اهلها ويروح لها يستمتع معاها ويطلع

__________________
لا اله الا انت سبحانك اني كنت من الظالمين

سؤالي اناديه نتفاهم مع امه وامي

والا اشرايكم

__________________
لا اله الا انت سبحانك اني كنت من الظالمين

موهبه انتي ابخص بزوجك الي خايفه منه هل هو شاريك وا بس بينتظر الشاره و يطلق
اخاف هذا يعطيه سبب يطلقك او يعلقك
يقول طلعت من بيتي ما ابيها
غريب نظامه معقوله يروح يبات عند زوجته عندواهلها
وحتى يزورها ليه مابردها على ذمته ويلم شملهم مع بناتها الي مرمبين عند اهله
ماسمعت بكذا من قبل
استخيري موهبه
اذا شايفه انه شاريك اقعدي معاه واملي شروطك خاصه اذا مضايقك عدم عدله
المشكله بزوجك مش حق المبيت
اسلوبه وعدم اهتمامه اجل زوجته ضايعه يستهزئ الله يهديه

زوجته ما تبي ترجع
وهو ما يبات عندها بس اذا بغى خذا منها حقه وبس

وزوجي مدلل زوجته عالاخر يداريها حتى من نسمة الهوا

وانا عادي عنده

وهو اتوقع شاريني

وسالفة الطلعة من البيت عندي سبب قوي ان صاحب العمارة قاعد يصبغها

والريحة تأثر على تنفس البنت وصدرها

السالفة مو طلعتي من البيت السالفة هل اناديه والا لا

__________________
لا اله الا انت سبحانك اني كنت من الظالمين

ولو أنه اجابات الاسئلة اللي انطرحت لها علاقة بهل تناديه أو لأ ... وبهل يحق لك تطالبي بأكثر من يومين أو لأ وهل عنده ظروف خاصه أو لأ
لكن كل هذا مو شرط نناقشه هنا ... تقدروا تناقشوه انتي ووالدتك ووالدته وانت وهو

جوابي ..نعم ناديه ناقشوا الموضوع واسمعي ... أسمعي بإنصات وحطي نفسك مكانه ... بعدين اشرحي نفسك وشعورك بهدوء وأعطي مجال لوالدتك تتكلم لأن هي بتكون أقل انفعال منك

ليتك قدرتي تحتوي بناته ويعيشوا معاك بشقتك .. إحتمال وقتها ما كان راح يحتاج يتودد لأمهم

الله يهديه ويسخره لك ويوفق ما بينكم جميع

__________________

خالتو بيتا بناته اهم طلعوني من بيتهم بسببهم

مهما كانت مرة الابو طيبة وزينة بتظل ثومة مأكولة ومذمومة


باب بناته صكرته من زمان وهو بعد صكره

وانا ما عندي مانع ان امهم ترجع حق بناته وابي هالشي

بس هم بعد ابي حقوقي

الله يكتب كل خير

__________________
لا اله الا انت سبحانك اني كنت من الظالمين

السلام عليكم موهبه

استخيري ان كان في جمعتكم خير اكيد ربي ييسرها وان لا ربي يصرفها عنك

والمهم دعاء الاستخارة في السجود
الله يسهلك ان شاء الله

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام