السلام عليكم ورحمة الله وبركاته
احب في بداية كلامي اني اشكر الأخت Emoo على مجهودها في هذا القسم
وبالفعل شعلة من النشاط وبارك الله فيج
انا موضوعي اللي ودي اني اتكلم عنه صدقوني موضوع حساس جدا وشائك وفي غاية الأهمية ويمكن الكثير منا يغفل اهمية أو مايدير له اهتمام كبير وانا بواقع تجربة شخصية اقولكم هذا الشيء , انا ولله الحمد لقيت من اللي يدير بالي له ويعلمني حسن التصرف ولكن غيري اللي ماعنده من يعلمه هنا المشكله بجد فأنا من باب النصيحه قلت ابلغكم لأن اثرها مايروح بسرعه .
انا ما راح اطول عليكم في المقدمه , بأدخل في صلب الموضوع .
وهو كيف تمضي الليله الأولى مع زوجتك وكيف تواجهها وتنظر اليها والتعامل معها وكلامي هنا موجه للأزواج بصفة خاصة وانا اللي وجهني جزاه الله خير وكان له دور توجيهي كبير من هذي الناحيه وصدقوني انا الآن قاعد اجني اثار
النصايح اللي نصحني اياها الى اليوم .
وانا اقول لجميع الازواج وانصحهم ياشباب ارجوكم اسمعوها مني اول يوم من العرس او بالأحرى يوم الدخله حاسب قد ماتقدر لأن الزوجه تكون في هذا اليوم خوافه بشكل كبير صدقني مايتصوره عقلك مهما كانت طبيعة علاقتك واسلوبك معاها قبل الزواج فصدقني بمجرد مايقفل الباب عليك انت وياها تتغير 180 درجه ويبتدي قلبها ينبض بطريقه صدقني لو تركز بالنظر الي صدرها انك بتلاحظ دقات قلبها فهناك امور لازم تعرفها ومحاذير وهي :
1 - لاتركز النظر في زوجتك بطريقه تخليها تلاحظ زوجتك انك تخزها بنظراتك
( تحمل )
2 - حاول قد ماتقدر انك ماترفع صوتك صوتك ولا اقصد بالصراخ اقصد انك تكلمها بصوت عالي
3 - لاتكلمها من قريب , لاحق على القرب فأنت تخوفها بقربك الشديد منها
4 - حاسب لما ترفع الطرحه لاترفعها بسرعه وبطريقه غبية تحسسها بأنك مثل الثور الهايج
5 - لاتستظرف دمك واجد لأنها من سابع المستحيلات تضحك وهي مرتاحه
6 - ولاتلمح لها بالفراش والجماع بأي حال من الاحوال وهذا اهم شيء .
وصدقني وأخذها مني حاول تقضي اول يوم من غير شيء لاتظن انك بتموت اذا ماسويت شيئ
خل زوجتك ترتاح لك بالأول وكل شيء انت لاحق عليه ، انا ليش قلت هذا الكلام ؟؟؟؟؟؟؟؟؟؟؟؟؟
لسبب رئيسي انه اي خطئ او اي حركه غبية مش محسوبة تضل في عقل الزوجه ولا تطير مع الأيام وكل ماحصلت مشكله بينك وبينها تسترجع وقاحتك وفضاضتك في اليوم من الأول من الزواج
وانا ماراح ازل عليكم انا عن نفسي ماقدرت اني امارس حقي من اليوم الأول ولا حتى اليوم الثاني ولا الثالث بعد تدرون متى ؟؟؟؟؟؟ وانا ذكرت هذا قبل
بــــــــــعــــــــــد اسبـــــــــوع تصدق عاد ؟؟؟؟؟؟؟؟؟
واذا قدرت تقول لها هذي الكلمة اللي قولها وهي لها وقع حساس وإيجابي

قول لها في اول يوم :
اسمعي يا حبيبتي انا لما تزوجتج ماتزوجتج علشان الشيء اللي في بالج ( لاتذكر لها كلمة الجماع لأنها بتكون قبيحه وقوية على هذي المسكينة ) اكتفي فقط باللي بين القوسين .
اللي بيني وبينج اكبر من هذا الشيء وهذا الشيء انا مش مستعجل عليه ولا ابغيه الليلة يكفيني بس اني اشبع من شوفة وجهج الحلو واكحل عيني فيج
انتي عندي هذا بس يكفيني ولا افكر في غير هذا الشيئ
بس خلك هادئ وانت تقول هذا الكلام فوالله له اثر كبير في انك تريحها , لأن البنت عارفه هذا الشيء بس حيائها يمنعها من مواجهته وهذا من طبيعتها الحلوة
وبعد مش عارفه من وين هي تبتدي ولا ايش تقول لازم انت اللي تجرئها على الكلام تكلم معاها عن العرس والمعازيم وايش اللي صار في عرس الرجاجيل بس لاتطول في هذي المواضيع علشان ماتمل ومنها الى مواضيع اخرى وانت وأسلوبك وشطارتك
وسامحوني على الإطاله اخوكم
ابوالسنونو

الأخت الغالية Emoo بصراحع ما اقدر اعبر عن شكري وتقديري لك وهذا جميل
لن انساه لك كم هو شعور جميل ان يثبت موضوعي .
وصدقيني هذا التثبيت اعتبره افضل تكريم لي وشرف كبير كنت اتوقع انه كل مشرف يثبت موضوعي الا انتي لسبب واحد الا وهو صعوبة مجارات اسلوبك الراقي
وهذا وسام على صدري بمرتبة الشرف وتفضلي بقبول فائق الاحترام والتقدير
اخوج
ابوالسنونو

اما اللي له الفضل من بعد الله فهو حبيبي الوديع1977
اشكرك يا أخي العزيز وانا اقولها لك بصدق وربي شاهد وعالم انا لو فكرت اني امدح نفسي والعياذ بالله وافتخر بنفسي ماقدرت اقول شيئ من جملة الدرر
اللي تساقطت من فمك المليئ بها
اشكرك جزيل الشكر ( يقف لساني عاجز عن التعبير )

الأخ فلسطيني
الأخت badr
بافعل اشكركم على مروركم اللي له اثر كبير في نفسي
فرحتوني الله يفرحكم ولا يضركم كلكم
والله يجزاكم خير عظيم الجزاء
اخوكم
ابو السنونو

اوووووه نسيت اشكر ايضا الأخ العزيز طاطا
وعلى فكرة الأخ طاطا من الأشخاص اللي افرح لما اشوف تعليقاته الخفيفة الظل
اشكرك ياطاطا
اخوك
ابوالسنونو