مساء الخير ..
استفيد من نصائحكم ..
صار بينى و بينه موقف سخيف و زعل و رجع لاسلوبه البايخ معى وهو التطنيش !
او الهجر او صد مدرى ايش اسميه بس ينررفزني هذا الاسلوب ويتعب نفسيتى جد ..
قبلها تكلم لما تناقشنا و يقول انتى فيك انانية واضحه !
كل شيء تطلبيه اسويه لك و احرص ارضيك و مازعلك و ان طلبتك انا
ماتسوي اللى اطلبه و ان سويته تسوينه بعد لكاعه !
قلت اناا ! يقول ايوا انتى .
ويقول عنيده و تستعبطي علي ! اغلب اسلوبك استعباط !
زعل هنا من كلام قاله ورديت عليه بسخريه ، دون قصد واعتذرت منه
قال اعرف انه طبع فيك مو قصد ..!
و طنشنى كم يوم مايرد علي و كاتب بالواتس " قدري اعشق كل قبيح وجهه حسن "
بالله مو كلام يزعل ؟! المفروض انا ازعل مو هو ..!
وسافر امس دبي عنده شغل اسبوع و كم يوم و قبل يسافر ارسلت له
لانه مايرد علي قلت بفقدك رد قال كم يوم وارجع قلت ترجع بالسلامه حبيبي قال يسلمك
وقفل جواله ..! اعرف انه زعلان وخاصه بعد كلامه لي ..
و شيء ثانى انا كنت جايبه للحفل مطرب و مكلمته ودافعه له عربون
و ابوي عرف من وحده و ررررفض ! و كلم ابراهيم انه مايحضرون الحفل ناس كذا
طبعا كل كلام الوالد ينفذه ابراهيم و قالى الغيه قلت انا ابغاه قال نجيب غير من هنا
قلت انا ابغاه هو وانت عارف كم دافعين له عربون راح يروح علينا ! قال ابوك بيطربقها
فوق روسنا ! قلت لا تخاف هو بيجى هنا بنفس يوم الفرح و مامن نفسه ..
وقال ماحد يقدر يوقفه بالفرح الا انا و بامر منى انا ..
سكت مارد ااخاف ااكد دحين الحجز ويقوم يزعل !! و بنفس الوقت ماخلانا نتفاهم عليه
وبعدين يقول ايواا عنيده !!

الغي حجز هالمطرب
واخبريه بذلك. فقط

__________________

الله يعينه عليك ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

الله يرجعه لك بالسلامة

الغي المطرب ترى من جد عنيده و ياليته على شي حلال .
لا تجادلين في كل صغيرة وكبيرة راح يزهق وبعدها ما يلبي لك شي
ايش اللي زعله ممكن نعرف؟

كيف الغيه وهو مارد علي !
بخليه مثل ماهو ..

امين ، مشكور ...




مشكوره جزاك الله خيرا..

قال عنيده مو عشان المطرب ..
ما اجادل انا بس ان سكت يقول ردى ليه ساكته !
طلب طلب مدرى ايش هو نسيته جد 😊 بس اذكر انه قال سوى بس مدرى ايش
اقوله ذكرنى طيب انا بشر انسى طبيعى حتى كلامى اللى اقوله انساه وزعل
يقول لو انا مانسيت و لا مره نسيت لك طلب ..
وقبلها كان طالب اكلمه الساعه كذا وكذا و ماكلمته و زعل يقول كنت انتظرك !
طلباته على العموم يبغى اكلمه كل وقت ! كل شيء اعلمه فيه لو تافه
يبغى يجينى كل يوم البيت ! رفضت
ويقول انتى تبغى على مزاجك ان قلتى تعال اجيك وان انا طلبت اجى رفضتى وتحججتى !
بس ..

تصدقين على بالي تم الزواج من زمان
المطرب الغيه مو عشانه ، استفتحي زواجك بالحلال عشان ربك يبارك لك
و معادلة بسيطة جدا ارضي ربك يرضي خلقه عليك
وهذا الشي لاحظته بحياتي جدا 😊 مع انه ما يحتاج تاكيد او دليل

أختي انتبهي لملاحظاته زين
انت اللي براسك تسويه والرجال بدأ يستوعبك
كلمة مجبور اعشق كل قبيح حسن الوجه حطي تحتها الف خط

ركزي على نقطة ان يحب ينفذ اللي يبيه والدك ولا يرد له طلب هنا بتكون نقطة خلاف بينكم وراح تطول لانك مش على وفاق مع والدك

يسوي لك كل اللي تبيه واللي يبيه ما تسويه يعتمد على طلباته
هو متعلق فيك حاليا لكن انتبهي قد يمل من بعض تصرفاتك صحيح محد كامل بس هو لاحظ عليك عدة اشياء وذكرها لك

اخذيها من اختك واذا ما ماتقبلتيها رديها انتبهي لتصرفاتك ادخلي دورات تخلصي من العناد لانك فعلا عنيدة

__________________
يا رب خاتمة حســنة ، وزلفى ، وحسن مآب ..