هل التسامح والتغافل في الحياة الزوجية غلط؟
هل هو يدفع الطرف الثاني للتمادي؟
هل هو اشارة خضراء (يعني اغلط عادي)؟

قي الفتره السابقة شلت شعار التسامح
متجاهله الكلام البذيء والنكد
وتضخيم الامور وافتعال زوجي للمشاكل الخ
وكنت اشوفه يغلط وانا اترفع عن الرد
مره يبوس راسي
ومره يطنش وانا اكلمه عادي
ومره يحاول يعتذر بشكل غير مباشر
وانا استقبل برحابه صدر
ومره يكابر ويقلبها زعل للدفاع عن نفسه

قلت يابنت مافي شي يستاهل
طنشي وكبري راسك
وصلت فيه يتلفظ علي باللعن والسب
واحيانا يكابر ويعيش دور الزعلان
وانا مطنشه وعايشه حياتي


لاحظت مع الوقت
انه يفتكرني خايفه من الطلاق والا ما احس
لمت نفسي
احنا مو ملائكه
والعطاء المفروض على قد الاخذ


اللي خلاني اقول كذا
قبل 3 ايام دخل علي الفجر
كنت نايمه
ضرب الباب وصحاني وصحى ولدي
وجلس الطفل يبكي بقوه
وانا احاول اهديه واغني له
بس مارضى ينام
قام زوجي صرخ عليه بقوووه
انا هنا انفعلت:
داخل فاجعني انا وولدي وتصرخ عليه!
حرام عليك عمره سنتين!

قال اطلعي برا انتي وولدك
الله يلعن امك والساعه اللي شفتك فيها


انا انقهرت
وصلت فيه يلعن امي
هنا فقت لنفسي
وادركت ان تسامحي شجعه يتمادى
وان هالانواع ماينفع معها الرقي
طلعت ونمت بالصاله مع ولدي
ودموعي ماوقفت
انقهررررررت على امي حبيبتي
اللي هو عندي مايسوى ظفر رجلها


ثاني يوم نزلني عند اهلي
كنت بتغدى عندهم
وماجاء ياخذنا بالليل
ونمت عندهم ولا سألت فيه
اليوم اللي بعده ارسلت له: متى بتجي؟
قال: بكرا
مارديت
اليوم ارسل لي الظهر: متى اجيكم؟
قلت: بعد صلاة المغرب
ركبت السياره، سلمت
رد السلام
شوي جلس يسولف
وانا ارد باختصار شديد
وصلنا البيت
قال بصوت عالي: نورتي ياالغالية
قلت بهدوء: شكرا
نزلنا
جلس ربع ساعه باليت
بعدها قال: انا بطلع تبين شي؟
قلت: سلامتك
بدون ما اناظره


ياناس انا تغيرت
بس هو يتغير للأسوأ
ما ابغى اناقشه
ولا اجلس معه
لاني جربت كل هذا ومافاد


تعبانه من حياتي
والطلاق صعب علي وعلى اطفالي
واهلي رافعين يدهم خلاص بعد مشاكلي معه
وهو مو راضي يتأدب
كل يوم يفتعل مشكله من لا شي
يضخم الامور بشكل مجنون
كأنه شارب شي والا متعاطي شي
هو سليم بس مسكين يصير زي الثور الهايج


قلت براحته
ارسل له طلباتي واتس ويجيبها
ابلغه بمشاويري ويأديها
لكن توصل فيه يغلط بأمي!!
هذي ما اتحملها
والله لو اني لعنت امه كان طردني بالشارع



هالمره ماني قادره اعديها له
وهو يتعامل مع الوضع طبيعي
ولا على باله

قبل اسبوع نسيت شي تافه
ماكلمت لتأكيد موعد طبيب
قال لي: ياغبيه متى تركزين!
قلت بهدوء: لوسمحت لاتقول غبيه
ترى الزواج الناجح اساسه الاحترام
قال: وانتي شايفه زواجنا ناجح؟ هذا قمه الفشل

مارديت عليه
بالليل جاب عشاء وجلس يسولف ويضحك
وانا تجاهلت كلامه ومشيتها

بعدها بيومين
زعل من بنتي
عملت مشكله وصرخ عليها
بعدين دخل علي معصب
انتي ماتعرفين تربي بنتك لانك اصلا ماتربيتي
انفجعت ومارديت
من بكرا العيد صحى وباس راسي ويدي
قلت له لو مو عيد مامشيتها لك
قال مو مني بنتك قهرتني
قلت موذنبي.. قال خلصنا لاتنكدين
ومشيتها



لكن غلطه على امي غير مقبول نهائي
وهو متخذ وضعية التطنيش الان

احس بكآبة فظيعة
ماكتبت لكم إلا لأني تعبانه كثير
حاسه نفسي انسان بلا قيمة
هاينه علي نفسي مره
وحركته لما رماني ببيت اهلي
وكيف ركبت السيارة وشافني ارد باحترام
وصار يسولف عادي ماكأن فيه شي
محسستني ان فيه نيران بصدري
متضايقه منه كثير
سيء الخلق وبذيء اللسان
ماعرفت هالشي الا من العشره
اول كنت انفعل عليه اذا غلط
ويتمادى اكثر بالشتم والانفعال
صرت اسكت وهو عايش حياته
شخص مو محترم نهائي
صرت مو طايقه اسمع صوته ولا اشوفه
مره حزينة على نفسي
اكتب لكم بقمة انكساري

اعتبريه انسان سفيه مرفوع عنه القلم وتعاملي معه على هالاساس ..

لما سب امك لاتكبرينها داخل نفسك ..الشيطان قاعد يشيشك عليه زياده
يعني واذا سبها او لعنها هل هي فعلا اصبحت ملعونه ؟؟

انت ماوصلتي لحد الان لدرجة التجاهل وكلماته تاخذينها بمحمل الجد
زوجك بالذات المفترض كلماته تعتبرينها بالهواء الطاير

تذكري دائما ايجابيات بقائك معه وكبريها داخل ذهنك علشان راحة نفسك
منها المسكن الخاص
الخصوصيه
نفقته عليك

وقولي الحمدلله ...


خلاص هو تجاهليييه واذا اعتذر انت طيحي الحطب لاتكبرينها وترفضين اعتذاره او تحقرينه كله علشان راحة نفسك

ريماس والله شتمه لي ماهمني
وتلفظه علي ماهز فيني شعره
وذكرت امثله بسيطه
وفي كلام قوي قاله لي
ما اقدر اكتبه لكم
اسماء فضلات وحيوانات
لسانه قذر لابعد حد
لكني متجاهلته تماما
وفعلا انظر له على انه سفيهه
لكن تطاوله على امي جنني
كل ما اتذكر كلمته انقهر
واحس سكوتي يعني اني بلا كرامه
انا الحين مو متقبلته نهائي
احس نفسي متشبعه خلاص
وهو نزلني البيت
وراح يشوف مباراه المنتخب
ولا على باله
حسبي الله ونعم الوكيل

حسن الخلق رزق ،، مثله مثل اي رزق في الدنيا ،، يهبه الله اناس ويحرم اخرين منه ،، ولو حاولتي الالاف المرات ،، لن يتغير شيء

وفعلا كلامه عنك ،، عن امك ،، عن اي احد لا يقدم ولا يؤخر شيء ،، كلام هو سيحاسب عليه يوم القيامة ،، وربما ترجع الدعوة عليه وتستجاب فيُلعن ،، ربما اذا استشعرت قوة الله وجلالته ووعده للمظلوم ( وعزتي وجلالي لانصرنك ولو بعد حين) تجبر نفسك الكسيرة ،، وتلتئم جراحك ،،

اقول لك هذا ،، لنفسك انت ،، حتى لا تهدري طاقتك على مشاعر سلبية بسبب شخص سيء الخلق ،، واحتسبي الاجر في كل مرة تدفعين باللتي هي احسن ،، لعلم تفوزين بحط عظيم في الدنيا والاخرة

(وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ) سورة فصلت

كلامك ريحني يا ام سهيل
الله يسعدك
واتفاقك مع ريماس على التجاهل
هون علي مصيبتي
كنت متوقعه تطاوله على امي اخر شي بينا

بداخلي احتقرته كثير
بس ماكلمته نهائي
وهو شايف وجهي مقلوب ومتضايقه
بس مطنش ومتجاهلني
وهذا زاد قهري
الى الله المشتكى

اسأل الله لك الصبر العظيم ...
اعرف هذه النوعية جيدا ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يصبرك ويفرج همك ويهدي زوجك ..

هل تنفع معه طريقة العتاب بعد أن يهدأ
ليعرف سبب زعلك
لعله نسي مع الغضب ماذا قال
وأخبريه أن أمك خط أحمر

__________________
أستغفر الله وأتوب إليه✨

سبحان الله سالفتك مثل سالفتي لكن كانت ببدايه زواجي نفسك بالضبط
دايم انتقاد وسب ولعن فيني وفي اهلي واني مو عاجبته واني ماتربيت واني قليله ادب كل الكلام المخيس كان يقوله لي وكنت اسكت وانقهررر في داخلي واكتم لين جاء الًيَوُمًِ الموعود وانفجرت في وجهه وطلبت الطلاق منه وعلمت ابوي بالسالفه
يوم عرف ان ابوي داري بالسالفه حاول يرقع الموضوع ويطلعني اني انا الغلطانه والكذابه واني افتري عليه
عاد ابوي الْحمَدللـّہ ماقصر فيه ادبه ووقفه عند حده وقال له كلام يسم البدن
وخوفه بالطلاق وكان مايشبهني الا باسم حيوان وكنت اسفه وان قفلت معي قلت له جزاك الله خير احيانا يتفشل ويسكت واحيانا لا
المهم بعد ابوي ماكلمه الْحمَدللـّہ تأدب وخاف وماصار يتلفظ ولا يشتم الا بوقت عصبيه واتغاظى امشيها
لكن بعد اللي صار قطع اهلي و قطع التواصل وياهم بزعم كرامته ع اساس اهنت كرامته مو كأنه هو اللي هايني


انا اقول كلمي والدك او احد كبير عاقل يتفاهم معه ويحط له حد لان صدقيني راح يزيد ويتمادى هالنوعيه ماتستحي ع وجها
تتمادى اكثر انا مجربه وهذي تجربتي بيقول ماوراها احد وساكته يعني راضيه ويزيد
بالبدايه انا كنت اسكت لان مابي المشاكل بس يحسب سكوتي خوف .. مايدري اني كنت اسكت مو من خوف كان حفاظ على بيتي وعليه ومابي مشاكل