السلام عليكم ورحمه الله وبركاته
شخباركم وشعلومكم عساكم بخير يالربع ..
عندي مشكله ابيلها حل ونصايح ..
الحمدلله رب العالمين انا متخرج من الجامعه وعلى باب وظيفة
ومفكر اتزوج ولاني مجمع شي من المال .. فوزعت معاشي .. ينتهي قبل ما احسب اغراض البيت الاكل ولزومه وهو كالتالي ...
المعاش مع بدل الاجار ( دولة الكويت يعطون بدل اجار ) = 700 دك
ويتقسم كالتالي ..
الشقه 300 دينار شهريا .. لا تقولون وايد هذي الاسعار الي عندنا ..
قسط سيارتي 150 دينار ... تقريبا ..
باخذلي اثاث بالتقسيط لاني مو مجمع شي فيطلع القسط مثلا 100 دك ..
بقت 150 ... تكفي بانزين ولا مصاريف النقال ولا اكل البيت ولا هدايا للزوجه ولا شتكفي ...
فهل امتنع عن الزواج لقول رسول الله صلى الله عليه وسلم .. من استطاع منكم الباءه فليتزوج ومن لم يستطع فعليه بالصوم ...
واصوم
ولا شسوي برايكم .. افيدونا افادكم الله ..
اخوكم راسم احزان

ألحين راتبك ماشاء الله تبارك الرحمن
تقريبآ 8400 ريال سعودي
وتقول مايكفي
أنا أقول خذ لك قرض من البنك وياخذون كل
شهر منه 300 دينار يبقالك 400
وش رأيك؟؟

__________________
سبحان الله وبحمده سبحان الله العظيم

ماشاء الله ام سوسو حسبت الراتب وطلع 8400


ترا عندنا يتزوجو ورواتبهم 3_ 4 الف وماشين حياتهم ومبسوطين


مد رجولك على قد لحافك .. ولاتشتري ولاتأثث بيتك بشي غالي

__________________


اللهم فرج كربتي ويسر امري واكتب لي الخير يارب

وعليكم السلام ..


حرام عليك ... اذا راتبك كبير , وانت عزوبي ولا تقدر تتزوج ... اجل كيف لو تزوجت ..؟


حاول تترك عنك الكماليات من أكل المطاعم وغيرها ...

تزوج , وراح تترتب حياتك ..

um soso
شكرا جزيلا على الرد
للاسف القروض كلها ربويه ولا احب ان اتعامل بالربا لانه محرم هذا اولا
وثانيا لا احب القروض من البدايه ..
وعندكم في المملكه صح المصاريف رخيصه يعني اجار الشقق وكذا ...
احنا ناااار للأسف
-----
العام
انا حاسبها على ارخص شي ..
احنا الاسعار عندنا مرتفعه جدا جدا جدا وسألو اهل الكويت
الحمدلله على كل حال ..
-----
بوناجي
شكرا لك على المرور ..
راتبي كبير يمكن بالنسبه للسعوديه
لكن تعال شوف الكويتيين
الله المستعان راتبي يعتبر عادي ..
ووفقكم الله

__________________

اخت روز شكرا لمرورج ..
صح كويس بس بالنسبه للمملكه
عندنا راتب عادي ومصاريفنا تلهلب الله المستعان
شكرا

الله يرزقك ويفرجها عليك توكل على الله ياخوي وتزوج والله بيرزقك ان شاء الله لانك بتكمل نص دينك والله سبحانه كريم .

__________________
[IMG

السلام عليكم ورحمة الله وبركاته


اخي الفاضل \\ حفظك المولى ورعاك ويسر امرك وفتح لك ابواب رحمة



اخي ممكن تأجل الزواج فتره من الزمن على بال ماتجمع شوي


ممكن انك تأثث البيت على خفيف

يعين اهم شي


غرفة النوم والصاله والمطبخ


وبعد ماتتزوجوا كل شهر تشترون شيء جديد تكملون باقي الغرف



وبعدين


المطاعم في فترة عزوبيتك استغني عنها تماما

اي مصاريف زايده استغي عنها


مثل فواتير النقل

بدل ماتصرف عليه 400 خليها 200 وهكذا



يعني اوزنها اكثر ووزع راتبك بالمعقول


شوي شوي

واجل الزواج شوي كمان

الين ربي يفرجها




صح نسيت


ليه ماتشتغل مسائي

بأحد المحلات



انا زوج اختي اول ماخطب ماكان عنده يشتغل كان يدرس

وكان يشتغل وظيفتين بعد الدراسه اليييييين

فرش تزوج

وبعد الزواج

صار يدرس ويشتغل بوظيفه وحده


والحين شوفه ماشاء الله تبارك الله

الله يبارك لهم يارب عندهم املاك يديروها

وساكنين بأحسن مايكون واولادهم بأحسن المدارس

وكله بتوفيق من الله




المهم انت الحين ماعندك شي

دور لك عمل مسائي اكسب منه رزق

والله يرزقك من اوسع ابوابه

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

( ان يكونو فقراء يغنهم الله من فضله )

أخلص النية ويرزقك الله 00


بحسن التخطيط والتدبير والتنظيم 00 تستطيع 00

لكن ابدأ بالأول فالأول 00

يعني قدم الأولويات 00

والهدايا مو شيء اساسي 00 على حسب قدرتك 00

والأثاث أهم شيء الأساس من غرفة النوم وغيره 00

والباقي يجي بعدين 00

والشقة تحاول تبحث عن الأقل ايجارا 00


وهكذا رتب امورك 00 وربي بيعينك 00

__________________
... لم تخلق المرأة من رأس الرجل لتتكبر عليه ... !! ولا من رجله ليحتقرها ..!!
وإنما خلقت من ضلعه لتكون تحت جناحيه فيحميها ..!!