الحقيقة هذي أول مشاركة لي بعد ما شدتني المواضيع وفعلا لقيت عالم تواجه مشاكل مثل مشاكلي..
نجي للأهم مشكلتي.. واللي أبي لها حل..
أنا متزوجة من أربع شهور.. لكن ما جلست مع زوجي إلا شهر ونصف بعدين جاته سفرة عمل داخلية.. طبعا في البداية ما كنا ندري إنه لحد الآن بيظل برا.. وهو بعد من جد متضايق.. لكن اللي يضايقني إن زوجته الأولى تروح له بينما أنا أهلي ما يوافقون أروح.. مع العلم إني توني عروسة ولي حاجات نفسية وجسمية..

ومن جد تعبت والبارح قلبتها هوشة مع أبوي.. والنهاية رافض أروح لزوجي.. طبعا زوجي ما يسمحون له يجي عندنا.. وزوجته تروح له.. وأنا منطقة في ذا مع إن توني عروس.. بتقولون اصبري.. بقولكم يعني بالعقل وش أنا مسوية غير إني صابرة ومحترقة.. والله إني ماشفت شهر عسل.. وليلة زواجي مداوم.. ومن أول أيام عرسي يخليني ويطلع.. عشان يشوف أمور أهله.. أنا ماني ضد أهله.. أنا ضد إنه ولا يوم خذا إجازة حتى خميس وجمعة ما فيه إجازة.. من أول أيام زواجي يجي الفجر ويطلع الصباح أو الظهر.. يعني فترة النوم بس..

وطبعا مشاكل كثيرة بس خلونا كل يوم نتلو مصيبة.. وحطوا في بالكم إنه يقول إنه يحبني.. طبعا ما أسمع هالكلمة إلا إذا تهاوشت معاه وقلت له إنت ما تحبني.. مقهورة والله مقهورة والمشكلة الكبرى إني رومانسية ومن النوع اللي يميل للجنس عكس زوجي تماما..أدري خمسين سالفة من كل جهة.. أربع شهور وكل هالمشاكل.. قولوا لي تكفون وش الحل

كان الله في عونك

الله يعينك

لكن ما دام لا يستطيع القيام بالحقوق الزوجية.............لماذا تزوج أصلاً؟

وإياك واغضاب أهلك...فهم يعرفون للحياة أكثر منك

وفقك الله

حاولي وضع حد لذلك ولا تجعليه يتمادى وبالخصوص انكم في بداية الحياة الزوجية
والله يوفقك

الصبر مفتاح الفرج

الله يعينك أختي

الله يهدية وتشوفية كل يووووم

__________________
سكنتي روح أحبابج وصرتي القلب وضي العين..
وكثر ماأعشق ترابج كتبت بدمي البحرين

عليك بالدعاء حبيبتي

وبعدين كلمي زوجك برفق ولين وخليه يجي

يأخذك على الأقل كم يوم ...وأحذري تخانقين وياه

أو تكيلين لأهلك ..أو لزوجته الأولى ..

أو حتى تجيبي طاري الجنس فقط كلميه أنك مشتاقه له

وحابه تشوفينه ..والله ييسر أمرك ويوفقك

__________________






[IMG]http://graphics.************/i.p.emlove.gif[/IMG]من أحبني فليدعو لأمي بالرحمة والمغفرة [IMG]http://graphics.************/i.p.emlove.gif[/IMG]

لاتحرموني من دعوة قد تستجاب منكم فلأمي المغفرةوالرحمة ولأبي أن تكون زوجته التي أقبلت علينا امرأة صالحة ...ولي التوفيق في الدنيا والآخرة
حتى لا أعيش الحرمان مرتين..ياأرحم الراحمين...

تناقشي مع زوجك بالليـــــــــن وخذيه بالكلام الحـــلو

وإن شـــــاء الله هو اللي بيزورك ولو ايام الخميس والجمعه

__________________

اختى الفاضلة
1- اجذبيه اتجاهك بالحب ولين الجانب
2- ذكريه بأنه لابد ان يعدل بينك وبين زوجتة الاولى لان ذلك من الدين الاسلامى الحنيف
3- وضحى له بأنك تشتاقين اليه عاطفيا وجنسيا وان هذا من حقوقك عليه وهذا ليس عيبا ابدا.......فقط بالحسنى
4- عليك بالدعاء

الله معك

اخوك
اشرف الامام

الله يكون في عونك اختي

بس حبيت انبهك اختي بما انك لسه عروس ولسه في بادية حياتك لا تبدأيها بمشاكل خصوصا أنه متزوج يعني عنده غيرك!
حاولي تكسبيه مو تنفريه
واعتقد ان جزء من مشكلتك هي ظروف عمله يعني لو سكنكم عادي كان راح تتغير أشياء كثيرة لذلك انصحك بإقناع والدك بان تذهبي له بعدك عنه له دور في اشياء كثيرة
بس بالنسبة لمشاكلكم الثانية..
عندي لك فكرة جربيها واذا مانجحت سوي اللي تبين بس فترة تحملي واضغطي على نفسك
انسي تماما كل عيوبه ول تصرفاته وابداي كأنك عروس جديدة لسه اليوم متزوجة
اهتمي بنفسك تعاملي معاه بلطف وعاطفية
طبعا لا تقصري في زيارتك له بتقديم هدية حلوة
مهما قال او قصر لا تناقشيه -فترة بس والله فترة الى ان يهدا تجاهك وراح تشوفي الفرق!- خليه يشعر انه اذا دخل عليك ما يلقى الا الكلام الحلو والدلال! وصدقيني علاقتك فيك راح تكون افضل وافضل مع الوقت..
بس ولا تزعلين مني اختي انت لا تزالين عروس جديدة وانت عارفة ان عنده زوجة ثانية يعني شبه مستغني! وتحطين مشاكل؟!! حاولي شوي تتنازلين الين تكسبينه تماما وهوالآن لا زال في طور ترتيب ظروفه بين بيتك وبيته الثاني وظروفه المختلفة
صدقيني مع الوقت راح يقدر ينظم نفسه لكن في حالة وحدة بس اذا عرفت كيف تشدينه لك! وتخلينه هو من نفسه يعطي لنفسه وقت كافي معك!
والرجل مهما كان يظل بشر له قدرات وبحاجة الى دعم ومساعدة وخصوصا تلقينه الآن يلقى مشاكل مع الاولى بكون تزوج فانت كوني له عون ومساعد وصدقيني اذا لقى عندك الراحة راح تكون التفاته لك قوية..
بس لا تستعجلين ووفري ظروف تجعله يتعلق بك.. المسألة تحتاج الى شوي صبر وراح تنفرج بإذن الله
بالتوفيق يارب