سسسلام عليكم ورحمه الله وبركاته.. انا ان شالله ناوي اسافر اخر شهر 7 لدبي وجي احد يفديني كم تكلفة سفرة 4 ايام وووين تكون التمشيات والوناسه وهاه يعني تعرفووون😊 ودي احتفل بذكرى ثالث سنه لزواجنا بدبي وكنت ابيها مفاجاه لزوجتي مع العلم باقي مامعنا اطفال ... الي قد سافر يعطيني كل شي عن السفرة

تبي نصيحتي كنسل سفرة دبي وروح لجاكرتا بصراحه روعه وتكلفه لاتتعدى 5 الاف الى 9 او 10 الاف ريال سعودي وفيه مناطق سياحيه جدآ رائعه

المشكله اجازتي قصيره يادوب على دبي بس

طيب روح للقرية العالمية بصراحه كويسه جدآ وفلهه وفيه سوق نايف سوق شعبي هو اذا تبي الاسواق بصراحه جدآ رائع وروح للأمرات مول فيه ماركات كويسه ومزبوطه جدآ حلوهه وروح الفيستيفال مول بالمطاعم حلوه جدآ

وذا تبي تتسوق روح بالاوتلت الاسعاره كويسه

والتكلفه راح توصل 10 الاف ريال سعودي وتوفر بالماده عشان يرجع معك مبلغ زايد

انا سافرت لدبي سبوع كامل 7 ايام وكلفتني 12 الف بس لعبت بصراحه قعدت العب بالفلوس

قعدت اشتري كثير

والله اخوك في الله المبذر ههه

أخذت زوجتي على عالم فيراري ولين الحين مبسوطة من هالسفرة،

ودبي غالية شوياات يعني انا قعدت 5 ايام ومطاعم وفندق 5 نجوم وهدايا ودلع وكلفتني 14 ألف نصيحة لا تصير مثلي ههه

اذا زوجتك من النوع الي تحب الحنان خذها عالم فيراري وراح تدعيلي،

حياتي مبعثره والله تو اقول لوحده معي بتويتر

تروح اندونيسيا وتترك دبي

لأن أجواء دبي حاره جداً


اخوي لورنس اللي اعرفه في دبي فندق اتلانتس وهو غالي شويتين
ومركز حمر عين وسيتي سنتر وابن بطوطه
حديقة الزهور ويقولوا يقفلوها في الصيف

بالتوفيق