مساء الخير.. جايتكم يا اخواني بموضوع طفشني وجاب لي الهم،
ابي نصيحة صادقة من قلب طلبتكم لاتردوني ولا تقسون علي
أنا تزوجت شخص عن حب مافيه عيوب ان شاء الله الا عيب واحد! ويوم عن يوم يكبر هالعيب بعيوني أكثر و أكثر ويخليني أنعمي ما أشوف اي حسنه له وعلى الرغم من ان العلاقة عسل بيننا وشاريني الرجال ويعلم الله شكثر شاريته الا انها صارت تسوء بالفتره الاخيرة بشكل ملاحظ ..
حزينه والله ومكسورة من هالشيء ببساطة اخته ناويه تسكن معي انا طبعا متملكة وعرسي قريب ، الخُلاصة اول ماخطبوني حبيت البنت مره مره مره، بس ماكنت ادري انها بتسكن معي الا بعد ماتمت اغلب الامور ووافقت على مضض ومن اللي فهمته ذيك الايام انها بتسكن مؤقتاً ، قلت حرام افرط باللي حبني وشاريني عشان كذا بالعكس .. اللي صاير ان اخت زوجي ابوها بديرتهم وامها بالمدينه اللي تربوا وعاشوا فيها طول العمر زوجي واخوانه منفصلين طبعا، اخت زوجي اكبر مني ب 5-6 سنين تقريبا واكبر من زوجي بسنه وشي منفصلة أكثر من مرة .. انسانة مافيها عيب ما أتكلم فيها بشي ماشفته لا ورب العباد ربي يسترها بستره ماعليها حبوبة وراعية سوالف وكذا جميلة جدا وانيقة جدا وفيها كمية غرور لا بأس بها وشهادتها عُليا انا عني ايضا جميلة وجدا بعد بس مو بمستواها واحس بنقص من هالناحية للأسف ، انيقة وشهادتي بكالوريوس الزبدة عشان ما أتوهكم كانت ساكنة بمدينتهم لين بعد خطوبتي بمدة وقبل ملكتي جت هالمدينة اللي هي مدينتي وساكنة فيها انا واهلي ويشتتغل فيها زوجي تهاوشت مع امها واخوها الصغير ومد يده عليها وطردوها من البيت راحت لأبوها عمي الظاهر ومدري وش صار بينهم ورجعت لأخوها المتزوج وجلست فترة وبدأت زوجته تبين انها متضايقة فما كان في حل الا اخوها هدا اللي هو زوجي، جت سكنت معاه ماقصر خبرنا هو انها بتسكن فترة بعد الملكة تعلقت بالرجال اكثر وحبيته وحيل طاير فيني وهي والله ماعليها بس بديت الاحظ تصرفات منها غريبة اولا لبسها قدامه ماعجبني ( من خلال تصوير السناب معاه يوم ترسل لي ) ثانيا تتدخل بأشياء كثير جدا وتتعمد تحسسني انها تعرف لزوجي اكثر مني وانها اقرب
مع اني والله ماني من النوع اللي يبي يفرق ولا راعية حركات
ثالثا وهو اللي حطمني اكثر شي جدا جدا محتقره شهادتي ومقللها من قيمتها قدام اخوها وهذا اللي خلاني انتبه لها وتتفتح عيوني واخرتها قبل امس رجعت تعلق ع نفس الموضوع ! مع ان تخصصي لغة اجنبية لأحد الدول وجدا صعب!!واغلب الوقت تجرحني بشهادتي لاني تأخرت بالتخرج لظروف معينه وهي ماشاءالله متفوقة ربي يزيدها ودايم دايم تحاول تبين انها افضل مني بهالشي بأي فرصة تجيها
رابعا ماشاء الله تتحكم بأخوها واجد ولها هيبه عنده وما اقدر اجيب طاريها لا بخير ولا بشر صراحة اخاف اجرحه ولا يفهم غلط اللي صاير اني كنت احسبها بتسكن مؤقت معي ف وافقت وكملت مع الرجال، لكن للأسف صدمني مؤخراً انها ممكن تكون اقامة دائمة بما انها تدور وظيفة بمدينتنا!
وان اصلا شهر العسل اسبوعين عشان دوامه وبرجع الاقيها بوجهي وفي بيتي وقبلي بعد! ط
يب شلون انا عروس؟؟ كيف ألبس كيف بداية حياتي بعيشها كيف بحس اصلا انه بيتي انا عروس وتعرفون حركات العرسان ولبسهم وشدعوة!!
والله انا جدا محبطة جدا جدا، يعني متخييلن السكن شقة وضيق وهي فوقي من اول شهر ماعندي مانع بيت اخوها ولها الحشيمة بس تتركني اتهنى شهر ولا شهرين!! يعني حركات الدلع واللبس اشيلها من راسي، فيها طبع تموت بالقهوة وهي تحب تقهويه وتستقبله ومابقعد اتحارب معها ع هالشي! مابقدر اروح مشوار ولا اعزم ولا أخذ راحتي ابد بتدري عن كل شي!! والله محتارة وضايق صدري ومكتومة وودي انفصل مع ان زوجي ينشرى بالذهب لكن الحمدلله على كل حال ماني عارفة وش اسوي، وفوق هذا كلةب خ ي ل ة بخييييييلة حتى اخوها يلمح ساعات بالغلط بهالشي، ابد تطلع وتروح وتجي مستحيل تحط ريال بشي وقاعده عنده يصرف عليها وماساعدته بأي شي من امور الزواج وماشاء الله ربي منعم عليها انواع الماركات واللبس وانا زوجي يادوب قادر يغطي مصاريف الزواج ماني عارفة شسوي انصحوني الله يخليكم انا كارهة كل شي وربياحس اني بصير خدامة لهم!! يعني زوجي على عيني وراسي بس هي؟ مادري مادري وش اسوي ولا ابي رجلي يزعل ابد علي يعلم الله شكثر احبه
انا فاهمه ان بينها وبين اهلها كلهم مشاكل بس مو عدل تجيني من بداية زواجي !
31-12-2016, 01:20 PM
ضوابط المشاركة
العرض العادي
