بسم الله الرحمن الرحيم
السلام عليكم
اخواني واخواتي في الله
انا عضوه جديده ويعلم الله إني بحاجه لمشورتكم وابي رايكم
بصراحه لأني احس بضياع ونفسيتي مدمره
انا فتاه عمري 26 سنه على قدر من الجمال والحمدلله
من 6 سنين او اكثر حبيت قريب لي حب جنوني وهو حبني
لدرجه ماتتصورونها
كنت اجيهم بالمناسبات والأعياد وربي ع شان اشوفه بس
تطور حبنا وصرنا نتراسل ع الجوال والإيميل وربي
كان هدفنا الزواج وهو كان صادق معي والكل عرف بحبنا سواء البعيد أو القريب
حبنا صار قوي لدرجة مانقدر نبعد عن بعض لو يوم واحد وصدقوني لو قلت لكم
كل رسايلنا كانت في حدود الادب لانه شخص محترم ويخاف علي وعلى سمعتي
وكم مره قال خلينا نوقف رسايل وندعي ان الله يجمعنا قريب ، بس انا ماقدرت ابعد
عنه ،، صار مثل الهواء اللي اتنفسه وللمعلوميه انا ماعندي اخوان ذكور
علشان كذا حسيت إنه زوجي واخوي وابوي كل شيء بحياتي،،
هو ماكان يقصر معاي بشي كان مهتم فيني بدرجه عاليه ،، ويعرف تفاصيل حياتي
كنت عايشه معاه اجمل ايام عمري ،،
اخواني ماتصدقون تقدم لي كذا شخص قريب له وبعيد وكنت ارفض عشانه
وهو كان يعصب ويحلف إن مارح احد ياخذني منه ،،
حتى كثير من شبابنا حاولوا يخطبوني بس خايفين منه ،،
المشكله الحين إن ولد عمتي خطبني
عنده بيت ووظيفه واللي احبه توه مبتدئ موظف بمدرسه اهليه ،
بس ولد عمتي مااحبه ومافرحت بخطبته لي ،، قلبي مع غيره ،
المهم قريبي درى عن الخطبه وربي قال لي إنه بيقتل ولد عمتي
ومارح اتهنى معه ،، وبيدعي علي طول العمر واتهمني بالخيانه والكذب عليه واني تركته وهو ماتركني ،،
اانا استخرت مرتين وحسيت براحه ووافقت ،، وبعد يومين حللت تحليل الزواج ،، بس الحين مو مرتاحه ،، قلبي وفكري مع قريبي مو قادره انام ولا ارتاح ولا حتى اخشع في صلاتي ،، وصلتني اخبار عن قريبي إن حالته متدهوره ومو مثل قبل ،،والكل زعلان عليه،،
بس هو للحين عنده امل فيني واني برجع ويدعي ان الفحص مايتتطابق ووقتها بيطون اسعد واحد بالكون ،،
وقال لي إذا تطلقتي بأخذك ،،ولا تمكنينه من نفسك عشاني ،،
الحين انا حاسه بضياع اهلي مافيه مجال اقول لهم إني فكرت ووماابي اتزوج لانهم عارفين ان قريبي هو السبب ،، وللعلم ابوي عصبي وامي تعبت ومرضت لما رفضت ولد عمتي لأنها تقول مافيه بنت عاقله ترفضه ،، بس يانااس انا احب قريبي وهو ميت فيني وحلف لي ولأهله مارح بتزوج بحياته غيري ــ
اخواني انا ابي حل
استمر مع ولد عمتي ،، او ارفضه واختار قريبي
اللي ماعنده حل يدعوا لي وربي حالتي مايعلم فيها إلا الله ،،


الإشراف :

تم تعديل العنوان ليتناسب مع المضمون .

وليش ماتقدم لك قريبك دامه يحبك كل هالحب؟

على الأقل خطوبة الى حد مايكون نفسه..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

ماهو سبب عدم تقدم قريبك ... هاتي السبب علشان نعطيك الحل الامثل والرد عليه ايضا ؟؟؟

هلا اخواني تعاندني ودكتور المنتدى
اللي مانعه انه ماعنده وظيفه
وكنت دايم اقول له تقدم لي ويرفض
إلا بعد مايتوظف رسمي مع العلم هو موظف بمدرسه اهليه ،،
بس راتبه مايكفي مصروفه لوحده ،،
هو الحين مريض بسببي
ويتمنى الموت وانا وربي حاسه بضباع ودمعتي ماتفارقني
احس اني ظلمته وخنته
ارجوكم وش اسوي
يقول لي اترك ولد عمتي وهو بيعوضني عن كل شيء
واحب اضيف هو عصبي
واحيان يتنسى حبنا ويعصب ويفضل نترك بعض بس بسرعه يندم
ويتعذر ويقول انه مايقدر يغيش بدوني
الحين الكل عارف عن قصتي معه
وعن قصتي مع ولد عمتي
بس انا مو لاقيه مرسى ارسي عليه
انا احبه واموت فيه بس كيف اعبش معه وظروفه ماتساعده
ويمكن يتوظف السنه الجايه ويمكن لا

أختي أولا لازم تؤمنين بالقدر والنصيب,

ثانيا بما أن ولد عمتك تقدم لك بشكل رسمي

وتمت الموافقة من جميع الأطراف(أنتي_ولدعمتك_أهلك_أهله)

فهذا يعني انك لازم تقطعين اتصالاتك بقريبك لأن الاتصالات بينكم الآن تعتبر خيانه لولد عمتك
(بغض النظر عن اتصالتكم السابقة),

ثالثا ياأختي أنتي استخرتي الله وارتحتي كما تقولين,فليش الجزع والخوف,

رابعا يا أختي من حقك تقبلين بمن هو كفؤ للزواج وخصوصا ان قريبك لم يتقدم لك رغم محاولاتك معاه..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

[rainbow]الله يسهل عليك بجد حزنتنتيني..
بس السؤال انتي لو رفضتي ولد عمتك راح تتقدري تنتظري الشخص هذا اللي تحبيه؟؟ لين يكون نفسه ؟؟
ويقدر يتزوج ويفتح بيت حتى لو بعد مرور خمس سنوات مثلا ؟؟
فكري بينك وبين نفسك انتي الوحيده اللي ممكن تاخذي قرار بهالشي

الله يكتب لك اللي فيه الخير

اختك دروبــــــــــــــــــــــــــــــــــ[/rainbow]

__________________
[rainbow]ربـي :قـــل لامنيـــاتي "كونــي"[/rainbow]

أول شئ ، لو تزوجتي اللي خطبك فراح ينظلم معاك
لإنه ماله ذنب و كان ممكن يتقدم لاي وحدة و ما يكون في قلبها أحد و يعيشوا سعداء مع بعض

تاني شئ مو قلتي الكل يدري بقصتك ؟ كيف خطيبك ما عرف بالحكاية ؟

ثالث شئ ، ليه ما تقدم لك من 6 سنوات ؟ يستنى لحد متى ؟؟؟؟؟؟؟؟
و الكلام اللي يقوله ما يصير ، يدل على نقص عقله ، يوم يقول لك لا تمكنيه من نفسك ؟؟؟؟

أسأل الله ان يختار لك الخير حيث كان

__________________

عمرك يا اختي 26 سنه يعني لست صغيره الى متى سوف تنتظرين قريبك الذي يماطل

في خطبتك و يريدك ان تنتظريه ..

غلطة قريبك انه لم يتقدم لك حتى لو لم يكن له وظيفه فانت سوف تقولي لاهلك انك موافقه عليه و تقنعيهم بانك سوف تنتظري حتى يحصل قريبك على وظيفه ..

و غلطتك انك استعجلتي على موافقتك على ابن عمتك ..

من رأيي انك تقطعي الاتصال مع قريبك حتى لا يوصل خبر لابن عمتك انك على علاقة حب مع شاب

اخر و عليك ان تعطي ابن عمتك فرصه لكي يبين لك حبه و لكي انت ايضا تحبيه و تتعودي عليه ..

نصيحتي انك تؤجلي الزواج حتى تتأكدي من مشاعرك تجاه ابن عمتك فلا تتزوجي الا وانت متأكده انك

سوف تعيشي بسعاده مع ابن عمتك .. فلا اريدك ان تظلمي نفسك و تطلمي ابن عمتك ..

اشكركم اخواني وخواتي
الله لايحرمكم الأجر والثواب
ادعوا لي ولقريبي إننا نقدر
ننسى بعض