السلام عليكم ورحمة الله وبركاته

كيفكم ان شاء الله طيبين

بقولكم مشكلتي باختصار وانتو قولوا وش رايكم بكل صراحه

انا انخطبت قبل 10 شهور من واحد نفس طبقتي الاجتماعيه وطيب وحنون ويخاف ربي واجتماعي وماشفت شي عليه يعيبه بس خجووول مرره ومااحس له شخصيه

المهم شفته بالشوفه وشافني هو كان مو وسيم ابد عادي جدا واقل من عادي المهم انا قعةت افكككر وقلت يابنت المهم الاخلاق والخوف من ربي الشكل مو مهم ووافقت عليه وحنا من عاداتنا نكلم بعض قبل الملكه

في البدايه كلمنا بعض طبعا كنا مستحين وسوينا الفحص وكل شي اوكيه المهم مرت الايام وبديت احبه بس مااحسه يحني ولا يشتاق لي يدق علي اذا طلع من الدوام واذا وصل البيت يقول حبيبتي انا وصلت وبنام اقول اوكي المهم كل مرره كذا وهو رايح لاصدقائه بالطريق يكلمني واذا وصل يقفل مني كل يوم يكلمني على هالحال واحيانا مايكلمني طول اليوم ولما يرجع من اصدقائه الساعه 1 بالليل يكلمني وهو دايييخ من النوم يقول ايش سويتي مايسولف ابد انا اللي اسولف وبعدي يقول انا وصلت البيت ومرره فيني نوم واقول اوكي

وانا دايم وهو في الدوام ارسل له مسجات اسال عنه ويرد علي بس نااااااادر مايسال عني حتى في البي بي لما اغير الصور ولا اكتب كلام مايعلق ولا شي كاني وحده مااهمه

وبالمكالمات مافي كلام حلووو ابد الا نااااادر بحجة انو يستحي قلت مو مشكله انا استحي مرره واحس باللي يحسه بس هو الرجال مو انا

وداييم لما اشكي لأمي تقولي لسى ماشافك بس مكالمات مايقدر يحبك ويشتاق لك وانتو بس مكالمات قلت مو مشكله بصبر للملكه

وتملكت الحمدلله وماجا يشوفني الا بعد الملكه باسبوع بحجة انه مشغول شوي وجا هذاك اليوم وشافني وانا ولله الحمد انسانه جميله وتعشى عندي بس ماحسيت لو دقيقه بنظرة حب او اعجاب ولما طلع عندي ماكلمني ولا شي ولا علق علي ولا على شكلي وكل يومين صار يجيني ومامسك يدي لا مرتين يمكن

ومرت الايام وارسلت له يافلان تحبني ؟ كاني اتدلع قالي وش رايك قلت عادي مو مرره وهو كان بالدوام وطلع وكلمني وقال انا مااقدر اقول اني اموت فيك بس احبك والحب الحقيقي يجي بعد الزواج انا انصدمتتتتتتت من كلامه عني الا افكر فيه صح

المهم لما طلع من الدوام قال بجيك شكله ضميره انبه ولا ماادري ايش السالفه وجا عندي عادي ماكان فيه شي

وبعدين قررت افك ملكتي مااقدر اتحمل اكثر من كذا ولا قلت ولا شي وارسلت له مسج اني بفك الملكه وقلت له عشان انت ماتحبني وانا مااقدر اقعد مع احد يمكن بعد الزواج يحبني او لا وانصدم مرررره ماتوقع

المهم دقت امه وهي مصدووومه وتبكي وقالت خليها تفكر لاتتهور وانا بسآل ولدي ليه يسوي كذا

ولما سألته دقت وقالت اني سألته ليه ماحبيتها ماعجبتك قال لا والله عاجبتني جميله وانيقه وكل شي وبالخطوبه حنا احلى مايكون بس لما شفتها بالملكه شفتي شي بكتفها غريب لونه بني غامق زي الدائره
ماادري وشو ولما سألت امه امي عن هذي الدائره قالت هذي وحمه صغيره من يومها صغيره وهي فيها انا انصدمت من السبب ترك كل شي فيني هذاك اليوم ترك شعري وجسمي ولبسي ويطالع فيها وليه ماصارحني
تخيلوا اول مره يشوفني طلع مني متضايق عشان هالوحمه شوفوا التفاهه قالت امي لأمه لو كان يحبها صدق مادقق على هالشي السخيف قالت الأم خليهم يشوفون بعض ويشوف الوحمه يمكن يحبها !!!!!!!!!!

في اوقح من كذا انا رفضت وقلت خلاص خلو ه يطلقني ورفضت الام تقول احنا شارينك لازم تفكرين زين
ساعدووووووني ايش اسوي

مع ان الولد كل احد يمدحه مافي احد قال عنه شي شين بس وش الفايده

كل دا على وحمة الله يعينك الصراحه والله يكتبلك كل خير ياارب

__________________
ياررب ارح قلبي وعوضني خير

حبيبتي

يالغاليه لاتحزنين
المهم
حبيبتي لاتتسرعيين !!!وليش الطلاق
ليششششش !!
مالومك ع زعلك او عصبيتك !!!!

ابقولك شيء حطيه ببالك لاتقولين طلقني وانتي معصبه ؟؟!
صدق

بيلعب عليك الشيطان والانسان بلحظة غضب يتسرع بلحكم ثم بلاغلب ينددددددددددم !!!


انتبهي ...!؟؟


اما عن كلام الولد يالغاليه لايهمك هلولد او زوجك بمعنى اصح ؟؟!
المهم


لاتاخذي لا بكلام امه ولا امك ولا احد ؟؟!!


اثقلي وخليك غاااااامضه ؟؟!

لاترفعين سماعة التليفون ولا الجوال
؟!
امه وش دخلها الواسطه خلاص انتهى دورها

زوجك هو من يتصل ويراضيك
ويفتح صفحه جديده

خلي الجوال مفتوح وان دق زوجك ردي واسكتي خليه هو يتكلم وعادي وقولي
بعد ميتكلم
ويمكن بيمرر الموضوع ويحاول مايتكلم عن موضوع زعلك ؟؟!
لكن انتي قولي بكل هدوووووووووء !!

ماتوقعتك كذا ؟؟!!!!ابدا
لاكلام حلو
ولا غزل
ومتجاهلني وانا ابادر دائما وانت اثرك متضايق من وحمه ؟؟!!!!!

تركت كل شيء فيني يوم الملكه من لبس ومكياج وجسمي وكل شيء
وضايقك وحمه ؟!

اذا تبي وحده حوريه وذات جمال ابحث لك وحده كامله ...لترضي عيونك

اما انا كذا تبيني فمرحبا ....

وان ماتبيني واستمريت ع اسلوب الجفاء معي فانا بصراحه مااتوقع ابصبر اكثر
كنت متوقعتك ع الاقل حنون رومانسي

مو كذا حرام عليك خربت فرحتي بزواجي منك ...



قولي له مثل هلاسلوب او مقارب له خليه يحس ع دمه ...!

لكن

بلحوار صوتك لايعلى عليه احترميه ارجوك لكي لايمسك عليك ممسك ...
وقولي لاامه لاتضغط عليه ....

ان طلبتك امه وسئلت عنك فكلميها وان قالت انتي باقي ع رئيك
قولي اسمحي لي
زوجي العزيز متى يتنازل ويكلم ولا يسئل ؟؟!

مع احترامي لك ياخاله او ياعمه .....شكلكم انتم ضاغطين عليه بلزواج ولا وش سر تجاهله بكل الحوال حتى بزعلي ماسئل !!!!


طلعي مابقلبك له ولكن بااحترام وانتقي كلام مناسب وعاطفي .
لاتسبينه لا هو ولا اهله .

شفتي كيف امييييين يارب
شاكره لك ردك عزيزتي الله يسعدك يارب

حبيبتي ايش اللي ليه الطلاق ؟؟؟ اقعد مع واحد بحياتي ماحسيت باهتمام ولا حب ولا شوق والعذر انو يستحي ومايقدر يطلع مشاعره !!!

انا لما ارسلت له مسج انو ابي افك الملكه وابيه يطلقني رد علي انو انا انصذمت من رسالتك وانو مااقدر اقولك لا دام هذا قرارك تخيلي حتى برده لي ماحسيت اني اهمه بس بعدين ندم ليه من ضغط امه عليه اكيد قالت له انو هي خسار مااحس ان، هو يباغاني فعلا

هموسه حبيبتي شاكره لك ردك الطويييل والله يرزقك اللي تتمنين ويسعدك ويفرج همك يارب

الله يعينك يا اختي صدقيني لو هو نصيبك راح يجيك ويراضيك ويراجع نفسه علي كل شي سواه
تصدقي انك دكرتيني بنفسي و انا و الله كانت غاااااااااايبة عن بالي انا كمان فيا مثل الوحمة بس لونها مو بني بجانب ادني و بصراحة خطيبي هو قريبي يعني شايفني كتييييير و ما ادري مركز عليها و الالا بس انا و الله بعمري ما فكرت فيها بس هالحين رجعتي تفكيري لها.
بس شوفي انا بقلك شي الي يحب ما بيشوف عيوب غيره اقصد عيوب الطباع لعاد هاي مو بيدك خلقة ربنا سبحانه و تعالي .
الله يكتبلك الخير و ين ماكان ان شاء الله و يرضيك .

حبيبتي


دام عندك احساس انه مايبيك فطلبك في محله !!!
السبب
واللي قهرني وهو انه بعد ارسالك للمسج هذا رده !!!!


الله يقطع ابليس وش هلرجال


المهم
الله يعوضك برجل افضل منه 100 مره

والحمد لله ع انه بان ع حقيقته

دلخ اسمحي لي وش هلاسلوب البارد

اعانك الله عليه .

__________________
اللهم فرج همي وهم كل مسلم ...

صراحة توقعت السبب حقة اكبر من هالشي
لانو اصلا الي يحب يشوف عيوب حبيبه مميزات
خطيبك مرة غريب
استخيري وربي يكتبلك الي فيه الخير

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب