السلام عليكم ورحمة الله وبركاته



يعطيكم العافيه على المنتدى الرائع والمفيد بحق واللي استفد منه الشي الكثير بصراحه


ماطول عليكم وادخل بالموضووووع على طول


أنا ان شاء الله زواجي ثاني ايام عيد الفطر ان شاء الله وحاب اقدم شي مكتوب لزوجتي سواء كرت او درع بس المشكله بالكلام اللي بكتبه <<<< مايعرف يقول كلمتين على بعض


ابغى كلام حلو رومنسي او كم بيت شعر رومنسي كذا وياليت تعطوني نصايحكم كيف اسويها على درع ولا كرت ولا شلون بحكم انكم بنات وتعرفون وش الحلو ووش الشين



شاكر لكم تعاونكم مقدما وياليت ماتبطون علي

مرحبا اخوي


ممكن انك تاخذ صندووق كبير و تمليه ورود روز احمر بشكل و تنسيق جميل جدا وتعطي الكلمات الى محل الورد الي بينسقون حقك الصندوق و تخبرهم بانهم يسووون لك الدرع بطريقه معتقه مثلا يكتبون الكلمات على قطعة خشب تكون لونها بيج او بني فاتح و محروقه اطرافها بحيث تبين عتيقه حتى تتناسب مع الصندوق و و الكلمات تكون محفورة على الخشب .... و ممكن انك تستغني عن الورد الطبيعي بالمجفف بعد حلوو و تحط فيه الهدية الي تبغيها مثلا طقم عطورات وكريمات او ذهب ... مع اني اعتقد بان صدنوق مبيت حجم متوسط و فيه ورود روز حمراء و وردية و في الوسط الدرع الخشبي المحروقه اطرافة على شكل ورقه قديمه و طقم ناعم ذهب معاه مبخر و نوع غالي من البخوور ............. هديه حلوة و ذوق حلوو <<<<<< امدح فكرتي




والله يبارك لكم يا رب و يطرح لكم البركه و الخير

__________________

وعليكم السلام


مبروك يا عريس الله يسعدكم يارب

الله يوفقك بنسبه للكلام الحلوو والرومانسي الي تريد كتابته فاجعل مشاعرك تعبر بما في خاطرك
في لحظة اشتياق امسك بالقلم والورقه واكتب وعبر ثم بعد ذلك اكتب على ورقه الاهداء الرساله

وبنسبه للهديه افضل شيء طقم ساعه فخمة الي تجي وحده رجالي وحده نسائي
انت تلبس الرجالي وهي النسائي

الله معك

اخوي

نصيحه اكتب الكلام اللي يطلع من قلبك

وروح ل محل بطاقات الاعراس وقول له يضبط لك رساله رائعه ويكتب كلامك عليهاااا <<ترى حركه حلوه تقدر تحتفظ فيهاااا طول العمر


وبالنسبه لهدية العرس

انصحك


بساعه ماركه.....ماركة اجنر وايد حلوه للنساء

او

خذ لها تعليقة ذهب ابيض ..تكون فخمه نوعااا ماااا



وبالمبارك مقدمااا