السلام عليكم

عزيزاتي اتحملوني كثرت اسألتي

سؤالي هو ابغى اعمل محشي بس انه اللحمه المفرومه عندي مستويه وجاهزة كيف اخلط معاها الرز وهي مستويه وينفع المحشي ؟؟؟ولا لازم تكون اللحمه نيه ومومستويه
بعدين انا ماعندي رز مصري عندي رز امريكي حبته تشبه الرز المصري ينفع؟؟؟

وياليت طريقة المحشي كيف اول مرة اسويه

ومشكوريييين


الاشراف . تم تعديل العنوان ليتناسب مع المضمون
مستكة_مستكة

ساعدوني الساعه 1وربع
مابقي شي على السحور
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

انتظركم وجزاكم الله الف خييييييييير

سامحيني يا قمر ..

طبعاً راح عليكم السحور ..لكن مومشكلة خليه للفطور ..

اولاً .. ينفع تستخدمي لحم مستوي ..اصلاً اسويه انا بالهطريقة عمري ما حشيته بلحم نئ اخاف ما يستوي >>موسوسة

كمان ينفع الرز الأمريكي مو مشكلة ..اسلقيه واخلطيه باللحمه ..واضيفي المطيبات (الشبت + نعناع )
افرميها ناعم واخلطيها بالحشوة ..

واحشي الخضار .انا احياناً اسويه في الكاتم (قدر الضغط) وما ياخذ 10 دقايق ..

واحياناً في العادي لكن يطول شوي ..

وطريقته حمري البصل في شوي زيت ..افرمي 3 حبات طماطم مع 3 ملاعق معجون طماطم ..واضيفيها للبصل واتركيها حتى تتسبك ..
وابدأي بتسقيط الخضار في الطماطم شوي شوي ..
اضيفي مويه لكن لا تكثري يادوب ..اتركي اعلى الخضار ظاهر ..يعني ما تغمريه بالكامل ..

غطي عليه على نار هادية وقلبي الخضار من فترة للثانية لكن بهدوووووووووووووء حتى ما تخرج الحشوة ..

وقدميه بالهنا والعافية ..

__________________

مشكوووووووور ياعيوني الله يسعدك
صح والله راح وقت السحور عملت صينية بطاطس في الفرن ورز ابيض والحمدلله
بس شكلي راح اعمل المحشي بكرة ان شاء الله زوجي بيمووووت عليه وبيطلبه من كم يوم وماسويته له

على العموم الله يجزاك خييييير ويجعله في موازين حسناتك