مساء الخير

تزوجت الحمدلله منذ 5 شهور تقريبا وحياتي مع زوجي يعني فيها مشاكل يمكن يسموها مشاكل بداية الحياة الزوجية وها الشي يمكن لأني مو متعودة على الحياة الجديدة وخاصة إني مازلت أدرس بالجامعة وباقيلي فصل فيها ....

المهم .. تزوجت وظليت مع زوجي شهر ونص وبعدين بدت الدراسة الجامعية مرة ثانية وهذا آخر فصل ان شاء الله ( ادعولي) وطول ها المدة الى اليوم وأنا أروح اسبوعيا عن زوجي وما أقابله إلا يومين في الاسبوع
هو يكون راجع تعبان من دوامه لأنه مو في منطقته وأنا أكون راجعة من أيضا تعبانة وخاصة إني حامل في الشهور الأولى ..

أنا أحاول والله يشهد علي إني ما أعصب من تصرفات زوجي .. أحسه مو مهتم فيني وكله يقول" أنا مشغول وتعبان" .".أنا راجع من الدوام تعبان" . .. وأنا الله يهديني أعاتبه في أمور واايد وأهم شي المصيبة اللي طلعتلي مدري من وين والمسمااة ..( أخو زوجي )

أكره أخو زوجي كره العمى والسبب إنه زوجي يفضله علي في أشياء واايد ..بتقولون كيف أنا أقولكم :

من شهر تقريبا وأنا أقول لزوجي نبغي نروح مع بعض ها الاسبوع وأجي عنده لأني أخلص دواماتي مبكر بالكلية وأكون فاضية وأبغي أكون وياه ... يرد ويقوللي لا ماأقدر أخوي بيجيني ها الاسبوع وهو ضيف وعلشان ها الشي ما أقدر أكون وياج !!!!!!!

أوكيه ما عليه طنشت مرة ومرتين بس الحين ما أقدر أطنش ..قلتله اليوم أبغي توديني في الويكند عندي أغراض أبغي أشتريها ضروري قاللي تعرفون شو قال : " لا ما أقدر أخوي بيجيني ها الاسبوع فيه معرض سيارات صاير ويبغي يشوف ويكون عندي " ..أنا هنا على قد ما عصبت على قد ما زعلت بس والله ما قلتله شي وبعدين خليته وما تكلمت ( هذا الكلام كان اليوم بيننا بالتلفون ) وسكرت التلفون وقعدت أفكر ... والله إني زعلانة من كلام زوجي وخلاص ما أقدر أجادله أكثر لأني جادلته في نفس الموضوع من قبل وقال لي إنتي ما تراعيني وإنتي ما تحسين إني أتعب بالشغل وإني مشغووول ...أقول في نفسي مشغول بس لما يكون الشي يخصني لكن لما يكون حق أخوك ولا يهمك حتى لو كنت في نص شغلك ...

أنا ما ابغي أعصب أكثر لأنه مو زين لي أصلا أنا حامل في الشهور الأولى وفوق هذا بعيدة عن البيت وفي نص دراستي ..و ما أبغي أجادل زوجي أكثر أو أعصب عليه أو أناقشه لأني تعبت ...هو يفضل أخوه علي فلا يلومني إذا فضلت شي ثاني عليه في أوقات هو يكون محتاج لي ...

بالله عليكم شو أسوي ...وشنو الحل ... صدق تعبت وأحاول أضبط أعصابي بس عادي أنفجر في وجه زوجي إذا اتصل الحين ....

وعلى فكرة : أخو زوجي أكبر عنه ومتزوج بعد من فترة كم شهر لكنه متزاعل ويا زوجته وطلعت من البيت وهو ماخذ رااحته على الآخر ويطلع ويروح على كيفه .... اذا هو حياته خربانة لا يخرب حياة غيره ..

طولت عليكم بس اسمحولي

__________________
الظلال تمد ايديها لنا !
هل يا ترى تكون ارفق علينا من الضوء؟

الله يكون في عونك هذه مشكلتنا جميعاولوكنتي مكانه كان عفس الدنيا.وش نسوي

قالواوش يصبرني على المرالاأمرمنه.الصبرزين ياقلبي وتفاهمي معاه بالحسنى.

اصبري على زوجك ولك الأجر

وما تبيني انك متضايقة من موضوع اخوة والله يفتحها عليك

وما بعد الضيق الا الفرج

__________________

[حرام عليك كل الكره لية كرة العمى عشان يطلع مع اخوة

يااالله عليكم حريم الوقت ما تتحملون شىء واى شىء يزعلكم......


أكره أخو زوجي كره العمى والسبب إنه زوجي يفضله علي في أشياء واايد ..بتقولون كيف أنا أقولكم :

[اتقى الله ما سوالك شى الرجال الغلطة غلطة زوجك هو ما لة ذنب

[لاتحملين اخوى زوجك تقصير زوجك الله يهديك ويهدى زوجك لك

__________________

حبيبتي اول شي لاتنسين انك حامل والنرفزة والعصبية بتتعبك
وثانيا عليك بالصبر واهتمي بدراستك
ترى الرجال مايحبون كثر الزن والحنه على قولتهم ومايحسون انهم مقصرين

انت اسكتي عنه كم يوم وبعدها اكتبي كل اللي بخاطرك بورقه وحطيها جنب مفتاح السيارة عشان يشوفها وهو طالع
وصدقيني الرسايل لها مفعول عظيم
والله يسعدكم ويهنيكم يارب

__________________
صمت الهوى

اختي انتي طفشانه من حركات زوجك وحطيتي حرتك في اخو زوجك لانك ماودك تكرهين زوجك فلقيتي باب تكرهين اخوه لانك حطيتيه شماعه ايش ذنب اخوه

اعانك الله اختى واحتسبى الاجر

كان الله في عونك حبيبتي وأنت إن شاء الله عاقلة وترى الرجال - وابن آدم عموما - تجيبه الكلمة الطيبة ، فأنت بشوية أسلوب وكلمة طيبة تقدرين تخلين زوجك يعدل الوضع ، طيب ليش ما تتفقين معه وباللين إنه يقسم الوقت له ولأخوه ولك، يعني نهاية أسبوع لك واللي بعده لأخوك وهكذا
شيء مهم أختي أنصحك به هو: دعوة في السجود إن الله يألف بين قلبيكما ويسخره لك وييسر لكما الخير أينما كان .... حفظك الله وسدد خطاك...

هناك خلل يعني بحياتك ان سمحت , تجاوبيني عن سؤالي ممكن اساعدك بنصيحة

1) هل انتم منفصلين يعني هو يعيش ببيت و انت ببيت ؟!!!!!!!!!!!!!!!و ما تتشاوفو الا مرتين بالاسبوع و توك عرسان جدد؟!!!!!!!!!!!!!!
اما عن اخو زوجك فأضن انك بتتوحمي عليه و بس "البيبي حيشبهلو"

__________________
يا رحيم يا رحمان يا رزاق لا تحرم ابني من اخو واخوات

الله يهديكي شكلك اتوحمتي على اخو زوجك 000000الموضوع جدا عادي بس انتي لازم انك تهدي من اعصابك وتحطي في بطنك بطيخه صيفي عاد ياكثرها الحين بالشوارع0000الامر الثاني انا ليه اقولك الموضوع عادي وطبيعي لان زوجك الحين يبغى يبين لاخوه انه الزواج ما غيره على اهله ويخلي الاولويه لاهله بعدين زوجته اللي كان يعتقد اهله ان ولدهم بيصير تبع زوجته واكيد انك قدسمعتي تعليقات ومزح من اخوانه او اصحابه عن هذا الشي لهذا السبب ماراح يقدر يعتذر لاخوه انه مايقدر يجلس معاه والسبب لانه يبغى يمشيكي عشان لا يقولو عليه اللي هو خايف منه مثلا /خلاص ماصرنا نقدر نشوفك ولا نجلس معاك كل وقتك لست الحسن والدلال 00000 والامر الثالث انتي حاليا حامل واعصابك مفلوته ومزاجك متعكر طول الوقت وزايد على هذا انك عروس وتبغي زوجك لك وحدك ولايهتم الابك ويعيشك العيشه اللي كنت تحلمي بيها ايام العزوبيه وهذا شي طبيعي عند كل بنت تتزوج مهما كانت فاهمه وعاقله لانها تحتاج الرومنسيه والدلال اللي يشبعها 000000000الحين حل هذي المشكله بيدك انتي وان شاء الله تكوني مستعده اولا واخيرا حافظي على صحتك النفسيه والجسديه بقدر ما تقدري وحطي في بالك ان صحتك انتي والبيبي اهم من كل شي وما راح ينفعك احد لو تعبتي لا قدر الله 000ثانيا حركات وطلعات زوجك واخوه حطي عليها اكس ولا تلفتي اليها ولو قالك زوجك انا خارج او اخويه بيجينا رحبي بالموضوع على طول بدون ماتبيني انه هذا الشي مزعلك ابدا ابدا ابدا ومع مرور الوقت واقدر اجزم انه الوقت راح يكون قصييييييير راح يتعدل زوجك 180 درجه وبيطنش اخوه وبينتبه لك اكثر 000انتي عارفه لو زعلتي على زوجك من موضوع اخوه وناقشتيه وعصبتي عليه ايش راح يفكر زوجك؟انك تبغي تفرقي بينه وبين اهله وان شغل النسوان بداء وبالتالي راح يبدا يفرض سيطرته ورجولته المزعومه 00000000000فعشان كذا ياستي ريحي راسك وطنشي اخوه والغيه من عقلك واعتبريه كانه موموجود الفتره هذي انتي وزوجك تحت الاختبار هو يبغى يثبت انه الرجال اللي ماتغيره حرمه على اهله وانتي تبغي تثبتي انه يحبك والمفروض انه يسغني عن الكل عشانك 00000والزوجه الذكيه هي اللي تقدر تتنازل عن بعض الامور اللي راح تنعكس عليها بالسعاده وعلى الامد الطويل 00000000000000000000ان شاء الله اكون افدتك بحاجه ولو بسيطه واعذريني والله مستعجله0000الله يهدي سركم ويفرجها عليكي يارب