مرحبا اخواني الاعضاء..................
انا عندي مشكله وابغي حل لها المشكله اللي ارقتنا وانا واهلي ...........

الله يسلمكم............. السالفه وما فيها ان اخوي يبلغ من العمر 21 سنه ويشتغل وبنت خالي عمرها 20 سنه

........انزين...... اخوي من النوع اللي يغير رايه بسرعه وفي اي لحظه يعني متقلب ومزاجي و مغازلجي رقم واحد بس في نفس الوقت متشدد ما يحب عمل المراة وما يشجع سياقة المراة للسيارة يعني بدوي .......

اما بنت خالي عليها جمال ... جمال... جمال ..... والكل اللي يشوفها يعجب فيها و العكس تماما بنت مثقفة جدا جدا تشتغل في مكتب طيران تسوق سيارة جريييييييييييييييييييييييييييييييييئة لدرجه فضيعه ((( والله اني حاسدتها )))) ما شاء الله عليها وخلوقه جدا جدا ...... المهم

والعائله من يوم كنا صغار وهم يقولون ان (ع) اللي هو اخوي حق (أ) اللي هي بنت خالي كان كلام بس وما استوى شي رسمي....
والبنت قلبها تعلق في اخوي واخوي كذلك...


وفي يوم من الايام اتصل اخوي بيتهم وطلب بنت خالي وقعدو يسولفون .... المهم بعد هذا الاتصال توالت الاتصالات بينهم وهي ما صدقت من الله قعدت تتصله في نص الليل الساعه 3 و4 و و و .....وهو طبعا تضايق من هالشي من جراتها وانتو تعرفون شباب الخليج ما يحبون البنت الجريئة .... وقعد كل مره يتهرب منها يقولها مشغول ... انا قاعد عند ربعي بعدين بتصل ....

واهلها كانو يعرفون هالشي انه كان يكلمها..... وبنت خالي يوم انها خذت الليسن ..اخوي ما درا عن الموضوع والاهل ((عائلتنا وعائلة خالي)) ما خبروه لانهم يعرفون انه ما يشجع هالشي وراح يعصب المهم هي من خلال هذي المكالمات خبرته انها عندها ليسن سياقه وجاني قالي ليش ما خبرتوني انها تسوق و و و و انا قلتله هذا شي عادي وما فيها شي اذا ساقت و و و و ..... المهم مرت الايام ...

وفجاة جا اخوي وقال حق اختي الكبيرة .... انه ما يباها تكون زوجه له لانها تسوق سيارة وما تستحي تقعد تسولف معا هذا وهذا يقصد ولد عمتي اللي هو زوجي وما تغطي وجها عن الرجال و ..........و........وواختي خبرتني وجيت انا وقلت حق امي وقعدت امي تبكي ... وما خبرت خالي عن الموضوع ......هذي السالفه الحين صارلها تقريبا شهر وشوي .....

واليوم اتصلت حرمت خالي وقالت حق امي ها متى الزواج ان شاء الله وبنتنا ولدكم يباها ولا لا قالتلها امي بسال الولد وبرد عليكم ..... واليوم سالت امي اخوي وقال انه ما يفكر في الزواج حاليا وما يباها خلاص قذا قراري النهائي وقعدت امي تصييييييييييييييييييح وتشادو هي واخوي في الكلام و و و و و و و .... المهم الحين امي محتارة شو تقول حق خالي ....... والحين خالي راح يزعل علينا وانا ما ودي هالشي يحصل واخاف ان العائله تتفرق والسبب اخوي هذا .................. وانا اقول حق امي خليه على كيفه والبنت اذا هو ما يباها كثير يبونها وان شاء الله بتلقى واحد احسن من اخوي بالف مره... وهذا قسمه ونصيب


وانتو الحين قولولي شو نقول حق خالي وكيف انقوله انا وامي في حييييييييرة
دخيلكم ساعدوني انتظركم

__________________

والله الزواج قسمة ونصيب يعني ماتقدرون تزوجوه بالغصب
والله يجعل الي فيه الخير

مدام قال مايبيها خلاص لا تجبرونه .....لانه تالي بعيش معاها وبكون اسرة والمفروض الاسرة تنبني على اساس قوي يعني يكون رضا من الطرفين
اخوش حس انها ما اتناسبه والرّجال بطبعهم ما يحبون البنت اللي اتلزق روحها ولا الجريئه مهما كان مستوى جمالها

حتى لو صارت مشاكل الحين ( بعد ما اتقولون لخالش)ما اعتقد انها بتكون اكثر حدة من اذا تزج اخوش بنت خالش .لان المشاكل تالي بتصير اصعب

هاذا رأيي والله يبعدكم عن كل شر

احمدوا الله ان الولد قال اللي في قلبه من هالحين !!


مو أحسن من انه يجاملكم ثم يتزوجها وهو مغصوب عليها بعدين تثور بينهم المشاكل الي يمكن يكون نهايتها مو زينة مثل الطلاق لا سمح الله . . .

اتركوه يفكر . . والزواج قسكة ونصيب والله يرزق هالبنية بالي يسعدها وتسعده

__________________

[b] السلام عليكم
اختي...الزواج مو غصب..وبعدين اذا الحين مهو قادر يبلع تصرفاتها بعدين بيقدر
والبنت على قولتك فري اذا اخذها اخوك وصك عليها الباب ماراح تقبل وراح تصير بينهم مشاكل كثيررر

صدقيني ماينفعون لبعض ابد اهو بوادي واهي بوادي

بالتوووووووووووووفيق

بهجة الروح

السلام عليكم اااااانااقول ان اخوكي يكلم البنت ويتفاهم معهاء بهدو واذقال انه يحبها مثل اخته وما اظن فيه واحده ترضاء تتزوج واحد مايحبها وهي تفهم اهلهاانه ماتبيه واب هذي الطريقه مايخسرون لاهل ماحبتهم البعض بسبب لاولد

يا اختى كل شىء قسمه ونصيب ومادام هو مالوش رغبه من الزواج خلاص بس اجعليه هو اللى يفض الموضوع بمعنى اوضح ان هو اللى يروح لخاله وينهى معاه الموضوع لانه رجل مسئول عن قراره 000000فليتحمل النتيجه دون ان يسبب الحرج لاهله

الأخ الكريم ( حيزوم )
والأخت الكريمة ( زعليه )

أرجو الالتزام بالنقاش الجاد الذي لا يخرج عن نطاق الآداب ، وأرجو أيضاًَ عدم الخروج عن مسار وصلب الموضوع

__________________
... ( بالحب نعيش أجمل حياة ) ...

أختي الغاليه زعليه...............
المشكله التي عرضتيها متكرره تقريبا ولوبحثنا السبب لوجدنا أنه منذ أن إنقادت
حفيدات فاطمه وحفصه رضي الله عنهن خلف الغثاء الغربي ظهر الصراع بين الغيره
التي ميز الله بها المسلم والحضاره المزعومه التي تتمسك بها المرأه...
فأخوك إنسان طبيعي غيور على محارم الله بالفطره والحل أن تنصحي بنت
خالك بقراءة سورة الاحزاب والنساء وسير الصحابيات وأمهات المؤمنين.


حفظ الله بنات المسلمين وجعلهن خير خلف لخير سلف.


اللهم أرنا الحق حقاً وإرزقنا إتباعه وأرنا الباطل باطلاً وإرزقنا إجتنابه.
آمــــــــــــــــــــــــــــــــــــــــــــــين