بسم الله الرحمن الرحيم



ترددت كالعادة في كتابة الموضوع أو مشكلتي

لأجد منكم أخواتي المساعدة والنصائح كعادتكم ما تقصرون


مشكلتي هي مع زوجي حين نشاهد التلفاز معا يبيني أن

أجلس بقربه نشاهد معا ونسولف وغيره ولكن بالمقابل

على قولته ما أتأمل في الرجال وأحترم وجوده معي ...

طيب كيف .. وهو أكثر شي يحط على الكورة وبرامج الرياضية ؟!!!

وطول الوقت أحاول أني أشغل حالي بحاجة وبين فترة وفترة يسألني

أو ياخذ رايي بحاجة كيف أجاوبه ؟ أن جاوبته يحس اني مهتمة في المذيع !

وخصوصا ذا اللاعب الفلاني جاب هدف وسوا حركته اللي متميز فيها

على طووول زوجي يلتفت لي بنظرة >> غظي النظر !!!

ويقول لي لا تتأملي وكلام مهو مناسب بالمرة ...


البارح صار بيننا زعل بهالسبب وحنا نشاهد برنامج

أنا بالأول ما جلست معه لكنه ناداني وصمم علي نتابع مع بعض

ونا قلت له ما لي مزاج بس بلا فايدة ونا أدري من شفت المذيع

أنه بتصير لي سالفة ..

وصرت كل شوية أقوم أجيب حاجة وبعد ما اندمجت معه

تفاجأت من زوجي يقول لي ايش عاجبك ؟ أشوفك تتأملي فيه ؟؟؟!!!

يااااربي !!!! قلت ليه تقول الكلام ؟ قال لي ما شلتي عينك من عليه !!!

والله اني تضايقت حدددي وقمت ونا زعلانة ودخلت الغرفة

وبعد ماخلص البرنامج جاني وأعتذر ...

بس أنا بعد الكلام اللي قاله معرف بعد أطالع معه حاجة

صرت أحسه يشك فيني وأحس أني مراقبة بكل نظراتي ...


ياريت اللي عندها حل تقول لي لني محتااارة جدااااا ...

تحياتي ...

خلاص ما تشوفو غير "توم و جيري"

لا امزح

وسعي صدرك

إن شاء الله ما يصير الا كل خير.

تحيتي.

والله حبيبتي انا كانت عندي نفس المشكلة ..

بس زوجي مايسألني كل فترة والثانية عن الكوره ..

صرت يا اجيب طبخه اتلهي فيها ..

مثل لف ورق عنب تكوير مارس زي كذا ..

او اني اخليه يحط راسه على حضني والعب في شعره واشوفه ..

ولا اجيب فصفص اقعدت افصفص له ..

يعني الهي نفسي بأي شيء ..

هيا ساعتين او ثلاث بالكثير ..

والله يسعدك ويوفقك دنيا وآخره ..

ههههههه
مشكلة بصراحة

اسمعي
كلما يسوي واحد بالتلفزيون حركه
قولي وع مو زين

نيالك...

أنا نفسي زوجي يغار بهالشكل...

وبصراحه حل أخوي فاغر أحسن حل...

منها بتتابعي التلفزيون معاه ومنها هو بيكون مرتاح...

الله يسعدكم يا رب..

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

لا جلستي معاه ولا ناداك تشوفين التلفزيون شوحي بوجهك ناحيه ثانيه

او انسدحي يمه وحطي راسك في حظنه وعيونك عالسقف وانتي تسمعين بس

في حلول واجد من غير ماتشوفين التلفزيون

__________________
استغفر الله العظيم واتوب اليه..اللهم اغفر لي ذنوبي وارفع عني البلاء

ابو عبدالاله

ايه ياريت ما فيه أحلا من توم آند جيري

وشكرااا على المرور أختي ...

يعني حالتك شبيه من حالتي ...

بس أنا ما أطبخ كل شوي رايحة جايبة لي بلع

شوكولا كيك عصير كوفي ......

ولا هو مأثر فيني الأكل من الروحة والجية

كله ولا ذا جت لقطة الركلة الحرة الغير مباشرة

وعمل الحيطة !!! ....

أول ما تزوجنا قبل ما تجي اللقطة يطرشني

لأي حاجة والحين أنا أعرف شغلي

قبلها على طول أفز أشوف لي حاجة أو أتكلم بالتلفون ...


ومشكورة عزيزتي على المرور الحلو ...

ههههههههه

بس عاد مو كل لاعب وقلت وع وع

بعدين أصير خايسة نفس

والله أوقات أقولها بس أحسه ما يصدقني

أو يقول لي طيب مو عاجبك ليه تطالعين ؟

ويقعد ينتقد فيه وفي شكله .....

شكرااا لك أخوي على النصيحة والمرور ...

أهلا فيك أختي dandoon

تدرين شكلي اليوم بسوي طريقة أخوي فاغر

بس عشان يحس

وشكرااا لك عزيزتي على المرور ...