السلام عليكم .. مع أني تعبت من كثر ما أتكلم وأشتكي بس لما شفت ناس حكيمه بهاذا المنتدي قلت بنزل مشكلتي ممكن أنا مخطئه او ماعرفت اتعامل مع الحياه الزوجيه .. الناس حولي تطالبني بالصبر وان كل البيوت فيها مشاكل بس انا ماعاد فيا طاقه اتحمل .. ببدا بمشكلتي انا يأست من زوجي مدري هوا مريض نفسي أو مسحور أو فيه عين .. آخر شي حصل بينا موقف احسو تافه ويمكن ينحل .. جاني بالغرفه قالي البسي بوديك لأهلك رفضت وأصر عليا سسألتو متى بترجع قال مدري .. طيب اغراضي ملابسي في البيت .. قالي لو رجعتي البيت ورقة طلاقك توصلك .. اللي قاهرني وحز بنفسي انو قبل كم يوم اقولو انا مبسوطه لأن هاذا أول عيد لنا مع بعض وشايفيني متحمسه وفرحانه .. يبغا يقهرني بهاذي الطريقه .. طيب اي مشكله تنحل بالتفاهم لو كل رجال سوا زيو مافي وحده جلست ببيتها .. طيب ايش الحل اكلمو ولا اطنش ؟؟ .. انا تعبت وبديت افكر جديا بالطلاق وجد احس اني ارخصت نفسي بس لاني احبو .. من تزوجتو وانا ابكي اكثر من ماضحك


مستجدات الرد71

http://66n.com/forums/showpost.php?p...2&postcount=71

ممكن تذكري الموقف الأخير!..

__________________
اللهم صَل وسلم على نبينا محمد

ممكن نعرف المشكلة الي زعلت زوجك

__________________
سبحان الله وبحمده سبحان الله العظيم

مو واضحة المشكلة ،، اذكري تفاصيل اكثر ،، ولو فية اكثر من موقف يكون افضل ،، وش يضايقك فيه ،، وهو ليش متضايق منك ؟

كم لكم متزوجين
وليه يبي يودك لهلك مافهمت
يعني يبيك تتعيدين وتنامين عندهم

__________________
استغفر الله وأتوب إليه

معليش ماوضحت المشكله بكتب مشكلتي بالتفصيل واعتذر اذا كلامي كثير .. اتزوجت قبل اربعه شهر .. زوجي من عائله ثانيه .. بعد الملكه اكتشفت انو مطلق ثنتين قبلي بس مادخل عليهم .. الموهم فتره الملكه كان مره كويس معايا وبعد الزواج من أول يوم لاحظت انو مايصلي .. وكان اي نقاش بينا يوصله للطلاق وزعلت منو وعدني مايكررها .. بس بالمجمل كان كويس معايا مره ويحبني وكريم مره .. بعد الزواج بعشرين يوم سويت عشا بالبيت وعزمت اهلي واهلو وبعدها بيوم بدا التحول بشخصيتو .. بلخصها بنقاط :
1_ اول شي اتهمني اني اشرب خمر وانو شم الريحه معايا
2_ يفتش جوالي واغراضي ويتهمني بالزنا وبألفاظ قذره وماينام معاي بنفس الغرفه وبعدها ضربني بس خفيف طبعا دقيت ع أبويا ورحت بيت اهلي
من بكره جاء يعتذر ويترجاني وانو يحبني ورجعت معاه .. جلس يوم كويس ورجع لحالتو ولنفس الاتهامات وضربني ع وجهي وقالي انتي طالق .. طبعا طلاقو بدعي مايقع .. جلست ثلاث ايام ببيت اهلي وبعدها جاء .. حاولت اتناقش معاه ماعطاني مجال ورجعت معاه جلس 4 ايام كويس بعدها وداني بيت اهلي وارسلي من بكره انتي طالق ماعاد ابغا اشوف وجهك .. ابويا كلم ابوه وقال انو ودوه لشيخ لانو يحس بضيقه وقالهم انو مسحور وبيتعالج واصبري عليه .. جلست شهرين ببيت اهلي ماكلمني ولا اتواصل معاي انا حاولت بس جوالو مقفل .. بعدها جاني وقال انو اتحسن وصار طيب .. بس لاحظت فيه اشياء انو يضحك فجأه بدون سبب ويحرك شفايفو كانو يتكلم ودائما ساكت وع نفس حالتو مايصلي ولا يصوم .. حاولت انصحه ادخل احد من اهلو بس ماتغير شي .. وامه تقول انو عندها يروح يصلي بالمسجد .. طبعا يومين ورجع لحالتو .. راح بغرفه لوحده ينام مايتكلم معاي ويعاملني زي الجدار وكلامه جدا جارح معناه انو مايحبني مايبغاني وانو انا مو حلوه وتلمحيات انو انا حقت رجال وكلام وسخ ماينقال وضربني وانا صايمه .. طنشتو قلت تعبان لا اضغط عليه .. بعدها اتغير وبدا يعاملني كويس وفرحت انو اتحسن والموقف اللي صار انا اتوقع انو ممكن هوا اللي زعلو .. ناداني لغرفة النوم قلتو تعبانه ومالي نفس اسوي شي طبعا طريقتو كرهتني بالجنس ينادني يلا انا ابغا اخلص عجلي بسرعه هاذي الفاظو ومايصير ايلاج كامل لاني اتألم ومايطول بالبدايه وما أوصل للنهايه وارتاح زيو وانا احس بالم شديد بالمهبل ووضحتلو كم مره انو غير بطريقتك وهوا يعرف مو جاهل بس يتعذر بالعلاج انو يخليه كذا لانو ببداية الزواج ماكان كذا .. طبعا انا اذا حسيت الم اخرج العضو حقو وهوا زعل وبعدها حسيت العضو حقو ارتخى وهوا يبغا يسوي فقلتلو انو مو منتصب فقام من عندي ولبس ملابسو وبعدها جاني قالي بوديك لاهلك ومدري متى اجي ولو رجعتي البيت بطلقك .. هل انا غلطت بشي ؟؟ انا مو آله هوا اذا مالو نفس للجنس وطلبتو يرفض وانا اتقبل لكن انا حرام اقول لا .. وكمان اتذكر كلامو جارح احس قلبي مليان منو ولان قبل صدني بطريقه جارحه لما طلبت منو احس اني ماعاد ليا رغبه فيه .. انا احبو من جد ودئما اسامحو واعدي وابينلو حبي وهوا يقولي احبك وابغاك بس نفسيتي تعبانه وقبل دخلت اهلي واهلو ويقولهم نفس الكلام احبها وابغاها بس ماعاد احس معاه بالامان دائما خايفه ومتوتره .. مدري الطلاق الحل ؟؟ هل هوا مسحور ولا من قلة العباده حالتو كذا ؟؟واهلو يمدحونه وانو انسان كويس قبل مايتعب ..

الله يكون في عونك الله اعلم زوجك عنده اضطراب نفسي والعلم عند الله ، ضربه لك وكلامه الغير لائق على اتفه الاسباب وساعات مافيه شي حتى يسبب الخناقه اعتقد انه يعاني من مرض يحتاج تعرضيه او تقنعيه او تقنعي اهله يتعالج ، والاهم من هذا لاتنجبي منه اطفال بالوقت الحالي ، والله ييسر امورك .

سالتي احد عنده خبرة بالافتاء بهذه الامور؟
يطلقك ويتهمك بشرفك
ربما تكون حرمتي عليه

لما طلق مرتين يعني اكيد الرجال فيه شي كان لازم تعرفون سبب طلاقه انتي غلطتي قبل يتزوجك مفروص تعرفين وش سبب طلاقه مرتين مو معقول يطلق مرتين كلها هم غلطانين ثاني شي واضح من حركاته تصرفاته انه انسان مريض نفسي او مسحور كل شوي يهددك طلاق من خلال كلامك واضح انه كل شوي شخصيه كل شوي وجهه هذا عنده انفصام او مسحور مره يريد جنس مره مايريد مره يحبك مره يهددك طلاق مره يضربك مره يعتذر لك المهم انصحك عدم إنجاب أطفال منه لنه باين مسحور او مريض اذا كذا خلال شهور حياتك معه كذا يتهمك في شرفك ويهددك بطلاق كيف بعد سنين او لما تجيبي أطفال اكيد حياتك بتكون اسوء معه لنه عنده انفصام او مسحور

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

طيب ماقد لاحظتي ياكل ادويه او يتعاطى اويشرب خمر
لانو انتي تقولين يشك فيني؟؟؟!!!!
الله العالم زوجك مو طبيعي
وعشان ماتظلمينه راقبي تصرفاته واذا يشرب شي

__________________
استغفر الله وأتوب إليه