السلام عليكم ورحمة الله وبركاته. .
انا سبق وطرحت مشاكلي مع زوجي وسوء معاملته لي وسوء معاملة اهلة لي .. وكم مره يطردني من البيت ويوديني بيت اهلي ... وحتى الضرب ضربني ...
طبعاً انا لازلت في بيت اهلي وصار لي 6 شهور .. وطبعا رفضت الرجوع والتفاهم في الموضوع الى ان اولد واقوم بالسلامة انشاالله. .
ولاكن ....!!!
أمي تبحث عن الزلة لتغضبني ... لتحدث مشكلة معي ..
فهي من من زوجتني رغم اني لم ارغب بالزواج لدراستي و بالاخص زوجي لانه اشعر انه لم يناسبني ... وفارق العمر بيننا كبير .. فهو بالثلاثين وانا عمري 22 وكنت ادرس في الجامعه ومتفوقه بدراستي واحلم بالشهاده والوظيفة فصرخت بوجهي ودعت علي و هددتني ان لا اقول شي ل ابوي .. وانه انا وحده ما استحي والمفروض انه اجعل الامر لها فهي تعرف مصلحتي ...
وعندما كلمت صديقتي المقربه لي .. نصحتني وقالت مايستاهلون ياخذونك امه معروفه شديده واخواته نفسهم شينه و طبعهم غريب جدا ... علما ان اخته الكبيره تصير زوجة خالها...
وقالت انه خطبها ولاكن اهلها بسرعه رفضوه ..
و انه منذ 5 سنوات وامه تخطب له ولاكن لا احد يوافق عليه ..
وعندما تأكدت من كلامها ذهبت لامي وقلت لها ... وعصبت علي وصارخت في وجهي وامرتني بقطع العلاقه مع صديقتي وانها كاذبه و اجبرتني بقطع علاقتي بها ..
وفعلت كل ماتريده امي ..
تزوجت زوجي ومن البداية ااساؤ معاملتهم لي و عندما اشكي لامي تضع اللوم علي وتقول انتي قليلة ادب وتبين تفضحيننا قدام الناس ..
وتذهب لتحرض والدي علي ويأتي غضبان علي ويهددني ويقول انتي ماتستحين. .
فكل همها ان ام زوجي لا تزعل ..
وتطورت المشاكل حتى صار يطردني من البيت و يتصل بأمي ليشكي لها مني وكانت تقف معه وتلومني وتحرض ابي علي ..
لم تسمع مني كلمه ولا تجعل لي فرصه ادافع عن نفسي .. وتدعي علي وبدون سبب تبدا تفتح موضوع اهل زوجي وتضع اللوم علي ... وتدعي علي .. ولا انسى قولها لي اتمنى لو منتي بنتي !!!!!!!
تحرض خواتي واخواني علي ... فهي تفرق بيننا كثيرأ ...
خمس سنوات وانا على هذا الحال... الى ان ذهبت الي الي وشكيت عليه كل شي واسلوب امي معي فهو الوحيد الذي يقف بصفي وينتصر ...
امي دائما تدافع عن ام زوجي ... وام زوجي تسب امي امامي وامام الناس ولما اقول لأمي هالشي تكذبني ... الى ان سمعت كلامها بإذنها ومن الناس .. عرفت اني صادقه ..
ولا كنها تكرهني ...
لا اعرف ليش .. تكره بناتي تضربهن مع انهن مو شقيات و بنات اخوي شقيات ويضربن بناتي و امي تضرب بناتي عشانهن وتدعي عليهن وتقول. .. انشاالله يديكن تنكسر والشلل الي يشلكن .
تخيلو ....
انا قلبي ينقطع وياقف قهر .. ليه .. تغار لما تشوف على بناتي لبس .. وانا الله اعلم بحالي اوفر الريال على الريال عشان بناتي لا يحتاجون شي والبي لهم طلاباتهم ..
اشتريت جلابيات لبناتي للعيد وشافتني اقوس بناتي وعصبت وبدات تقول كلام مثل السم. وتقول انتي تكرهين بناتك اخوك ليش ما اشتريتي لهن يالغيوره يالحقوده يالنجسة ...!!! وتتحسب علي و تقول انا اشتري لهم بلا منتك.. انتي ماتحبين احد انتي تكرهين خواتك واخوانك..
مع اني دايم اشتري لهم ولاكن هالمره ما اقدر مامعي ..
مارديت عليها بكلمه ...
المشكلة انها كرهت خواتي فيني ..
صار يتجنبون الحديث معي و لما يسمعون امي تدعي علي يدعون علي ويتهموني بأني ما احترم امي وبلاخص اختي من بعدي ..
للاسف مع انها كبيره وبالجامعه و تدرس طب الا نها تفكيرها صغير وتكرهني عشان امي حطت براسها اني اغار منها لانها متفوقه و رفضت امي تزوجها حتى تنتهي من دراستها ..
مع اني تخرجت الحمدللة واخذت الشهادة ولاكن تقديري لم يكن إمتياز وهذا الشي مضايقني وكل بسبب الزواج ..
امي تحب اختي الي بعدي كثيييير لدرجه والله العظيم المطبخ ماتعرفه الشاهي ماتعرف تسويه وتقول بكيفها خلوها ترتاح يكفي عليها تعب الدراسه ..
وانا حامل .. تدعي علي بالجلطه و تقول قومي اشتغلي تحركي ولا بزعمك حامل خلاص ..
واختي معها تقول ايوالله كن مافي احد حمل غيرها .. !!!!
اذا شافتني منسدحه على الكنبه جن جنونها ..
بس متسدحه و تبدأ مداعي علي ..
كرهت حياتي ..
هذا غي كلامها لي قدام الناس ..
تسبني امام خالاتي وتقول انشاالله مايطلع الوغد منه خليها الي ماتتحرك ولا تسوي شي
وانا اصلا معي نزول ولازمني راحه..
هذا غير اني اخدم نفسي وبناتي بكل شي غسيل ملابس انا اغسل ملابسي وملابس بناتي واكزيها واصفطها وارتب فرشنا وانظف الغرفه اسوي اكل لبناتي لانها ماتحسب حسابنا بالاكل ..
وفوق هذا تقول هالكلام عني قدام الناس ..
والله العظيم ان بنات خالاتي وخالاتي جلسو 5 دقايق ساكتين من الصدمه .. بعدين شفت خالتي الكبيره تقول لبنتها .. الحمدلله على العافية. . شفتو طبع خالتكم هذا وبنتها معها نزول بعد ..
طبعاً الغصه صارت بحلقي ماتكلمت انا ابد ابد ..
رجعت لغرفتي بيت اهلي وبكيت طول الليل ...
صرت اكره اطلع واروح ..
صرت طول الوقت بالغرفه وابكي ...
انطويت على نفسي .. كرهت العالم كله
وطبعاً انا ارفض ان بناتي يروحون وقت الفطور لبيت اخوي لانه وقت الإفطار يفضل الواحد الهدوء وانا ماابي بناتي يزعجونهم ..
طبعاً اختي الصغيره قايلة لزوجة اخوي ان بنتي قايله لي انك انت تطردينا من البيت وماتبينا عشان كذا ماتخلي بناتها يجون ..
واتصلت على امي تقول انا ماقلت لهم شي .. وقالت امي ايه بناتها كذوبين مثلها كذابه ..
ولما سكرت التلفون وقلت لها ليش تقولين انا وبناتي كذوبين قالت كذوبه ونص
وتتفل بوجهي .. وقالت تري خاطرها اعز من خاطرك هي الي تبي تنفعني مو انتي .. انتي مامن وراك منفعه وبناتك كلاب وحمير وفجأه بدو خواتي يصارخن علي معه لدرجة وحده من خواتي ضربتني مع يدي ..
لفيت على اختي وصرخت عليه وقلت تمدين يدك اكسرها لك وبدت امي وخواتي يدافعون عنها ويقولون انقعلي يله وش تبين .. وكل هذا وانا ماسكه اعصابي. .
واخذت بناتي ورحت غرفتي وسكرت الباب علي ..
وارسلت رسالة واتس اب لأمي ..
قلت لعلها تندم على عملها فيني ..و قلت لها انها ضالمتني و كتبت كل مابخاطري وتحسبت الله في اخر الرسالة ..
تدرون وش ردت ردت علي ..
تريك ماهميتيني وحاطه فيسات معصبه ..
وكاتبه انتي الكذوب وانتي السبب ومالوم زوجك واهله فيك تستاهلين الي يصير فيك ..
...
ادعو الله بصلاح حالي .. من قبل زواجي وامي تعاملني هالمعامله وتكرهني ..
والله ماقصرت فيها .. مادري وش الي هي تبي .. عشاني ساكته ومتحملتها تسوي فيني كذا ..
والله 6 الاف ريال كلها هدايا لها ولخواتي و بنات اخوي ..
غير اني اساعدها وانا حامل ومع هذا الله عامي بصيرتها وتقول ماتسوي شي ..
واختي ترحمها و تدلعها حتى الاكل على السفره تشيله من عندي وتحطه عند اختي ..
وكأنها ولد. تاكل تشرب تنام تسهر وتتامر حتى كوب المويا الشغاله تجيبه لها ..
انا مشكلتي امي وليست اختي ولم تهمني ولاكن لماذا كل هالكرهه لي ..
اسفه جدآ على الاطالة...
اشكو على ربي حالي .. كتبت موضوعي لعلي اكسب دعوه نصيحه حل طريقه اي شي

مافية احن من قلب الام على عيالها وبناتها
وكلام ما يختلف علية ثنين ابدا

ولكن ليش اقرب الناس لك امك تعاملك بهذي الطريقة؟

الشي الثاني ياليت تبتعدين عن صديقتك المقربة وكلامها وتتعمقين بكفي تحلين مشكلتك بنفسك بعيدا عن الشحن النفسي
من صديقة وغيرها

__________________
سبحان الله وبحمده سبحان الله العظيم

الله يحنن قلب أمك ويسخر لك زوجك ويهديه
اكثري من الدعاء والاستغفار في هذي الأيام لعل الله يفرجها عليك

لا حول ولا قوة الا بالله ..

وانا مثلك تقريبا.. بتذكر كنت دائما اسرح بالخيال وافكر ان امي ماهي امي، هي اكيد مرت ابوي عشان كده ماتحبني..

مالك الا الدعاء الله يفرج همك..

اخوانك واخواتك كيف يعني تحرضهم ىدويصدقوها؟ ليش ما تحكين معهم واخد واحد وتفهمي منهم

الله يجبر بخاطرك يارب ..
جربي تصدقين بهالايام الفضيله عسى الله يفرج همك ..

ولاتنسين الدعاء وقت الولاده ..مستجاب علطول

لم استطع اكمال قصتج اسمحي لي

هل امج صج امج او لا ؟
هل امج تعاني من حاله نفسيه مثلاً
وهل ام زوجج ماسكه شيء على امج لهيج امج تخاف منها

وليش امج اصلاً غصبتج على الزواج من هذا الشخص بالذات وليش انتي ماخبرتي ابوج وقتها
تخافين من مشاجرت امج انتي كذا او كذا ماراح تسلمين منها
فيه الغاز تحتاج الى حل حتى تتضح الرأيا لنا


فرج الله همج وهمنا وهم كل مسلم

اصبري حتى يتم الصلح مع زوجك قلت بعد الولادة ان شاء الله ما في احسن من بيتك
واظن وللعلم لله امك تعاملك بهذه الطريقة كي لا تفكري في الطلاق وترجعين لها
الله يفرج همك ويسهل ولادتك

نسيت امر الضرب قبل رجوعك خلى ابوك يشدد عليه في هذا الموضوع
معليش اختي استسمحك لساتك صغيرة وثلاث اولاد ما شاء الله راعي صحتك

نفس تفكيري وتحليلي طيب انا بنتها يمكن الطلاق يكون فيه خير لي ماحد يعرف عسى ان تكرهو شي وهو خيرا لكم .. طيب انا بنتها وتعاملني كذا ليش ... !!
كل هذا كره لي .. ليش ليش انا قربت انجن او اسوي في نفسي شي ..
دائما تحسسني بالفشل .. طيب ليش ماتشجعني وتقول زوجك فيه رجاء انشاالله والله يصلحه عشان ارجع له .. مو تسوي فيني كذا و تكرهني فيه اكثر واكثر وتخليني اصر على الطلاق منه وارتاح منه..

ابي حبيب قلبي .. ماحد حاس فيني غيره .. لما شافني منعزله ولا اتكلم .. دخل علي الغرفه وهو يمسح دموعه ويقول انتي مضيقه خلقي يابنتي وش فيك انتي مو مثل قبل ابد لا تجلسين معنا ولا تسولفين وش فيك .. ارمي كل شي ورا ضهرك واضحكي واستانسي ...
يسألني فيه احد مضايقك. . احد قايل لك شي ..
جاوبته لا ما فيه شي .. ويكرر السؤال علي اكثر من مره وقلت له مافيني شي ..
ماحبيت اسوي مشكله بالبيت ولجه وخنقه بين امي وابوي ..
و بعدين اختي وضحي ليش ايش يعني انا صغيره .. من اي ناحيه .