أنا وخطيبي مملكين قبل شهرين قبل شهر ماشفت عليه ولاشي وكان ط بيعي 100%بس الشهر الثاني بديت أشةف عليه أشياء مو طبيعيه كان يزعل ع أتفه الأسباب لا وكمان يسويلي مسيكلكبيره ويلومني فيها وهوا الغلطان زي المهر أعطني نصه ولمت قلتله متى حتجيب الباقي قم عصب عليا وطلع عيوبي و قلي انتي فيكي وفيكي بس أكلمته بااسلوب مؤدب قام يعصب عليا وبعد ساعتين دق عليا وأتأسف كل يوم ع ده الحال يسويلي مشكله ويغلطني ويطلع فيا كل عيوب الدنيا وبعدين ولا كانو سوا شي يرجع يتاسف وانا ماعليا إلا أني أسامح والله جاء ع بالي أني أنفصل عنه بس لولا خوف من كلمه مطلقه
هذا الشي اللي بشوفه شي طبيعي وبس جالسه أهول بالموضوع ولا هدا الشي مو طبيعي بلييز ردو عليا

أختي الكريمه
عيشي حيااتك معاه الآن
كييف؟؟
لادخلي نفسك في المهر وأمور الرجال خليكي حضن له حنان له ومثل هذه الأمور
أما مسألة الشقه والأثاث والعرس والأمور هذه اخرجي منها ولاتسأليه
أتوقع هذه مشاكلكم ولو حرصتي على تجنبها حتكوني في خير ونعمه من الرب
إلا إذا شفتي شي كبييير منه هذا شيي ثااني
ومدام إنه يعتذر ترى شي حلو منه وجميل جداً
وباين من شخضيته أنه مهتم بالموضوع وشايل حمله
بس إنت كل شويه تفتحي الموضوع معاه متى تجيب الباقي وغيره.
.
أسأل الله أن يصلح حالكم،،،،،،،،،،،،،،

أختى هنوو بنت النور:

كلام nan_bar رائع جداااا ...
وعن تجربة .. قرأت فاتحة مع أهل بنت( بداية خطوبة) ... ثم إنتهى الموضوع من جانبى ... تعرفى ليه؟؟
لأنها أدخلت نفسها فى قيمة الشبكة والعمل ... إلخ ... ومع أنها أعتذرت بعد ذلك ... لكن نتيجة الضغوط اللى كانت علىِ .. أنهيت الموضوع...
المعنى:
أى شاب بيكون فى هذه الفترة عليه ضغوط مادية وعصبية.... ومن الذكاء أن تبعد البنت نفسها عن كل هذه الضغوط وتكون له الكلمة الطيبة ..إلخ
أتمنى أن تتعلمى من خطئى...
بالتوفيق,,
أخوكمm.s

طيب مهما يكون
لازم تحاول تشوفي اسلوبه اكثر وحاولي انك تعدلينها من احين عشان بعدين لايزيد بطبعه
انا خطيبي كانت فيه اشيا ماتعجبني وهو كان حاب يغيرها وانا معاه ساعدته وغيرها

::
الأمور المادية كان المفروض التفاوض بها مع الرجال
وكان الجدير بأهلك أنه بعد عقد قرانك أتفقوا معه على موعد
لتسليمه للمهر كاملاً ووالدك أو أخاك يستلمه منه أو يحوله على
حساب أحدهما

وأنتِ خارج الموضوع
أما ترك الأمور عايمة هكذا هذا مايخلق المشاكل
ويوقد النفوس بالشر والغضب
::
الآن المهر أهلك يتفاهمون معه لا أنتِ
أنتِ كوني له الزوجة الصالحة ولاتثيري مواضيع تغضبه فالرجال
عادة تنرفزهم النقاشات المادية وتدخل الفتاة بها
تحدثي معه بلطف ولين وأقبلي عليه بالترحيب والبشاشة وإياك
وأنتقاده مادياً فهنا سيكرهك ويمقت الحديث معك
فخطيبك يشعر أنه معك في حالة دائمة من الدفاع عن النفس
والتبرير لهذا يغضب ويثور بسرعة ثم يعتذر

غيري أسلوبك معه وحاولي أحتواءه


::
وفقكم الله

لازم تعرفي انك ما غلطتي ابدا ، هذا حقك ولك كل الحق تسألي عنه ..

إذا كان مو قادر على المهر ليش ماقال لكم من البداية ، بدل لا يختلق المشاكل فيما بعد ، لو كان صريح معكم

ووضح ظروفه ، وقبلتم فيه ، يكون معه حق إنه يغضب ، لكنه وضع نفسه ووضعكم بموقف محرج ..!

مهما كانت الضغوط عليه ، ما تعطيه اي حق بالغلط عليك ، وهضم حقوقك ، وإلا إش المغضب بسؤالك له ؟؟!!!!

واضح إن ظروفه صعبة ومضغوط فعلا لكنه يبغى يحط الغلط عليك ويبرئ نفسه ويفرغ ضغطه فيك لانه يعتقد إنك سببه

وزي ما قالوا ( اللي هذا أولها ينعاف تاليها ) اشوف إنك ياختى تستخيري كثيراً في موضوع الإستمرار مع هذا الشخص ..

يبدو أنه من النوع الذي لا يقيم للمرأة وزن ويعتقد انه عليها السمع والطاعة مجردة من الحقوق و نكران ذاتها بقوة .

يريد كلمة طيبة وووإلخ ، ما فيه مانع ، لكن يؤدي ماعليه ثم يأخذ ما له .

__________________
إذَا هَاجَتْ أَمْوَاجُ الْفِتَنِ ، و تَمَزَّقَ شِرَاعُ الثَّبَاتِ ؛ فَتَأَرْجَحَ قَارِبُ الإيمَانِ مُؤْذِناً بِانْغِمَاسِ القَلْبِ فِي لُجَجِ الظُّلُمَاتِ
نَــاج ِ { لاَ إِلَهَ إِلاَّ أَنْتَ سُبْحَانَكَ إنّي كُنْتُ مْنَ الظَّلِمِينَ }

ما كان المفروض تكلمينه عن باقي المهر


الله يوفقكم

الله يوفقك الاخوات كفوا ووفو
اكيد هو بيعصب لانه شايل هم الفلوس المصاريف انتي اطلعي منها وخليها للرجال
الله يكتب لك الخير يارب

برأيي ،، إنه مهما كانت هي غلطانة ، فهناك أسلوب أفضل من كذا ،،
لازم يعاملها به خطيبها ..

مع إني أشوف إنه من حقها تسأله عن باقي المهر ..
يمكن أهلها ينحرجوا يسألوه ؟

أول شي مره شكرا ع الردود لأنها من جد اثرت فيا وبعدين مين قلكم أنو المهر ماهو موجود هوا موجود بس مع ابوه بس أبوه حط المهر بحسب وانقل لانو له سنه بحسابه وكل مأقول كلم أبوك يقولي مسافر كل يوم يقولي مسافر انا لو عليا مااكلمو ع المهر بس امي كل مااقولها شي مثلا هوا استاجر بيت وانا فرحانه انو لقي بيت قمت قلت امي قامت قالتلي خليه اول يجيبلك باقي المهر بعدين يسوي اللي يبغاه كل مايفرحني بخبر اروح اقول لامي وامي تقولي خليه يجيب المهر اول عشان كده دايما اطفشه ةاقوله نتى حتجيب للمهر بس اليوم الحمد لله جالي خبر حلو انو ابوه حولو المهر ع حسابه وحيجبلي اياه اليوم وكمان قلي بشتريلك جوال ولاب توب وااستلم القرض اللي كنا مستينه الحمد لله يارب انحلت كل مشاكلنا الحمد لله يارب وصرت ماشاء الله اشوف انو اسلوب اتعدل اتاري كل هادي عصيبتي بس لمن اتكلم عن الفلوس بس انا رجعت اتااسفت له*وسامحني ورجعنا سمن ع عسل