مساء الورد للجميع’’’’
حكايه حصلت لي مع أخت زوجي وأبيكم تبينون لي من الغلطان الله يخليكم لأني تعبت من التفكير
(((قبل أسبوع تقريبا سافرت مع أهل زوجي لتقضية أجازه قصيره وأهل زوجي كثيييييييرين أخواته وأم زوجي وزوجه خالي الثانيه وبناتها وأزواج أخوات زوجي....المهم إننا كثيرين أنا كنت عارفه من قبل إننا راح نسكن سوا وكان المكان كبير وكنا ننام سوا مع أطفالهم وأنا كنت موافقه وراضيه لأني أحب الجمعه والناس الكثيرين وكنت مبسوطه الحمد لله
المهم لما جلسنا أول ثلاث أيام ماطلعنا من المنتجع إللي ساكنين فيه نهائيا وبصرااااااحه بديت أمل ونفسي أطلع وتضايقت شوي بس مابينت لأحد وأكلم زوجي أقول خلنا نطلع أنا وأنت ويقول طيب بعدين مو ألحين هو يحسبني مبسوطه عالاخر
وأنا إللي ضيق صدري هو أني ماعندي أطفال وكل الموجودين منشغلين مع أطفالهم وكان يضيق صدري وودي أبكي بس ماألاقي مكان غير الحمام الله يكرمكم أبكي فيه
وبعدين فاليوم الرابع مليييييييييييت ماقدرت أتحمل الكل مشغول وماأحد يسولف معي فضاق صدري عالاخر ودي أصارخ من الضيقه
المهم لاحظت أنا وحده من أخوات زوجي تتجنب الكلام معي (وهي كبيره متزوجه وعندها عيال) وأنا أكذب نفسي وأقول أكيد يتهيألي بسبب إني متضايقه
وأكلمها وماترد علي أنا أستغربت جدا جدا جدا وش إللي صاير مع العلم أن أهل زوجي مررررررره حبوبين وطيبين فأناأستغربت وش إللي حصل مني وزعلها حاااااااااولت أتذكر ماتذكرت شئ
وبعدين قلت بروح أسألها وشفيها ليش ماتكلمني المهم رحت لها وسألتها وشفيك قالت مافيني شي طيب أنتو متضايقين من وجودي معاكم قالت لا العكس يعني أنتي إللي متضايقه منا
أنا الصرااااااااحه طااااااااااارت عيوني وأنا من النوع إللي لو تضايقت من أحد ماأبين له أسكت وأتحمل
المهم أصريت عليها إلا تعلميني وش صدر مني فقامت برا عشان محد يسمعنا وقالت أنتي أول ماجينا كنتي مبسوطه وبعدين بديتي تملين ليش ماسكنتو لحالكم أو ماجيتي مدامك عارفه الوضع أنا أستغربت من كلامها وقلت لها أسمعي ياعزيزتي أنا لماجيت معكم عارفه أننا بنسكن سوا وبناكل وبنشرب سوا وماعرضت بالعكس كنت أستنى هالسفره وأنا أعزكم وأحترمكم واالله والله إني أعتبركم مثل أهلي
المهم هي سكتت وبعدين قالت طيب الشئ إللي مضايقني أكثر طريقة تعاملك مع أخوي ليه ترفعين صوتك عليه ليه أسلوبك معه جاف جلست أتذكر في نفسي وش سويت أنا عشان تقول كذا وقلت لها يمكن أنا كلمته وأرتفع صوتي مو قصدي أنا عصبيه لأبعد درجه ويمكني مليت لأننا ماطلعنا أبد قالت بس ولو مو كل شئ تتمنيه راح يجيك أنا أحب أخوي ومابي أي أحد يرفع صوته عليه وبعدين جلست تسرد لي قصتها مع زوجها وتضحياتها وصبرها كلااااااااام صدع رأسي منه وقلتلها بعدين كل أنسانه تختلف عن غيرها وأنا من تزوجت أحاول أمسك أعصابي وماأعصب على زوجي وكل أنسان له عيوب وهو فاهمني وأنا فاهمته
وأنا أقدر أرد على أخته وأقولها بأختصار (((((مالك شغل فينا))))) بس أحترامي لزوجي ولأم زوجي سكت وسمعت كلامها كله بنفس زينه
ولما جا اليوم الثاني صارت تكلمني عاااادي وتمزح مثل أول وأنا عاااااااااادي ولا كأن شئ حصل لأني ماأبي السالفه تكبر
وأنا ماقلت لزوجي شئ لأنه حساس بأي شئ يخص أهله بس عرف من نفسه بعدين
وماتكلم معي فهالموضوع
المهم أخت زوجي جرحتني وخلتني مثل الأطرش فالزفه
وأحس ماله داعي في كل هالهوليله إللي عملتها
أنتو وش رأيكم في تصرفها هي معها حق وإلا لا
ااااااااااااااااااااااااسفه والله اااااااااااسفه طولت عليكم
وأعذروني على أسلوبي الركيك