بسم الله الرحمن الرحيم
السلام عليكم ورحمة الله وبركاته


زوجي ما يفهمني ..
أظل أكتم اللي في قلبي .. ولا أحب أزعجه ولا أضايقه ولا أقول شي يجرحه

وساعات لو حاولت إني أطلع اللي في قلبي:مثلاً كنت حزينة لأمر من الأمور يخصني .. ما أقدر أعبر ليه .. ما أقدر أوصل ليه شنو فيني ..
ولو تكلمت له باللي في قلبي ما يفهمني


أضحي طول عمري عشانه .. وأكتم اللي في قلبي

بس أخاف يجي يوم .. أنفجر .. ما أقدر أكتم أكثر


ويمكن الله كتب لي .. إني اظل طول عمري معذبة .. أكتم اللي في قلبي .. وأعيش علشان الغير


ساعدوني

الكتمان يولــد الانفجــار ..

لازم تختارين اسلوب وطريقة مناسبة تقدرين توصلين بها ما يدور بداخلك لزوجــك ..

ادرسي تفكير زوجـك وحاولي تطرحين فكرك بأسلوب قريب من فكر زوجك لكي يسهل عليـه فهـمك ..

أخذي زوجك على قدر عقلــه او الغي عقلــه وعقلك تماما .. واجعــلي قلبــك فقط يخاطب قلبــه .. وساعتها .. اكيد بيفهمك وبيتفتح قلبــه على كــل ما يدور في قلبــك ..

أحياناً أخجل من أن أقول له ما بنفسي .. وأخاف من ردة فعله .. ربما أطيح من عينه
لأنه يخصني ويخص نفسي .. كأخطاء ارتكبتها .. أو حالة نفسية ..
وهذا ما أقدر أقول لكل من .. حتى زوجي .. ولو قلت له بكون أمامه ضعيفه .. سأشعر بالضعف
وهذا جربته .. لما أقول لأحد عن شي بنفسي أشعر بالضعف أمامه


أجلس أبكي على نفسي .. ولا أدري صح حكمي على نفسي وإلا خطأ .. وأنفجر من البكاء

إذن .. اساس المشكله ومصدرها ينبـع من عندك .. وهي الخجــل من الزوج ..

كل انسان يمكن أن يرتكب الأخطــاء ، ويحتاج دائمـا الى انسان يفهمـه ليرشده ويصحح لــه أخطاءه ويدعمه نفسيا قلبيا وروحيا..

ولا يوجــد من هـو أقرب للمراة من زوجها ..

الرجـل بطبعه .. يحـب المرأة التي تشعـره بحاجتها اليــه ..

ويحــب فيها ضعفها النابــع من حاجتــها اليــه ..

وكلما قللت الزوجه من حاجـز الخجل والخوف من زوجها .. كلما بنــت سـدا عظيما من الحـب والاحترام والتقدير لها في نفسـه ...

لا تخجلي من ضعفك امامــه .. فضعفـك هـو من سيقويــه . .سيقوي حبـه وعطفــه وحنانــه عليــك ..

احترامي ..

لازم تكلمينه والا وش الفايده زوجك وما يسمع لك بس اهم شي اختيار الوقت المناسب للكلام

__________________

لاإاله الا أنت سبحانك إني كنت من الظالمين

ياحبيبتي لازم لازم لازم---تكلمي مع زوجك (لكن مو كل شي ينقال للرجال )


ولا تقولين ما يفهمك وانت لم تكلمي معه


اهم شي ما يكون الرجال من النوع العنيد لانه ما ينفع معه والله الهادي




احسن وقت لرجال للستماع في الصباح مع الفطور الرايق
والله يوفقك

اختي لازم تتكلمين معه
مشكله اذا انعدم الحوار بين الزوجين

تكلمي معه ناقشيه قولي الي في قلبك لاتترددين ابد

تحياتي لك