السلام عليكم ورحمة الله و بركاته

باختصار انا بحاجة لمشورتكم قبل الشيطان ميخرب عليه الي مخططالو الليلة هاي ويفسد فرحتنا

من فترة مخططة لمفاجاة لزوجي وليلة حلوة كنوع من التغيير بسبب ضغوطات العمل الي تعبتني وتعبته

وشرتلو هدايا

ووصيت على كيكة عليها اسمو وعلى شكل قلب

وحركات واشياء حلوة و بعتلو كرت دعوة وهيك


المهم صار موقف اليوم بس اجا زوجي من الشغل

زعلت منو وعصبت

وقلت كلام عيب ينحكا يعني انو عصبت عزوجي و بتكلم بجراة زيادة

وهوة زعل وعصب وقلي مابدي حفلات ولا اشي بدي تحترميني وتعامليني كويس الاول


المهم كان موقف تافه

وراح نام وانا زعلت كتير عالتحضيرات وصرت ابكي كتير

وقلي بدي اروح عالشغل احسن


المهم صحي وقبل شوي طلع وقبل ميطلع قلي

ازا بدك تعملي الجاج المتبل ابعتيلي مسج هههه السبب مبارح لما جبت الكيكة سكرت عليها وقلتلو ماتفتح هادا الكيس عاملة فيه خلطة دجاج لغدا بكرة

الا قلي مستهبلاني مبين انو مش دجاج يعني اخدها مزح وكل شوي يقلي جاج متبل قال

كشفني يعني

فاليوم بقلي قبل ميطلع ازا حتعملي الجاج المتبل ابعتي مسج

بس صراحة انا نفسي انسدت كتير ومدايقة وصرت تعبانة وبدي انام من كتر النكد

وهوة حاساه منكد كمان وانا لما تنكد خلص بتقفل معي عالاخر

وانا ماعندي اي نفس لاي اشي من هالنوع

لكن حاسة الشيطان بلعب في راسي وبحكيلي هيك

واصلا لو ماعملتها اليوم مافي فرصة الا الاسبوع الجاي والكيكة حتخرب

بس صدقوني مالي نفس

وخلص لما ازعل مابيجي عبالي اعمل جو ولا اراضيه ولااقلو ماتزعل وهيك

حاسة حتى لو راضيتو وهيك ماحتكون زي مبدي الليلة

والي صار رغم انو مش مستاهل وامر بسيط

لكن حاسة حيلقي بظلاله عالليلة


احكولي بسرعة قبل ميمر الوقت شو اعمل

__________________

تعاوذي من الشيطان و خليكي عم بتحاولي مع حالك انك تتغري نفسيتك و تفرحي

حاولي تقرأي نكت او تحكي مع صديقة بتحبيها تلفون


احكي مع حدا من اهلك (ما يكون عنده اخبار سيئة)

افتحي التلفاز على شي بفرح

افتحي الراديو

جربي أي شي من هالشغلات

انا كتير بتجيني حالة متل حالتك و بحس فجأة من برنامج شفته او تلفون حكيته انو انقلبت نفسيتي و فرحت

لازم تغيري نفسيتك قبل ما يرجع زوجك

حرام تفسدي هالليلة بعد كل هالتحضير و بعد ما زوجك روق

الله ييسرلك هالليلة و يفرحكم و يبارك لكم و فيكم يا رب

__________________
.
.

استودعتك أهلي في سوريا يا من لا تضيع ودائعه

مساء الخير أختي
أنا مثلك لما أزعل تقفل الدنيا بوجهي بس بعد فترة اروق واحاول ألطف الجو
أنصحك تتذكري أشياء حلوة أو كلام حلو صار بيناتكم واعملي جو في المكان وراح تروقي شوي شوي
وان شاء الله هالليلة ماتعدي إلا وانتو مبسوطين

اعملي الحفلة وتوكلي على الله ويارب تكون من احلى الليالي ويارب يهنيكوا ببعض ويبعد عنكم الشيطان يالله قومي تجهزي والله يسعدكم قبل يخرب الدجاج المتبل ههههه احنا الحريم الي بنجيب النكد قومي وتوكلي على الله ياحبيبتي وصدقيني نفسيتك بتعدل كثييير وطمنينا عليك

__________________
ياااارب تشفي وليدي حبيب قلبي قولوا آآآمين

يالله اختي استعدي لزوجك وانسي اللي صار واعملي الحفله وانبسطي وابسطيه وادحري الشيطااااااااان

__________________

بسم الله و الصلاة والسلام على رسول الله ،

اختي الفاضلة ،

اريد ان اقدم لكِ نصيحة ممكن تفيدك بخصوص " ان الشيخ ينقلب مزاجه و يريد ان يغيره لظروف ما " ،

اذا اردتِ تغيير مزاجك ، رددي عبارات انك مبسوطة وانه اصلاً لا يوجد اي شيئ مزعجك ، ركزي بشكل كبير على انك مبسوطة وانه هذه الحفلة ستمر بأفضل ما كنتي تتوقعي !!! يعني اضحكي على عقلك الباطن ! واظهري له بأنك فرحانه و مبسوطه ، ردديها عشرات المرات وانتي مقتنعه ، ستلاحظي انك بدأتِ قليلاً قليلاً تصبحين في الحقيقة مبسوطة ! و بعدها سيتغير مزاجك 180 درجة !!!

هذا الكلام مجرب ، مني شخصياً و من أشخاص آخرين أعرفهم ، وايضاً من خلال كلام اساتذة التنمية البشرية ،

وبالتوفيق ان شاء الله ،

والله يبعد عنكم الشيطان ،

وفقكم الله و سدد خطاكم ...

يا بنتى
انتى غاويه نكد ولا ايه
قومى حالا اتوضى وصلى واقعدى روقى واتزوقى وفرفشى نفسك وافتكرى ان الزوجه الصالحه هى اللى لو جوزها زعل منها لا تنام حتى تصالحه وتقول له هذه يدى فى يدك والله لن يغمض لى جفن حتى ترضى
وبعدين تعالى هنا ..........
ماهو لمح لك انه عايز الليلة والفرحة كمان وقال لك ابعتى لى مسج علشان الدجاج المتبل ........ يبقى ما تستعبطيش بقى ........ ما تزعليش بهزر معاكى .........
خلاص مستنية نتيجة الحفلة ........
سلام

لاتفكري بكل اللي صار ابدا لانه مش معقول كلمتين بس يخربوا كل الجو

وتتعكر فرحتك بهيك شغله روحي البسي وتعطري وتغندري وهيئي نفسك وعيشي بجو
الفرفشه ..

لازم يا حبيبتي اصلا وبالذات بهاي الامور بتثبتي لزوجك انه مش ممكن اي شيء ولو كلمة صغيرة

تخليكي تزعلي وتتنكدي بالعكس تمام حطي كل الزعل على رف وانسيهم

وهسه روحي العبي شويه رياضه ونطي بتفرغي كل طاقه الغضب واستحمي لانه بهدي الاستحمام

الاعصاب بعدين اعملي شو بدك ..

ويلا بنستنا بكرة في ردك وانتي بتخبرينا عن الحفله وعن الصلحه

ويارب كل دقيقه بهالليله تمر على خير وتكونوا فرحانين

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

خسارة مادخلت قبل الوقت المعهود

بس يا ملك تعوذي من الشيطان الرجيم الطريد

هو يبي يسوي بينكم كذا علشان يخرب عليكم وهو يظل مببسووووط وفرحااان

لا تعطيه مجال لعنة الله عليه

كان لو بس جلستي على رواق شووية لمدة ساعة وظليتي تستغفري 100 مرة او اكثر شوي وتصلي على النبي

وتسترخي على الاخر


وتريحي بالك وخلال الساعة استحضري كل ايجابيات زوجك

ومثل ماقالت اختي اميرات اعتبريها حفلة صلحة واجري بعض التعديلات لتكون على حفلة صلحة وعديها بسلامة وخير

ترى يستاهل بو فهد

ولا تضيعي الليلة على الفااضي وتفرحي بليس

يلا نبي اخبار طيبة وحلوة

والله يهدي سركم ويتمم عليكم ويبعد عنكم العين ويسخر قلبج له ويسخر قلبه لج

__________________