يوم عن يوم جالسين نبتعد عن بعض ،
وصلت لمرحلة والله مافيه شيء نتكلم فيه ، كأننا أغراب .
نطلع سوا لكنه مدنق راسه ع جواله ..
نجلس سوا لكنه ع جواله ..
أنا فعلاً مليت ، صرت أهرب للجلوس عند أهلي لكن بآخر سفره زعل ورفض سفري ..

يجي من دوامه العصر وهو تعبان ويقولي تعبان ومرهق ، يلمح لي عشان ما أزعجه بالسوالف :/
ويجلس ع جواله ساعة أو ساعتين .. ينام حتى المغرب
يصحى برضو عند جواله بعدها يطلع لاهله وبعدها اذا فيه مشاوير له
يجي الليل يطلب مني شاي ، احط صينية الشاي والله مايرفع عينه ، عند الجوال
ويقولي مرهق الخ فيني نوم
نروح ننام يجلس ساعة او ساعة ونص ع جواله وهو بالفراش .


مهملني عاطفيًا وكذلك بنتي ، تقول كلمة لأولمرة ماينتبه لازم انبهه
تسوي حركات لاول مرة ماينتبه لها

انسان باله مو معانا ابدا والله كاني جالسة مع جماد

مليت من كثر ما اشحذه وقت ، مليت من كثر ما اطلبه يسكر جواله واحنا طالعين

احيانا يسكر الجوال ويقول يالله سولفي ! مو كذا الموضوع ما اقدر اسولف تحت ضغط 😅
واكره انه جالس وهو بحسب الوقت ..


ما أعرف إيش التصرف الصحيح والله ..

__________________
سبحان الله وبحمده ، سبحان الله العظيم

نزور أهله طبعا ع طلبه لانه يهتم بنظرة اهله له ،
والله مايرفع عينه من جواله .. مغيّب تماما مايدري ايش نقول واذا كلمناه مايرد الا بعد وقت
انا اجلس واحكي واسولف مع والده ووالدته وهو زي الجماد

وصل لمرحلة انه يطلع ع شقتنا بدون محد ينتبه عشان يجلس ع جواله بدون محد يشغله واذا قرّب وقت العشاء جاء

__________________
سبحان الله وبحمده ، سبحان الله العظيم

قبل فترة كنت طالعة لأهلي ، وطلبت منه يوقفني عند مصرف حتى اسحب مبلغ لاخوي هدية ..
سأل عن السبب قلت اليوم مسوين حفلة لأخوي لأنه تخرج قبل شهر ..
قام يعااتب انك ماتقولين لي شيء ومدري ايش !
انا فعلاً ما اقول شيء لانك مو معاي .. لو احنا نجلس سوا زي اي زوجين طبيعيين اكيد راح اقولك الاحداث اللي تصير .

وانسان زيادة ع كذا روتيني جدا .. من ثلاث سنوات نفس حياتي ماتغير فيها اي شيء ماسافرت لمكان
ماجدد نا شيء للبيت
ما سوينا اي شيء لحياتنا

بداوم كل يوم
ويك اند روتين خاص
ياخذ اجازاته عشان يرتاح من الدوام 3 اسابيع وهو نايم وجالس ع جواله 3 اسابيع او شهر يجلس لي في البيت ماعنده مشكلة

والسنتين الاخيرات صار ياخذها في رمضان وايام العيد عشان مايتعب مع الصيام ..

وانا نفس الكرف المطلوب مني اني فقط امارس امومتي وشغل البيت بدون تذمر ..

انا والله مليت وخارت قوتي 😭 احتاج زوج بس يتكلم معي راضية بالكلام
اوكي مايبي يتكلم سفرني طيب ابغى اغير روتيني القاتل ابغى استجمام شوي 😭😭

__________________
سبحان الله وبحمده ، سبحان الله العظيم

أعاني من نفس ما تعاني
لدرجة اني تعودت وما عدت أشوفها مشكله
صار الموضوع عندي عادي

__________________
اللهم صلي على محمد وعلى آل محمد كما صليت على ابراهيم وعلى آل ابراهيم إنك حميد مجيد
وبارك على محمد وعلى آل محمد كما باركت على ابراهيم وعلى ابراهيم إنك حميد مجيد

نفس وضعي.. برضو تعودت

هل سبق ان أبديتِ لزوجك ما تعانيه ؟!!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

بصراحه الجوال صار علينا افه .. او على البعض عشان ما نعمم .. خصوصا مواقع التواصل الاجتماعي ..
لكن الحل بايدك اختي .. حاولي انتي تبادرين في الحديث معاه .. ولو تقولين له يا بوفلان اترك جوالك ابي استشيرك في موضوع .. او ابي اكلمك وش صار في بيت اهلي اليوم .. يوم بعد يوم راج يتعدل باذن الله ويعطيكي مساحه اكبر من وقته ..

لكن ما تقولي خلاص راح اتركه على راحته .. هنا راح يشوف انه مافي مبادره منك بالحديث معه ويمكن هذ1 هو السبب الي مخلي كل وقته على الجوال لانه ما يلاقي الي يتكلم معه ..

في زياراته لبيت اهله .. هل نفس الحال على الجوال .. ولا لا ؟؟

غاده 💔
لا تشكين لي ابكي لك 24 ساعه
حتى في طلعاتنا الخاصه سواءلمطعم او كوفي حتى بالسفر الله وكيلك 💔
الغالب انه تويتر والعاب متنوعه
الله المستعان احس بنفس ماتعاني منه من التجاهل والانفصال العاطفي
ترى كلنا عندنا جولات وبرامج ليش هالشفقه عليها منهم !
الله يعين انا مخليته ع راحته عندي صحباتي واهلي ابربر عليهم هو خل يسوي كل اللي خاطره فيه راح يجي يوم ويندم وقت مارح ينفعه الندم

__________________
أستغفر الله العظيم واتوب اليه

من المهم ألا يديرنا ويسيطر علينا الجوال لأننا سنخسر أشياء كثيييييييييييييييييييييييييييييييييييييييييييرة وعلى مستويات متعددة بداية من المستوى النفسي نهاية بالاجتماعي وبين هذا وذاك مستويات متعدددددددددددة

__________________
ياصبحِ لاتِقبل !!
عط الليل من وقتك..

ليس زوجك فقط غالبية الناس مدمن على الاجهزة الذكية زوج , زوجة ’ أبن ’ بنت
كنا في السابق اكثر قرباً من بعض نحس ببعض نفهم بعض نتحاور نختلف نتفق
لكن مع الأسف الوضع تغير الآن
اصبح كل منا مشغول بجهازه بعالمه الخاص الذي يعيش فيه
لا أدري هل هذه التقنيه نعمة ام نقمة
فقد اشغلتنا كثيرا وابعدتنا أكثر عن بعض
فكان الله بعوننا جميعاً