بسم الله الرحمن الرحيم
تتم الخطبه في مجتمعنا العربي والخليجي بمراسم وترتيبات وتقاليد متعارف عليها
بعضها تغير وبعضها تتطور لكن الأساسيات موجوده مهما تغيرت من اهمها
رؤيه ام الخاطب او اخته للعروس ورؤيه الشاب الشرعيه للبنت .. اللي نفسي اعرفه ....
وكثير تصير.. ان الأم وابنتها يطلبون يشوفون البنت وبعدها يطلعون ولا يسمع منهم حس او خبر
ويعرف هذا انه مافيه نصيب للزواج هذا يتم
او يكون هذا من قبل الشاب اذا شاف البنت ...
بما ان هذا يسبب صدمه كبيره للبنت وتبدا الأفكار والهواجس تطاردها خصوصا لما تتكرر
التجربه هذي مرتيت وثلاث واربع ويمكن اكثر ..
وماتتصورون كيف ينكسر القلب وتتحطم النفسيه بشكل كبير ومايحس بالشي هذا الا اللي جرب .. خصوصا لما تكون البنت قليله جمال
ادري بتقولون كل شي قسمه ونصيب سمعت الكلمه هذي كثير وماابي اسمعها هنا ارجوكم ..
الله عطانا عقل نفكر ونختار ونقرر .. ولو كان غير كذا كان ماصار فيه حساب وثواب وعقاب في الآخره ...
اللي ابي اسمعه من الام والاخت ايش السبب بأنسحابكم وعدم اتماممكم للخطبه بعد شوفه البنت ؟؟؟
واللي تقول لي مو على المواصفات الأساسيه اللي نبيها اقول لها ليش ماسألتوا ام البنت
عن اوصافها الأساسيه قبل لاتكسرون قلبها ... بس ابغى اعرف الأسباب من الأم والأخت الكريمه اللي دعتها الى عدم اتمام الخطبه ..
وللشاب بعد الرؤيه الشرعيه ابي السبب اللي دعاك لعدم القبول بالفتاة ؟؟
فيه كثير يقولون حلوه بس ماارتحت لها .. بس اكيد فيه اسباب ثانيه اتمنى تذكر
اتمنى من الكل يشارك بتجربته او حتى تجربه اخ له او صديق او قريب ...
ارجو من الجميع المشاااااااااااااااركه بارك الله فيكم ...
08-07-2005, 06:59 AM
ضوابط المشاركة
العرض الشجري