السلام عليكم احبتي في الله ... طالت مده كتابتي في المنتدى والكل يعلم ما بعد الطلاق والدراسه والحمد لله انا الان بنفسيه افضل

سأسرد لكم الان ما حصل بالنتفصيل ... فهي قصة لصديق العمر وان كنا قد اصبحنا اخوة لم تلدنا امهاتنا بل وصلت الصداقة إلى ان اصبحت عائلتي وعائلته اسره واحد ... في الفرح والحزن

لأول مره أراه يبكي بحرقه ... من الوهله الاولى وانا اعرف انه يحمل هموم الدنيا كلها فليس هذا اخي ابو فلان الذي تركته قبل سفري ... ولاني اعرف ما يصيب الرجل بسبب بيته من هموم وانا صاحب تجربه طويله عرفت انها زوجته وراء ما هو فيه ... وما كانت مجرد كلمة قلتها له "خير يا ابوفلان احس امور البيت معفوسه عندك شوي" حتى بدأت أرى دمعات يحاول اخفاءها عني .. فما كان مني إلا ان هدأت منه وبدأ يسرد لي القصه ...

تعددت مشاكله الزوجية بأستمرار تحت مزاجية زوجته الغريب، احيانا في قمة السعادة وأخرى في وحل التعاسة .. صبر وتحمل وعدل فيها الكثير ورزقهم الله بأبن كان السبب بعد الله في هدوء الكثير من العواصف ... وشاءت الاقدار ان ينتقل هو وهي بسبب عملها وكان قد رتب امور الانتقال لشركة جديدة بنفس المنطقة ولكن عندما ذهب إلى هناك تفاجأ ان الترتيبات اختلفت كثيرا واصبح بلا عمل ... وخلال ثلاثة اشهر او تزيد بقليل اكتشف انه اضطر إلى صرف مبلغ كان قد جمعة اثناء وظيفته الاولى من إيجار لشقه مفروشة بشكل مؤقت ومصاريف معيشة وخاصة ان زوجته للاسف "لاتشعر بقيمه النقود" وسينما و و و خاصة انهم في اجازة صيفيه وفي لحظات مصارحة صارحها بأن وضعه المادي في نزول ويجب ان يتم ترشيد القليل من المصاريف كالمشتريات الاضافيه وغيرها فنفجرت بعبارات "ويش اشتريت لي ويش طلبت انا ويش انت صارف" طبعا لجهل الكثير من النساء ان الرجل قد يصرف مالا يخطر على بالها ابدا من مصاريف الحياة

وتحمل كل هذا الاسلوب منها لانها عادة ما تعتذر وعادة ما تؤكد انها اخر مرة ولكن لا حياة لمن تنادي ... يقول ابو فلان وجاء وقت العيد والعودة إلى الاهل ... فكان حريصا على ان لا يصرف كثير لانه لايعلم ما تخفيه الايام من مسؤليات ... فشترى له ولها وللطفل الامور اللازمة كعيد ولم يبخل عليهم بقدر ما يستطيع ... واستأذنته زوجته في يوم من الايام بالذهاب إلى الوق مع اختها لانها تسكن في نفس المنطقة فسمح لها وعادت محمله بالاكياس ... سألها ما هذا قالت "هدايا لاهلك عيب تروح ايدك فاضية واعرف الضروف عندك" يقول لم تسعني الارض وما عليها فرحا بحب زوجته لاهله ... وكان قد حصل خلاف بينهما منذ ايام وكان زعلان جدا فذابت تلك المشكلة وهو يرى بأن زوجته مهتمه بشكله امام اهله واخواته ...

في هذه الفتره استطاعت أختها تدبير وظيفه له على وعد بعد العودة من السفر ان يستلم وظيفته مباشرة ... يقول "قدرت كثيرا وقفه زوجتي معي وخاصة انها اشترت لي ولم تشتري لنفسها شيئا ولان العمل اصبح شبه اكيد استلفت من اخي مبلغ ونزلت السوق معاها وقلت لها اشتري اللي تحبيه قالت ناقصني شغلات بسيطة بشتريها واشترتها وان اخذها من سوق لسوق اقولها اشتري تقول ما احتاج وانا اصر اقول لا هذا حلو خذيه وتاخذه حتى اشترت بكل المبلغ وقتها حسيت اني ارتحت واني اسعدتها مثل ما اسعدتني"

سافرت انا لأهلي وهي احبت ان تسافر لاهلها لاننا من منطقتين مختلفتين واعطيتها قيمة التذاكر والمصروف بحيث لن تحتاج شيئا ابدا وكان حريصا على ان لا تصرف مرتبها ابدا حتى تساعده في فتره البحث عن وظيفه خاصة انها ترك منطقته اساسا وانتقل بسبب وظيفتها فيجب ان تتحمل قليلا معه الان حت تستقر الامور وقضت فتره الاجازة وعادوا ولم يتسلم الوظيفه بسبب ترتيبات في الشركة الجديدة لا اكثر ...

وعند عودتها طلبت منه مبلغ لانها صرفت مرتبها في الاسواق عندما كانت عند اهلها فيقول والله ضاقت بي الارض بما وسعت رغم اني ما قصرت بشي وبعد تشتري وتعامل كأن الموضوع طبيعي جدا وقال الله يهنيك باللي شريتيه واعطاها مصروف 500 ريال ولم يكن يعلم حاله إلا الله لانه مقتنع ان الزوجة مسؤله من زوجها ...
يقول وجاءت الطامة الان ... بعد خمسة ايام طلبت مبلغ اخر فنفجر ... "انتي قبل خمسة ايام طالبه ومعطيك وين راحو ولو كنتي تحسين فيني ما صرفتي مرتبك مشتريات وانتي قبل ما تسافري تقولي مو محتاجة شي وانا بدون دخل للحين وانا معطيك 500 انا نفسي وانا رجال ما اصرفها في 5 ايام و و و "

فردت "ويش تسوي 500 هالايام" قال "ويش عندك غير بنزين سيارتك وفطورك بالدوام" واخذ وعطى بينهم وفجأة قالت كلام جرحه لحد النخاع حسب ما يقول ابو فلان قالت "انا شاريه لاهلك قبل السفر اكثر من اللي صرفته علي وانت تقول شريت لي اغراض اهلك وهداياهم انا اولى بفلوسي فيهم عطني قيمتهم ماعد ابي من وجهك شي ... ايش شريت لي ملابس للدوام والحين ملابس للعيد وتقول شريت لي" يقول انا انصدمت ... ورجعت تقول"بتذلني عشان تذكره لاهلي ومصاريف هناك الله والله وبدأت تسب" يقول والله لاول مره اخرج عن طوري طول 3 سنوات وضربتها كف ... وخرجت من البيت .. يقول بدت ترسل مسجات تقول "انا كلمت اختي وقالت انها بتوقف معامله الشغل حق ومالك وظيفه عندها" "ان ما ربيتك من الاول" "تبي تطلقني طلقني وبتزوج ارجل منك"وتهديد وووعيد من مين من زوجته ... يقول انا اتصلت على ابوها وقلت له الحين تجي على اقرب رحله واخذ بنته معاه بعد ما قلت له كل شي من اول يوم لليوم والله يقول ان ابوها ما رفع وجهه في وجهي وانا الحين موجود بوظيفتي الجديدة لان اختها قالت انها والله ما قالت اي شي من كلام زوجتي ...

الان لهم كم اسبوع ما يكلمها وهي تحاول بكل ما فيها تعتذر .. بس يقول "جرحت كرامتي كرجل ويفكر يطلقها"

طبعا هذي قصه صديقي بإختصار وان كنت اطلت وابي اعرف لان انا بصراحة ما ابي اعطيه اي رأي خاصة اني اشوف بعد تجربتي الاولى مع زوجتي ... ان وضع مثل هالزوجات مستحيل الحل .. لكن الوضع هنا يختلف بوجود طفل ... ويمكن اكون اظلم زوجته بقراري


انتظر ردكم ولكم ودي

بصراحه كان الله في عونه .... هي مسرفه وطلباته كثير وفوق كذا هي موظفه ...انا طالبه جامعه عندي مصاريف الدنيا ولله استحي اطلب منه مع انه مايبخل علي بس اصفر واحمر وازرق اذا طلبت

هالموضوع صاير معقد لانه الضحيه هالطفل .... طبعا احس الي ينكسر مستحيل يتصلح وانا اقصد قلبه وكرامته ... بس الله يصلح حالهم ويهديها ويعرفها قيمه زوجها ويحنن قلبوهم لبعض

__________________

ما حلفت أنكـ تقاسمني المحبة

وعليكم السلام ورحمة الله وبركاته

الله يكون في عونه يارب

لكن الحمد لله انها معترفه انها غلطانه ,, بعض النساء غلطانه لكن لاتعترف وتكابر


بما ان فيه ولد بينهم الافضل انه يرجعها لكن لازم يغير معاملته معها يعني يكون أكثر صرامه في تعامله يمكن الله يهديها


الله يكون في عونه يارب واولاُ وأخيراُ لابد من الاستخاره

__________________

لاحول ولاقوة الا بالله

هى اخطأت خطأ فظيع وطبعها غير محتمل

ويتوقف استمرار الحياه بينهم على قدرته على التسامح

اذا استطاع ان يعطيها فرصه اخيرة لكى تتغير ويفهمها ان هذه الفرصه فقط من اجل ابنهم

ويتغير من ناحيتها وان استطاعت ان ترجعه لها فهى فعلا نادمه

ولا استطيع ان ازيد شيئا اكثر!!

__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}

شوف يا أخي صحيح هذا النوع من الزوجات صعب التعامل معه شوي و لا أكذبك القول فربما أكون منهم و لاكن ما أراه أنها تحتاج لحزم أكثر و صدقني مشكلة زوجت صديقك تحدث كثييييييييير من النساء لكن الطلاق ماهو الحل في هذه الحالة لأنه حتى لو تزوج غيرها رح تتكر هالمشاكل
أولا سأتكلم وكأني اتكلم عن نفسي تحتاج المرأة للأيضاح وضح لها ما لك و ما عليك أما الغموض فما تحبه هذه النوعية من الزوجات
ثانيا لما بترجعها لازم تكون حازم معها و ترجعها بشروووووووووووط و لا بأس تمرمطها شوي حتى تحس بقيمتك أنا مثلا أذهب لبيت أهلي يومين أروح متغيرة كثير و أقول ناره و لجنتهم
أخبرها أنك بهذه الطريقة تجعلك تكرهها و لا تبقي في قلبك ذرة حب لها و عاقبها بأن تقلل المصروف عليها و أخبرها بأنه عقاب لها

__________________
حب الصحابة كلهم لي مذهب ....ومودة القربى بها أتوسل

الله يكون بعونه يارب ويفرجها عليهم

الله يعينك اخوي مامداك تخرج من تجربه الاوصديق عمرك بدى في مشكله ثانيه



الطلاق ليس الحل وخصوصا في وجود ابناء

صحيح ان الموضوع لابد له من وضع حد

لاكن بعد فتره نفسيته بتهدى واموره بتستقر

انا انصحك انك تقوله يهدي الموضوع شوي ويترك التفكير

يعني مايحاول يفكر ابد ولايسعة بصلح هالحين

خل النفوس تهدى شوي

وهي اذا جات واعتذرت كان بها

ومن بعدها يحط لها حد في كل شي

لين تعرف ان الله حق


بصراحه اكره هالعينات


بقولك قصه صديقت اختي

تفس الشي عندهم ولد

بس قسم بالله في وجه نظرنا جميعا انها ماتستاهل زوجها ابداااااااااااااا

يصرف عليها وهي مو موظفه

بللالف وبعدها تجي تقول انت مقصر علي

ولا مو موضف بس يحاول يتاجر وكل ماربي فتحها عليه اعطاها بلالف

ولا عمره قصر عليها ابداااااااااا بشهادته هي

بس تقول ابغى موضف رسمي وابغى رجال شديد وابغى وابغى وابغى

تصور مره جايب لها شموع راح اعطتها اختها

تقول ماله داعي

لايفوتك خريجه جامعيه

انسانه مهتمه بمظهرها درجه اولى ولكن لسانها سيء جداااااااا

ولكن للاسف متوقعين كلنا لها حياه سيئه وخصوصا ان زوجها بدى يبين لها ان القنبله جايه جايه

وانتي الي زرعتيها

مهما ننصح فيها بدون فائده

تدور على المشاكل في امور بسيطه


الله يهديها ويهدي جميع بنات المسلمين


فيه ناس ماتجي الا بالقوه وفيه ناس ماتجي الا بالكلمه الطيبه

بجد محد مرتااااااااااااااااااااااح

الله يفرج همومهم يارب ويهديهم ويصلح ذات بينهم ياحي ياقيوم


اسفه على الاطاله

__________________

هاذي وحده مالها امان
وعينها قويه اللي تسب زوجها وتتوعده
وفيها طمع غريب
اشوف ان فرقاها عيد
إلا اذا زوجها مستعد يسامح

__________________
اللهم احفظ لي زوجي وسخره لي واحفظ لي اولادي

اشكركم جميعا على مداخلاتكم وما اظن فيه بيت يخلوا من وضع سيئ في هذا الزمن
والله اللي كاسرني انه اعز الناس عندي ب سالفرق اني انا كتوم كثير وهو يفضفض لي كثير ... كنت اقول لو تعرف ويش فيني كان جاك الجنون ...


أختي ام السوسه قصة صديقتك تنطبق بالحرف على طليقتي الفرق ان انا فعلا موظف لا وازيدك من الشعر بيتين

كانت دائما ما تقلل بوظيفتي وبنفس الوقت كانت دائما ما تتفاخر فيني قدام زميلاتها وبنات عائلتها اني مهندس بتخصص صعب شوي وخاصة ان في عائلتها كلها ما فيه احد مهندس فتتفاخر قدامهم وتستقل بوظيفتي قدامي... والبيت الثاني انها كانت جامعية واخصائية نفسيه بعد

يعني حال يرثى له الصراحة ... ما اقول غير الله يوفقها سمعت من أهلي انه تقدم لها خطاب وترفض

نرجع لموضوعنا ونقول ... الف شكر وان شاء الله ألقى النصح عندكم وصدقوني كل كلمة لها قيمتها عندي

دمتم بود

اخي الفاضل

صديقك حاول فيه انه ما يسعجل على الطلاق

لان بينهم طفل

وايضا زوجته مقدور عليها ويقدر يغير وضعها بس خله يتوظف اول

وبالنسبه لطيقلتك فالحال واحد

الانسان اذا كان بين يديه نعمه وفرطها راح يندم اغلب عمره

لين هالحين وانا اسمع سوالف واشياء

تحسسني اني ولله الحمد ماقصرت

وانه ندمان على الي حصل

الحمد لله على كل حال

ولكن اذا وجد الاطفال فالانسان لازم يحط لهم اعتبار


واذا يقدر يروح لمركز استشارات ويعرض عليهم او يتصل عليهم يكون افضل

__________________

السلام عليكم ..

الله يعين صاحبك على زوجته .. بس فيه كثير نفس حالتها .. يمكن هي من النوع اللي تحسس زوجها انه مقصر عشان يعطيها اكثر واكثر .. او حاطه وحده في بالها .. من اقاربها او صاحباتها وتبغى زوجها يكون نفس زوج صاحبتها .. يعني تقليد اعمى ..

اما الطلاق فارى انه اصعب قرار ..

قوله يخليها فتره عند اهلها .. منها انها تتادب ..

ومنها انها تراجع نفسها .. وتحس بقيمه زوجها .. لان الاطفال ما يصلح لهم الا اهلهم .. وماراح ترتاح عند اهلها زي راحتها في بيتها ..

الله يسعدهم ويهنيهم ... ويهدي زوجته