السلام عليكم ورحمة الله وبركاته
كيفكم انشاءالله بخير
اخواني واخواتي
انا مرا مقهوره من اللي صار ومو عارفه
اصنف ردة الفعل
زوجي طيب وحنون لكنه عصبي
انا حملت الناس تفرح هو فرح بعدين شال هم المسؤوليه
وصار يخوفني منها واحس كسر فرحتي وزعلت
وزعل مني ولما بديت اراجع المستشفى هو طفش من الانتظار وصار يعصب من الزحمه والانتظار ودخل ع الدكتوره معصب
وقال ساعه ننتظر ومن هالكلام ودخلتني الدكتوره وقال ليه عصبي قلت هو عصبي
ولان حملي ضعيف صار يومين تحاليل و اشاعه الرجال مل
وقال خلاص روحي مع السواق ..اول حمل ولدك.. انا تضايقت مره مره احس جرحني
هالموقف ومن يومها ماكلمته ولا كلمني ابد
ولا ادري ليه زعله يطووول .. من اول صح يتحسف
بس مايبادر لو ما ابادر
انا بعيده عن اهلي ولا لقيت وظيفه تطلعني من الجو اللي انا فيه
الله يهديه بس مدري ايش اسوي
يمكن الموضوع سخيف بس انا بديت امل من حركاته
الواحد له طاقه
انا صوتي مو عالي ولا اهاوش اذا عصبت اطلع من الغرفه
عشان محد يقول قلتي كلام منا ولا منا
ادعو ربي يسخره لي

هم كيذا الرجال كلهههم ما يطيقون المستشفيات والانتظار .. ويخافون من المسؤوليه لين شاف ولده بعدين يتغير كل شي
الله يعينك ويسخره لك
ولايضيق صدرك انبسطي الله يتمم عليك بكره باذن الله تولدين بالسلامه وتجيك بنوته ولا ولد ان شاءالله سليم معافى يسليك ويبر فيكم
ويصير هو يلعب معه و وتدورينه تلقينه هو وابوه يلعبون
انتي بس مشى هالايام وباذن الله ربي بيسخره لك
ويلين قلبه لك ويحببه فيك

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

مو هذي مشكلتي
مشكلتي مابي يعتمد مشاويري مع السواق
ابيه هو يوديني ويجيبني
اخاف يشيل يده ويتكل علي
انا اذا تهاوشنا احس اني وحيده
ولا احب اشكي لاهلي لاني بعيده مابي يتضايقو
ولو تعود على السواق فعلا احس اني وحيده بهالغربه
انا اقدر اعتمد على نفسي بس مابي ينقطع حبل المسؤوليه
وبكره عندي موعد مستعجل لاني حملي في خطر
وماودي اروح مع سواق مو متعوده لحالي
وهو ماتكلمنا امس حط لي فلوس بس

حبيبتي ربي يتمم لك على خير
لاتعودي زوجك انو تركبين مع السواقين
تعذري بعذر الخوف وانك ماتثقين باحد الى زوجك
خلي لسانك حلو بس بطريقه ذكيه
فترت الحمل بذات اول طفل
البعض تطغى عليهم الفرحه وتنسيهم المسؤليه
والبعض هم المسؤليه وكثرة التفكير بمستقبل الطفل يبين عليهم انهم مو فرحانين
ممكن زوجك يتهرب من اي شيء يخص حملك عشان يتجنب هالحساس


ابحثي عن نمط زوجك
وابحثي عن نمطك
وحاولي تقريبها لبعض

اسعدك ربي واتمم عليك حملك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

توتي
انا فكرت كذا بس مدري كيف اكلمه يجي ياخذني من دوامه بيعصب وانا نفسيتي ماتتحمل هالاسبوع كله شد من ضغط العمل الى هم المسؤوليه
والدكتوره محرصه علي اجيها اسوي الاشاعه
زوجي نمطه شرقي
وانا نمطي والله اعلم جنوبيه غربيه
انا اعرف لزوجي بس زعله يطول بطي الرضاء وله اسبوع زعلان واذا زعل يعاملك كانك مو موجوده
ولانه تنرفز امس بالمستشفى خلاص
بس هو من اول زواجنا وهو يبيني اعتمد على نفسي
بس هالموضوع مابيه يتطور ان كل واحد يكون بحاله

انا كمان زوجي نمطه شرقي
النمط هذى مره متعب للي ماتعرف تتعامل معاه

انمط الشرقي مو تتصلي وتقولي تعال خذني ودني المستشفى كمثال
لا
قبلها بفتره اعطيه خبر انو عندك موعد
وهو يرتب نفسه وصدقيني بيوديك
انمط هذى
لاتستعجليه ابدا ابدا بكذا تشتتيه وبعصب عليك

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

وكمان هالنمط على ماتعودينه يتعود
وانا مابيه يتعود اني اعتمد على احد ثاني غيره
واصلا هالنمط مايحب ان الزوجه تهمشه
صح الشرقي منظم جدا ومجدول وادري مواعيدي خربت جدوله صدمتني قبل تصدمه
وكلها ورا بعض مافيه فكه وخاصه ان شغله ضغط حتى بالويكند يشتغل ويحبون شغلهم يبدونه على نفسهم
بس حاله طارئه يعني هو الحين حطني عند الامر الواقع حط لي الفلوس وقالي روحي
وبصراحه ماقد عمري ركبت مع سواق لحالي الا باص الجامعه بعد ماينزل البنات
انا زوجي كان في بيئه منفتحه تختلف عن بيئتي
بس ماتعجبني سالفة ان علاقة الزوج والزوجه مافيها شي مشترك
والمسؤوليه كلها على الحرمه والرجل يشتغل طول النهار للفلوس
وللامانه بالاول كان ودي اخذ راحتي اروح واجي بس بالعقل انا بفقد زوجي بعدين بصير فعلا وحيده الله لايوحدني
اذا تهاوشنا معد لقيت احد اتكلم معه
ومو عارفه بكره ايش اسوي اروح مع السواق ولا ايش اسوي
والدكتور محرصتني لانها تخاف يكون حمل خارجي اعوذ بالله

طيب حاجه مره حلوه انك فاهمته
ارحميه شوي دامك عارفه ان دوامه ضعط
هو ماقصر اعطاك قيمة المستشفى
دامه هو كذا مضغوط قولي له وصلني
ولما اخلص ابلغك وتاخذني
اهم شيء لاتركبي مع سواق مومحرم لك
لان فيها خلوه

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

معليش عالمداخله

قصدكم شمالي شرقي ؟ ولا جنوبي شرقي ؟

والله بوقت الرضاء احسه يكون شرقي جنوبي بوقت الزعل شرقي شمالي

بس هو الجنوبيه والشماليه متقاربات مره