السلام عليكم ورحمه الله وبركاته

أسعد الله وقتكم بكل خير ..

عندي مشكلة وأتوقع اذا لم تحل أبصير عزابي حتى موتي ..

المشكلة بدأت قبل ثمان سنوات تقريبا ..

أبوي ألح علي لبنت عمي ووافقت رغم أنها أكبر مني بالسن ..

المهم وصارت حركة من عمي وتم تزويج البنت لواحد من الجماعة ..

صآرت السالفة قهر وغبن ..

وقبل سنتين صار يحددني على بنت عمتي ..

ورفضت ويحاول رغم كل المغريات ورفضت ..

مايهمني اللي صآر ..

والحين كلمت أبوي قلت أبي أتزوج طبعن ماهي من قبليتنا

فـ أول ماقلته أنا نآوي أخطب قال من منا قلت أخت واحد من أخوياي وقبليتهم كذا

ضحك وقال شكلك تمزح < - بصراحة أنصدمت .. لاتحسبونه مستناس تراه منصدم ..

قال خطوة وحدة ماأروح معك .. وقلت ليه طيب

قال بنات عمانك أولى ..

قلت يايبه أنا كنت يمينك وماقلت لك لا في الزيجة الاولى وماصارت ..

وعطيته أعذار لكل بيت من بيت عماني ..

قال أنت وش دراك عن أصل الناس ... وكلنا من صار من القبيلة الفلانية طلع قبيلي ..

قلت في نفسي والله لو أنهم صلب أني أخذهم ..

قلت له وكلنا من صار من قبيلتنا صار فلاني ..

طبعن ماشديت معه بالكلام وأخذته باللين .. وأتحآيل معه ..

مآفي فايدة ..

والله ثم والله مو شوفة نفس فيني ..

أنا خير ومابي أروح لهم ..( يعني جماعتنا )

عمري حاليا 30 سنة ..

واذا ماصارت هالزيجة لايمكن أني أتزوج طول عمري

( في رأسي نعارة مهيب على أحد)

لو أهل البنت يوافقون بدون حضور أبوي والله لاأتزوج ..


أبي حل للمشكلة ..

حتى في حياتك الزوجية يبي يتدخل فيه قسم بالله شي يقهر

ياشنيها حاجتك لاصارت عند أبوك

وعليكم السلام ورحمة الله وبركاته أخوي ثامر..

هدي نفسك .. وتوكل على ربك .. والله نفس المشكلة عندي .. الله يهدي الوالد .. رافض زواجي.. ولنفس السبب النعرات

القبلية والأنساب.. الله يفرجها علينا .. ويردنا لديننا.. والمسلمين في كل مكان..

والله انا موكله أمري على الله .. ومتفائلة خير أني راح أتزوج..

راح أحكيلك حكاية راح تسليك وتنسيك زعلك لو أتأملت معانيها.. مرّ حكيم بشخص قد طفح في وجهه الحزن.. فقال له: سأسألك عن ثلاثة فأجبني:
أيجري في الكون شيئ لا يريده الله ؟ فقال : لا.
قال: أفينقص من رزقك شيء قدره الله لك؟ فقال: لا .
قال: أفينقص من أجلك لحظة كتبها الله؟ قال: لا.
فقال له الحكيم: فعلام الهمّ إذن؟

لا تحزن .. ووكل أمورك لله .. وصلي أستخارة.. وأدعي ربك .. يهدي أبوك لموضوعك .. ويسخره لك .. يارب..

الله يفرج همك ويقضي حاجتك .. ويسرلك كل أمورك .. بالتوفيق أخوي..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..