السلام عليكم ورحمة الله وبركاته

شخباركم ؟؟؟

انا عندي مشكله ومشكلتي كبيرة فوق ماتتصورون ومعقدة .. ومادري كيف بتنحل...

انا تزوجت من سنه تقريبا ... والحين عندي بنت والحمدلله ..

برجع بقصتي سنه ورا ...

عمري 19 سنه (باواخرها) .. كنت مرحة وسعيدة وادرس بالجامعه .. وكنت قانعه بحياتي... لا كنت سعيدة فيها
اعيش انا وامي واختين وعندي اخ وااحد اكير مني وانا من بعده .. ابوي عايش بعيد في منطقة ثانية وماشفناه من سنتين والسبب ناس مايخافون ربهم فرقوا امي وابوي.. "حسبي الله ونعم الوكيل" ابوي مسحور.. وشفنا السحر من كم سنه في مخدة ابوي ... وقديم وفيه طلاسم .. وكلام بما معناه فرق فلان عن فلانة .. وحبيت اوضح شغله ابوي اتزوج وحدة ثانية على امي من بلد عربي ويابت منه ولدين ...

صارتلي ظروف خلتني اطلع من الجامعه الي كنت فيها ووقفت دراستي على اساس كورس واحد ... وارد اكمل الكورس الي وراه .. وخلال هالفترة كنت اطلع مشاوير انخلص شغلنا الصبح يوم يكونون خولتي في المدارس.. هني التقيت في ام زوجي .. صدفه .. وسلمت على امي.. كانت معرفه امي فيها سطحية وانا اول مرة اتشوفني.. المهم بعدها بكم يوم اتصلت وحدة من معارفنا وقالتلنا ان ولد الحرمة الي شفناها (ام زوجي) بيخطبني.. في البداية انا رفضت لاني اتذكرت يوم التقينابها انا وامي ماخلت احد ماتكلمت فيه من وراه حتى زوجها.. فحسيت ان مابي القرب منها لا هي ولدها وحتى امي اتضايقت بس قالت لازم انصلي استخارة والي فيه الخير بيصير.. امي صلت استخارة اكثر من مرة وانشرح قلبها ... وطلبت مني اصلي استخارة وصليت لكن مرة وحدة .. وماحسيت بفرق واضح .. وبعدين يا يوم الرؤيه الشرعية .. وشفته وحسيت به طيب... وسالنا الاساله المعتادة .. وعرفت انه اكير مني بسنه يعني عمره 20 سنه وقريب بيدخل ال 21 سنه .. وانه يطمح بانه يكمل دراسته وماراح يمنعني عن دراستي.. رديت عند الحريم جت ام زوجي واخته والحرمة الي اتصلت كانت هي الوسيط جت مع بنتها وبغو ردي بوقتها وماعرفت شو اقول ولاني استحيت وافقت ... وبصراحة انا ارتحت حق زوجي .. واتمنيته ورسمت حياتي معاه ..
المهم اتفقنا على كل شي ... السكن على اساس سكن خاص بروحنا.. وامي وامه صارو حبايب وهني بدأت المشكله ..

امي وامه..صارو حبايب وطلعنا وردات .. ويتفقون على اشياء اتخصنا من غير شورنا ... لا انا ولا هو .. كانت ام زوجي للاسف تخدعنا طلعت نفسها بصوره غير صورتها الحقيقة خذتنا بالطيبه والمحبة .. وامي صدقتها قالت لنا سكن خاص وقالت لازم مانتدخل في حياتهم وقالت وايد اشياء.. للاسف كلها طلعت كذب... ومابينت الا عقب عرسي بشهور.. وانا لاحظتها بس مابغيت اهدم زواجي بيدي.. فكنت ماقول حق امي هالاشياء كنت عايشة بغرفه صغيرة انا وزوجي ماعندي لاتلفون ثابت ولا تلفزيون ولا شي.. وهم ناس مقتدرين .. مع ان المفروض اني اعيش في بيت بروحي بس ام زوجي طلعت حجج واهيه وامي بطيب قلب وافقت واقنعتني قالتلي شالمانع اتعيشين معاها دام انها حرمة زينه؟ ورضيت..
صارت قصص وايدة وطلعت من ام زوجي بلاوي كثيرة .. خلت زوجي يسالني عن مهري ووين صرفته.. مع ان المفروض محد له خص . كانت تقلب راس زوجي بطريق غير مباشره .. وللاسف زوجي متعلق تعلق غير طبيعي في امه لدرجة ان اذا صارت مشكله بيني وبين امه يعطيني ظهره ويوقف في صف امه .. طلعت من بيت زوجي اكثر من مرة لبيت اهلي خلال سنه وحدة بس.. حاولت استر على ام زوجي وماتكلم عنها بس هي ماكتفت عند هالحد .. لا سوت مشاكل بين امي وابوي وصلت للطلاق.. امي وابوي اطلفو والسبب ام زوجي.. والاخبار وصلت عند امي.. فكبرت المشاكل.. وطلعت من بيت زوجي لبيت اهلي لمدة شهرين وزوجي ماسال عني.. طرشتله مسحات .. عشان اتقرب منه بعدين قررت اتصل واحاول اتفاهم معاه المهم حسنت العلاقه بيني وبينه .. لكن اهلي كرهوه .. فخليته يروح عند امي ويتاسف لها .. والحمدلله راح كلمها وصارت الامور احسن بين زوجي وامي.. والحين ان شاء الله بنروح لبيت بروحنا.. لكن امه مو مخليتنا بحالنا... حاولت اتخرب علاقتي بزوجي وتبينا نطلق.. سوت فتن كثيرة .. وفرقت وايد ازواج من حريمهم ..
خلت زوجي بين نارين بيني انا وهي.. لدرجة انه صار يكذب علي عشان يصلح الامور بيني وبين اهله ..

بالله عليكم قوليلي شو الحل؟؟ واذا قطعت ام زوجي وماحتكيت فيها ابد .. حرام؟؟

الحين صارلي من ولدت شهر تقريبا وهم ماجوني للمستشفى .. وضاغطين على زوجي بانه يودي بنتي عندهم عشان يشوفونها .. وان انا اروح عشان ارد اعتبارهم ... سوت مشاكل وايد .. وايد .. مشاكل فظيعه وتعاملت بالسحر مع زوحها يعني عمي.. ويمشي تحت شوره لدرجة انها خلته يقاطع اخوانه وابوه وامه ..
تبي تكسر راسي وراس اهلي ... ولليوم اطلع اشاعات عني وعن امي .. الي اعرفه ان الزواج ستر بس انا من تزوجت والاشاعات تطلع علي ماوقفت ... شو الحل معاها ؟؟

والله مااقدر اقول الا الله يعينك على مصيبتك ويكتبلك الي فيه خير ويفرج همك ..

وللعلم .. قالت حق زوجي حرام البنت حامل مايصير تدرس هالكورس.. واتمر الايام وللحين ماكملت دراستي والسبب هي..

وبعد اكتشفنا ان لها علاقه بزوجة ابوي ... ويتعاملون بالشر..

مشكورة غناتي قطرة مطر... اتمنى ماتسينا بالدعاء يالغلا ...

لاحول ولا قوة إلا بالله

أختي أول شي أوصيكي فيه الأذكار اليومية ........مادام أم زوجك لها علاقة بالسحر شي اللي يمنعها تسحرك

أنا ما أبغ أخوفك لاكن كوني حذرة منها بالدعاء حصني بيتك وزوجك وبنتك منها

ثاني شي أختي

حاولي قدر المستطاع تتقربي منها أنا عارفه إنها مو سهلة والموضوع مو سهل لكن

شوفي أنتي إيش نقطة ضعفها وأدخلي منها حاولي تكسبيها

أنا أبغاكي تصيري إنت نور عينها ...لو حبتك تأمني شرها

الله يعينك ياالغالية لكن أصبري وفرج الله قريب

لا تيأسي أبدا .......وخلي نيتك دائما سليمة والله بعطيكي على قد نيتك

ولي عوده

ربي يفرج عنج ..

الله يعينج .. مدري انتي كيف رايمه اتعشين ويا هالانسانه ؟؟
ناس استغفر الله ما اتخاف ربها >.<


اصبري .. الصبر مفتاح الفرج ..!!

سمو الاميرة ...
شاكرة مرورج اختي... والله العظيم حاولت اتقرب منها .. واتعاملت معاها بادب.. عليت من شانها .. مع اني ماكنت مرتاحة نفسيا منها .. مادري انا أؤمن بهالكلام "سماهم في وجوههم" ماكان وجهها يريح ..
صليت واتهجدت ودعيت .. وان شاء الله ربي بيردلي حقي..
وراحت عند الناس واتكلمت بان لساني طويل... واتكلمت عن اهلي فرد فرد .. والله قالت كلام يخوف.. يوم سالت عنه طلع يقام عليه الحد ..
الحمدلله كل يوم اقرا على نفسي وبنتي.. انا طلعت من بيتها على اساس اول ماخلص من النفاس نروح انا وزوجي لبيت بروحنا.. واتاكدت ان ماعندي اغراض خاصه في بيتهم .. يعني من ملابس داخليه وغيره ..
بس والله كل يوم تطلع لنا بسالفه يديدة لدرجة ان ريلي بيجن خلاص.. احسه تعب نفسيا ... تلعب بالكلام واتلف واتدور .. اتخلي راسه ينقلب..

حسبي الله ونعم الوكيل

الحب...

هيه والله مادري كيف بتحملها بعد زيادة ... تحقد علي تكرهني.. ماعرف ليش .. مع اني والله ماعمري سمعت باسمها من قبل .. وهي الي خطبتني حق ولدها .. ومادري تحليل الكل بانها خطبتني لولدها بسبب.. وهو انه اتطلق امي من ابوي.. وقدرت .. بالسحر والفتن .. والحين سوت الي تباه ف بغت اتفرقني عن زوجي..

مادري والله حاقدة ولا اتغار.. ولا الاثنين .. الله اعلم ..

ادعيلي غناتي

انصحوني واللي يعافيكم

لاحول ولا قوة الا بالله ..............الله يفرج همك ............ماادري ويش اقول لك ..يمكن الاخوان يفيدونك

بشي انا عجرت .........المعذره .