انا مقبل على الزواج ومحتار علموني وش الافضل ارجوكم ساعدوووووني
السلام عليكم ورحمة الله وبركاته... أما بعد
في بداية حديثي اود ان افتتح اولى اقلامي(بحر الحب) في هذا المنتدى الرائع واتمنى اني اكون خفيف عليكم واكون عند حسن ظن الجميع
طبعا لكل شاب يتمنى انه يتزوج وينزف في ليلة العمر يوم زواجة مع حبيبته, وكما هو معروف في شباب كثييير ماعندهم خلفية عن امور ترتيب الزواج من خطوبة ثم الملكة (كتب الكتاب) ثم ترتيب يوم العمر (ليلة الزواج) , وانا في الحقيقة واحد من هالشباب اللي خبرتي في هالامور قليلة وانا بصراحة مابي منكم الا النصح والارشاد لانه حقيقةً عندي اسئلة محتار فيها وانا في الحقيقة مالتجأت لكم الا علشان ارتب نفسي من الحين على حبه حبه, على اساس ما اندم واقول هل اللي انا سويته صح ولا غلط؟
اولا
الخطبة : الحين هل الواحد اذا جاء يخطب رسميا هل يخلي امه هي تخطبله مع حدى بناتها وتروح عند اهل البنت؟ ام ان العريس يروح مع ابوه ويخطبون البنت من اهلها ؟ انا بصراحه محتار لانه اسمع في كذا وكذا .وش تنصحوني؟
بعد الخطبة وبعد مايوافقون اهل البنت, الولد اذا شاف البنت وعجبته هل يقدر يكلم خطيبته على الجوال ولا بس يشوفها مره وحده وخلاص؟
ثانيا
الملكة ( كتب الكتاب) : اذا ملك وخلص هل يقدر يجلس مع خطيبته وقت مايبي يعني ( هل انه مثلا يجي لبيت خطيبته ويجلس معها لحالها علشان ياخذ راحته ويسولف معها)؟ او انه يكتفي بس يكلمها على الجوال ويرسلها رسايل حب
؟ مع انه في كلا الحالتين زوجته شرعيا .
هل الفتره اللي بين الملكة والزواج هل تكون 6 شهور ام سنة فأكثر؟ لانه الفتره هاذي يكون فيها تفاهم الزوجين قبل يوم عرسهم
الزواج ( ليلة العرس) :اذا جا وقت العرس هل الأفضل انه العريس ينزف لحاله (من دون عروسته) يعني يدخل العريس مع ابوه د واهل البنت وتكون العروس داخله قبل؟ او ينزف العروسين مع بعض. ايهم احسن؟ على فكره هالسؤال يمكن افضل ناس يردون عليه هم الجنس الناعم لانهم يشوفون الشي هذا بعينهم ويعروفون وش الاحسن , بإختصار السؤال الاخير موجه للفتيات ...
اعتقد الامور اللي تحدثت عنها في شباب كثييير جاهلين عنها اتمنى انكم تساعدونا وتنصحونا وش الافضل
واتمنى اني ماكون ثقلت عليكم بكثر اسألتي لكن هذا الواقع اللي نجهله
واتمنى انكم ماتبخلونا علينا بردودكم
تحياتي للجميع