السلام عليكم ورحمة الله وبركاته
اسعد ربي اوقاتكم بكل خير
مشكلتي تعبتني هل هي تافه في نظركم ام انها صدق تعتبر مشكلة اتمنى اني القى حل بين يدكم و اجابة شافية تريحني
انا متزوج من ثلاث سنوات و بيننا ولد و انا و زوجتي موظفين والحمد الله الامور تمام بيننا تحدث مشاكل لكن سرعان ما تنتهي زوجتي قبل اسبوعين طلبتني تروح ﻷهلها أسبوع كامل و ترجع وانا ما كان عندي اي مشكلة وافقت و انا بنفسي حجزت التذاكر السفر لها وللولد وللخدامة وما عمري اخليها تدفع انا الي احجز لها كل ما طلبت تروح لأهلها نجي لصلب المشكلة حجزت و خلصت وجاء وقت سفرها الي هو اليوم و تم اعلان وقت الرحلة وبعد ما ركبت الطائرة ارسلت لي رسالة ترا انا اخذت اجازة اربعين يوم و نفسيتي تعبانه و ابغا اجلس عند اهلي و ياليت تغير موعد الحجز عشان لا يروح .
انا صدمتني برسالتها و مقهور من تصرفها طيب ليش ما علمتيني انك تاخذي اجازة اربعين يوم و الله ما قالتلي ولا توقعت بتسويها من وراي انا حجزت لك على كلامها اسبوع و راجعة قسم بالله ما تتوقعون انها قهرتني برسالتها طيب ليش و زوجك لحاله ايش يسوي اسئلة كثيرة في قلبي انا اكثر شي مقهور ما اعطتني خبر ما حسبت لي حساب و فوق ذلك انا حاجز لها و مرتب لها كل شي تسوي معي كذا وفوق ذلك تقولي غير الحجز لا يروح عليا بكل برود
اتمنى تريحوني بتعليقاتكم ﻷن الموضوع اشغلني ولا ابغا اكلمها نهائيا ولا ارد عليها ولا ابغا اعرف سبب تصرفها سامحوني لو اطلت عليكم

__________________

لما اربعين يوم بالدات مو شهر مثلا

زوجتك حامل ؟

__________________

(انما يوفي الصابرون اجرهم بغير حساب )

يووووووه
حسيت بزوجتك لانه تجيني مثل حالتها
زوجتك شكلها كتومه
ومخنوووووووقه
وخايفه تسمع منك كلمة لا وهي حاجتها للاجازة والبعد اكبر من اي شي ثاني
اتركها ولا ترد عليها
وبعد كم يوم استفسر منها واحتويها
صدقني بداخلها شي متعبها ومرهقها
لك حق تزعل وتعاتب
بس مو الحين
احياناً نفسياتنا تجبرنا على اشياء ما ودنا نسويها
خذها باللين وانا اختك واحتويها
وخلها اسبوعين ترتاح عند اهلها
بعدين ارجع تفاهم معها

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لا والله مو حامل ولا شي مو عارف ليش اربعين يوم

__________________

انا معك في كل كلمة لكن يا اختي الكريمة كلنا نواجه ضغوطات بالحياة ايا كان لكن لما ارجع لبيتي عند زوجتي انسى كل همومي ما احد ينكر لما يكون يحتاج للراحة بس انا ما احرمها من شي كل طلباتها مجابة وبالعكس يوم طلبتني للسفر عند اهلها ما قلت شي وافقت وبالعكس انا رتبت كل حجوزاتها وهي الي قالت لي اسبوع و راجعة فليش اخذتني على الغفلة و ماتصارحني

__________________

قلت يمكن داخلة علي فترة وحام .فارادت الابتعاد الي ان يمر اغلبها


انا مع انك تخليها فترة اسبوعين حتي تفرغ الطاقة السلبية و بعدين تواصل معاها و اعرف اسبابها

__________________

(انما يوفي الصابرون اجرهم بغير حساب )

ياخوي الله يصلحك ويهديك مو كل الناس ردات فعلهم وحدة مع الضيق والزعل
شوف وانا اختك قدامك حلين
يا انك تشد معها وتزعل وتهاوش وتخسرها
او انك تحتويها وتطول بالك ، وتاخذها بالهين واللين لين هي تعدي ازمتها النفسية بعدها صدقني هي من نفسها بتعتذر لك وتطيب خاطرك
لا تكبرها وانا اختك، واكتم غيظك وربي بيفرجها ويهونها عليك

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

انا راح اخليها فترة و اشوف ايش عندها

__________________

ان شاء الله ما راح اكبرها و لا لي نفس اكلهما اصلا عشان اهاوشها والله يا اختي الكريمة اني احيانا افتقد اسلوب الحوار معها و فوق ذلك متحمل كل شي طيب على اقل تقدير لو قالت لي ابغا اقضي نصف الاجازة عند اهلي و اقضي نصفها عندك حتى هالامر ما بادرت فيه او تكلمت فيه هي كل وقتها دوام مع اني قلت لها خذي اجازة لي انا رفضت اخذ اجازة و اقعد فيها لا مو قاعدة بروح عند اهلي والله اني احجز لها في احلى الاماكن و اغلى الدول وما عمرها بادرت لو جزء بسيط احس فيه اهتمام من قبلها لكن الله يعين يارب

__________________

قول لها (لا) الحجز لن يتغير يازوجتي العزيزة
أسبوع يكفي تغيرين جو وتهدا نفسيتك
مااستغني عن زوجتي حبيبتي نور البيت اربعين يوم لو مهما حصل