الالسلام عليكم ورحمة الله وبركاته
أخواني واخواتي انا عندي مشكله وابيكم تساعدوني الله يخليكم
مره من المرات فتحت جوال زوجي ولقيت عنده رقم خذيت الرقم ودقيت صارت حرمه المهم واجهت زوجي
قالي هذا صديقي دق من جوالي وكلمها وحلف وقسم بالله انها مايعرفها وحلف براس عيالي وقالي اذا انتي مو مصدقه دقي عليها واساليها اذا انا اعرفها وصارت بينا مشكله ودخلت اهلي بالسالفه وكنت بطلع من بيتي بس هو رفض قال لاهلي انا احبها وشاريها وحلف لهم انه مايعرفها بس انا ماصدقت قالي خلي احد من اهلك يدق يسالها اذا انا اعرفها قلت له الحل الوحيد هوانك تحلف على المصحف وحلف على المصحف انه مايعرفها ولا له دخل وقسم وحلف على المصحف انه مايناظر غيري مع العلم ان زوجي يخاف الله ومحافظ على الصلوات في اوقاتها ويصلي الوتر ويقول الاذكار
مؤمن بان الخيانه مصيره الله يبلاه باقرب الناس له دايم يقول لي قصص عن ذا الاشياء والمشكله انه مايتاخر برا البيت واخلاقه معي حلوه واهلي يقولون عطيه فرصه لانه حلف على المصحف وثاني شي الرجال شاريك وانا ضايق صدري ونفسيتي تعبانه مررررره والشك مسيطر على مخي
وانتم وش رايكم بمشكلتي اتمنى انكم تساعدوني
حسبي الله ونعم الوكيل الله لايوفق الي كان السبب
اختكم سفيرة الجروح

كل هذااااااااااااااااااااااااااااااااااااااا ...... وتشكي فيه وتدوري بهاتفه الله يهديك
اختي انتي مريضة بالشك لازم تقضي عليه قبل لا يقضي على حياتك لان زوجك ماراح يصبر على هاللاشياء اللي قاعدة تسويها بحقه. فاتقي الله فيه

اختى العزيزة لا تشيلي هم ولا غيره
باذن ربي راح ارجع ارد عليك
بس اللحين الراس خلااااص متعطل



لي عودة

__________________

وين المشكلة ..


الله يعين زوجك عليكي ..


يعني طيب وخلوق وملتزم ومحترمك وحلف لك وبينكم عشرة يعني انتي تعرفينه اكثر منا ومع ذلك

ذليتيه وفضحتيه عند اهلك بشي هو يحلف انه ما سواه ..



لا وفوق هذا جايه تشتكي وتبكي وان نفسيتك متأزمه ..

ما فكرتي في نفسية هالضعيف اللي هو زوجك ..


ارحموا من في الارض يرحمكم من في السماء ..



اعيدي محاسبة نفسك غاليتي ..



وللحظه حطي نفسك في مكان زوجك ..

ت ح ي ا ت ي ..

__________________

أختصر ردي بهذه الجمله

لاتشعلي ناراً يصعب عليك اخمادها ..!

__________________
إن بعض القول فن ، فاجعل الاصغاء فناً ..
>> المعرف لرجل <<

وعليكم السلام ورحمة الله وبركاته
اولا ملاحظة:- ارجو من الاعضاء الابتعاد عن لوم اصحاب المشاكل والاكتفاء باعطاء الحل

اختي سأرد على بعض النقاط في المووضوع

اقتباس:

دق من جوالي وكلمها وحلف وقسم بالله انها مايعرفها وحلف براس عيالي وقالي اذا انتي مو مصدقه دقي عليها واساليها

مادام ان اقسم وغيره وانتي لم تصدقي فهذا يدل على انه لم تكن لديك الثقة به من الاساس ، او انك تشكي به منذ زمن

اقتباس:

وصارت بينا مشكله ودخلت اهلي بالسالفه وكنت بطلع من بيتي

اختي المشاكل الزوجية يفضل ان لاتخرج عن الاطار الزوجي ، اغلب المشاكل التي يتدخل بها الأهل يكون مصير المنزل الزوجي الانهيار ولا اعتقد انك تحبي ان تطلقي وتعيشي بين اربعة جدران تنظري الى نفسك من الحسرة


==

اختي هناك نوع من الناس يحضر نساء أخريات لمنزله ويجاهر بالمعصية امام الله وزوجته ،

مادام ان زوجك من النوع الذي يحافظ على الصلاة والعبادة ويأمر بالمعروف واخلاقه طيبه فلا داعي للخوف

لانه يعلم ان هناك رب في اعالي السماء يراقب والملائكة تسجل كل كبيرة وصغيرة

--

اختي لنأتي للأمر الواقع لو كان زوجك يعرف امرأة اخرى ، هل سيدع رقمها في الهاتف او هل سيدع الهاتف يصل الى يدك ؟

===

اختي لا احد يستطيع ان يساعدك في هذه المشكلة الا نفسك

يجب ان تقتنعي بزوجك ويجب ان تكون ثقتك اكبر من هذهـ

اختي تعرفي لو رجل اخر وحلف لك انه لايعرفها وانتي مصرة على اعتقادك ودخلتي اهلك

بيقول لك بكل برود ( روحي بيت اهلك ولاعاد اريد اشوف رقعة وجهك ) وقتها لو فات الفوت ماينفع الصوت

لان من طبع الرجل انه لايحب كثرة الشك وخاصة اذا اقسم ( وقد يعاند ويحول الشك الى حقيقة !!)

لذا الان تعوذي من الشيطان وتوضي وصلي ركعتين وادعي لك وله ولمستقبلكما معا

واجعلي هذا اليوم يوم سعادة ، واحسني استقبال زوجك وكلما طلع يوم جديد ، فهذه صفحة جديدة بيضاء في حياتكما

اكتبي بها اجمل العبارات وارسمي بها اجمل صورة

واحسني علاقتك برب العالمين تسير كل امورك بخير

امنياتي لكما بحياة هادئة

__________________

عندما يغلق باب يفتح باب آخر, ولكننا نبقى منتظرين طويلا ً أمام الباب المغلق, بحيث لا نرى الباب الذي تم فتحه

__________________

حبيبتي سفيرة
انا شكاكة اكثر منك ولكن لمن احد يحلفلي على مصحف ربي اصدق
محلف بالله فصدقوه حتى لو كان كاذب
مو معقول ان زوجك متدين ومحافظ ويحلف ايمان مغلظة على شى مايسوى
حبيبتي انا فاهمة ان الغيرة والشك احيانا يستوي على عقل وقلب الانسان
لاتحوسين بتفكيرك كثير وقولي للشيطان لا ثمن لا زوجي يخاف الله وستحيل يحلف وهو كذاب
وبعدين اذا زوجك محافظ ليش يصادق واحد يكلم حريم؟
الصحبة الصالحة لها دور
حبيبتي انا متاكدة ان زوجك صادق مااقولك اني اعلم الغيب ولكن احساس انه فعلا صادق طبقا لكلامك عنه
لاتخافي يالغالية انتي بامان زوجك لك انسي السالفة
لاتتوقعين ان الحلفان على المصحف هين فهو اذا كان كذاب تراه باع دينه وخسر ربه
وقفي الشك تكفين لا يروح بالك بعيد وتقعدين تشكين زيادة لا تخربين بيتك يالغالية
صدقي زوجك وتوكلي على الله
بالتوفيق حبيبتي

كيف يحلف براس عياله ؟؟؟


قال عليه الصلاة والسلام:
من حلف بغير الله فقد كفر او اشرك

.. أنا أؤيد كلام الأخ ( ماهر نبيل ) .. فأسمعي كلامه من منطلق انه رجل .. وكلامه أيضا حكيم ..

.. عزيزتي .. لا تخربي على حالك , صدقيني لو زوجك فعلا يعرفها , ما بيحلف لك على مصحف .. وبيتمسك فيكي هالقد , ويقول انه شاريكي ..

.. اتقي الله في نفسك وفي زوجك .. والله يسعدك ويصلح حالك .. ونسمع عنك اخبار حلوة ..