انا راح ادخل بالموضوع سييده حتى مااشغلكم وتعطوني حل لمشكلتي انا صار لي مملك شهرين من وحده تقرب لي وهي بنت خالي وطبعا كانت من افضل مايمكن من ناحيه الاخلاق والتعامل لكن فجاه تغيرت وصارت تطلب بكثرة ومو كذا وبس الا طلبات احسها تعجيزيه يعني راح اقولكم مثل ايش وانتو احكمو يعني تقولي ابغى مصروف شهري وقلت لها من عيوني وامري لله وصرت اعطيها مصروف بعد فتره بسيطه قالت ابغى منك 1500 ريال عربون الكوفيرة و1000 ريال علشان اشتري لي اغراض طبعا انا معطيها المهر والشبكه الذهب يعني المهر 40000 و5000 لها هيه قلت لها عندك المهر وش فايدته قالت لاتمن المهر علي تراها 45000 الف بس مو ميه الف عاد يوم قالت كذا انا انجنيت ومشيتها المهم بعد فتره طلعت لي بموضوع جديد تقول نبي نسافر للخارج قلت ومملكتنا الحبيبه وش فيها وش ناقصها وزعلت قلت طقي براسك بالجدار وغير كذا تبي هي اللي تختار الاثاث يعني تقول لاتختار شي الحين حتى نتزوج وانا اختاره كله يعني طلباتها على النحو الاتي مصروف وطلبات استثنائيه كملابس او عربون وسفر للخارج وشقه كبيرة والاثاث هي اللي تختاره
طبعا حاولت افهمها حالتي مااقدر على السفر للخارج بيكلفني كثيرر اما باقي طلباتك مهما كانت مصروف وطلبات ثانيه والاثاث اللي تبين مهما كان سعر من عيوني قالت انت بخيل وماتحبني وكرهتني في الزواج تقول كل الناس يسافرون للخارج واخوي والله ان قضى شهر عسله في البدروم عندنا وجدتي جنبهم في الغرفه المجاوره ولا قالو شي ابيكم تفتوني وتقولون لي وش اسوي معها هل طلباتها من حقها تطلبها ومن واجبي انفذها ولا وش السالفه انا تعبت واحبهاا مررررره

اخوي المهر ماله شغل بالمصروف انته مكلف تصرف وتعطيه مصروف خااص الى وقت الفرح
اما من ناااااااحيه اثاااث البيت ,, طيب هذا بيته ومملكته من حقها هي اللي تختاار الاثاث من نفسه بالعكس المفروض تنبسط حلو تشوف ذوقه في البيت وبعدين ريحتك من حوووووسه تجهيز البيت...
وبالخصووص السفر للخااج اذا مااعندك امكانيه وديه شهر عسل في السعوديه وااوعده اذا توفرت الامكانيه تسفره للخارج ...
ليش تكبر الموووضوع صدقني ماايستااهل الحياااه سهلات اخذ وعطاااء......

في حدود استطاعتك وبالمعقول.. لا تكلف نفسك فوق طاقتها، لا تستدين فترهقك الديون..
فهمها أن الحياة سهلة إذا كانت مطالبنا سهلة فيها ومعقدة إذا عقدناها بمطالبنا..
فهمها بأنك لن تبخل عليها طالما في استطاعتك ذلك وأنك لن تكلف نفسك فوق طاقتها حتى لا ينعكس سلباً ذلك على علاقتك معها..
خفف من الاتصال بها..

:*

أخي رعاك الله
يجب أن تعرف مالك وماعليك حتى ترسم الحدود جيداً ومايجب ومالايجب

*أولاً: بما أنك أعطيتها المهر فيدخل فيه كل مايخص تجهيزها من دفع
عربون الكوفيرة وشراء ماتحتاج إليه من أغراض وكماليات ولايحق لها
مطالبتك بأي شيء آخر فوق طاقتك بحجة أنه واجب عليك الآن

*حكاية المصروف والله لم نسمع بها إلا في النت هنا ومن بعض
الأخوة والعرف السائد أن البنت مادامت في بيت أهلها ولم تدخل بها
حتى الآن إذن أهلها يصرفون عليها حتى يدخلونها بيتك إلا إذا تكرماً منك
وأنت بطيب خاطر رغبت بذلك ولا أعلم هل هي أعراف مناطق وبيئات
أما ماذا لكن هذا السائد عندنا وعيييب أصلاً مثل هذا الطلب مع أحترامي
للجميع إلا إذا أصبحت الزوجة في بيت زوجها ودخل بها وصار مسؤول عنها
مسؤولية كامله وليس مجرد عقد ربما لأي ظرف ينتهي فلا أحد يضمن نفسه


*الأثاث ممكن تأخذ رأيها فيما تريده لبيتها بما أنكم متفاهمين وبينكم أتفاق
وفي حدود إمكانياتك بدون مبالغات وديون وحسب المبلغ الذي حددته للأثاث
يعني نصيحة من أخت سو لك ميزانية بحيث تضع مبلغ محدد للأثاث
مبلغ لحفلة الزواج ومبلغ للسفر أو شهر العسل وهكذا وتصرف بوعي
ولا توقع نفسك في مطبات العشوائية وعدم التخطيط

*شهر العسل بإمكانك السفر لدولة غير مكلفة مثل ماليزيا وهي أرخص بكثير
من السعودية لأن السياحة عندنا فاشلة ونار

(تقدر تصغر حفلة العرس وتجعلها مختصرة وتوفر من حقها لسفرة حلوة وشهر عسل
جميل ضمن حدود إمكانيتك وأستشيرها بذلك يمكن ترضى تخلي الزواج مختصر مقابل
شهر عسل مبهج))

:*

__________________

حبيبي الي جابها جاب ستين غيرها واخلاق بعد ماعندهم حركات الي امشي زوجي على كيفي .. فهمها من الحين وخذ موقف معها من البدايه وحسسها انك بايع ترا لافات الفوت ماينفع الصوت وانت موقفك صعب بحكم انها بنت خالتك مايصلح تطلق
نصيحه لك لاتهمل الموضوع

شوف بقولك من تجربة مهر 40000 مايكفي البنت مستحيل انا حطيت عليه اربعين الف زيادة بعد لان الدنيا غالية اذا الذهب الغرام 220 وش بيصفى لها البنت .. تخيل محل المكياج لما تشتري بس شغلات بسيطة ممكن تطلع بـ4000 او اكثر ..
اتمنى انك ماتقول لها كل شوي المهر هو عندك .. هي تبغى تحس انك زوجها وتحبها وماتبخل عليها بدل ماتطلب من ابوها تحب ان زوجها يحس فيها .. ويعطيها ولما تتضجر من مصاريفها الحين معناها انت ماتبي تتحمل مسؤلية اخرى معك .. اعتبرها نصفك الثاني .. وزي ماقالت (سيدة الموقف)حدد ميزانية للشيء وقل لها الاثاث عليك بس هذه هي الميزانية لك ..
انا استغربت انك ماتبيها تدخل في الاثاث في ناس اول مايملكون يطلعون مع خطيبهم عشان يختارون الاثاث وتكون البنت عارفة الميزانية اللي زوجها حاطها لها ..
والشيء الاخير اذا ماعندك ميزانية للسفر عادي قل لها بس انا استغربت انك ماحطيت ببالك سفرة لو حتى بدول الخيج لأن شهر العسل بالسفر غير عن لما يكون حول الاهل..حاول زي ماذكرت سيدة الموقف انك تسوي حفلة عرس صغيرة وتسافرون
صدقني طلباتها انا شوفها عادية هي تبي تعودك انك ماتبخل عليها..
وهذا اللي كتبه مش تحامل عليك بس البنت تحب اللي يعطي من غير ماهي تطلب

سلامات انت تدفع عربون الكوافيره
مالها حق تطلبك والله
المهر كافي
لاتدلعها عشان ماتستغلك

تجب عليه النفقة بعد الدخول

__________________
## مهم ##
هل تتعرضين للابتزاز في الانترنت؟


هنا من ينقذك

مع رأي الأخت سيدة الوقف
المعروف والأصل أن لاتقوم بالصرف عليها إلا إذا صارت فبيتك ودخلت عليها
اما غيره فهذا احس ماله داعي إلا إذا طالع من طيب نفسك مو تشررط ةطلبات

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

قل خيرا او فـ صمت
الله يهديكم حطوا انفسكم في مكان زوجته
لاتسيئون الظن الله اعلم ايش ظروفها ولا اسبابها الي خلتها تتكلم بهالطريقه

اخي العزيز هي غلطانه صحيح لكن موب لدرجه احد يتكلم عليها

حاول تتفاهم معها وتتكلم بهدوء اعتقد في شي بخاطرها عليك
والسفر احرصك ثم احرصك ثم احرصك عليه

20 الف ماراح تعيقك وديها تركيا او ماليزيا ماراح تكلف
في اسوء الاحوال دبي

لاتستهينون بسفره شهر العسل فهي من حق البنت
عسئ الله يصلح حالكم ويهديكم لبعض