انا تعبت ياناس الحمدالله ماناقصني شئ وماعندي الا ولد وبنت بس حياتي صارت ممله كأني عايشه لحالي هل وضعي طبيعي والا يحق لي ازعل ياناس انا لسى بالعشرينات زوجي يسهر للفجر واحيانا لبعد الفجر والنهار بالعمل واحيانا يروح في النوم وينام لحاله حتى العلاقه الخاصه مشى حالك انا تعبت بس قاعده مع البزوره لوحدنا حاولت اشغل نفسي واطنشه بس لما اشوف اللي حولي وزواجهم اطول من عمر زواجنا ماشاء الله زوجها يدور عليها ويسالها ويسولف معها ويزعل اذا تركته ينام لحاله ارجع احن واقول احاول واحاول لكن لاحياه لمن تنادي انا صار عندي ارتفاع بالضغط من كثر التفكير ومن كثر المسؤليات وهو طول وقته مشغول ارسل واعاتب ولا كانه يشوف ويجي عادي يضحك ولا يخليني اصلا اناقشه احس من كثر ماقول اجلس اعطينا وقت شاف نفسه وانا والله من مبداء انه حلالي لازم هو يعطيني الحب والاهتمام توه جاي من سفر نزل شنطته واتعشى ولعب مع بنته وطلع يسهر قلتله اجلس قالي من اول وانا جالس وهي ماصارت نص ساعه و ارسلتله رساله طويله فضفضت فيها وكتبت اخرها ياامساكا بمعروف او تسريحا بااحسان وماراح اضيع عمري وانا عايشه لحالي الحمدالله ماينقصني شئ عشان اشحذك تجلس معي هل تصرفي صح في ارسال الرساله والا لا
انصحوني بليز تعبت
تم تعديل العنوان ليناسب المضمون

أهلا أختي جروح منسيه
أولا الحوار الصريح بين الزوجين هو بداية علاج كل مشكله
ثانيا أبتعاد زوجك عنك وعن بيتك ربما وليس أكيد يكون بسبب خلل في العلاقه بينكم طبعا أنا ما اتهمكي بتقصير لكن أنا أقول ممكن يكون فيه سبب أو خلل
ثاثا أختي الطلاق ماهو في صالحك وخاصة أنك عندك أطفال في هذا الزمن البنت ماهي لاقي أحد ياخذها
فما بالك وحده تكون مطلقه وكمان عندها عيال
نصيحتي لكي أحاولي تفمهين سر أبتعاد زوجك عنك
والله يسعدك ويحقق لك كل أمانيك و يردلك زوجك رد جميل
أمين يارب العالمين

اختي العزيزة جروح منسية..

لو زوجك انسان محافظ على صلاته .. طيب يحترمك لايسبك لايهينك ويعطف على ابنائه لاني ماشفتك ذكرتي هالأمور .. فمشكلتك بسيطة ان شاءالله ولها حل .. ماانصحك بالطلاق ولاتفكري فيه .. وهونيها وتهوون والله كلنا نمر بظروف وانا عن نفسي وحدة من الزوجات الي ذكرتيهم زوجي يسأل عني ونسوولف ويزعل اذا ماسألت عنه او تركته بس في المقابل لسانه سليط والجرح والاهانة عنده شي سهل بس الله يهديه والحمدلله على كل حال .. فاذا محترمك وبس مزعلك عدم جلوسه في البيت اشغلي نفسك وقتها ودلعي نفسك وعيالك تكلمي مع صديقاتك مع اخواتك والله ماراح تحسي بغيابه .. خليه يرجع البيت يلاقي شي جديد مسوية مثلا حفلة انتي وعيالك وهيصة خليه يحس انه مو فارقة معاكي و لاتحسسيه انك زعلانة من عدم جلوسه معاكم .. يمكن لو حسس بالحياة بالبيت وتغيير ماراح اقولك ماحيطلع .. لا بس بتقل عن أول بكثير ويمكن تصيرين تتمنيه يطلـع وهو نآآشب لك ..
ريحي بالك وتوكلي على الحي الذي لايموت ولاتفكري كثييير
الله يجمع بينكم ولا يفرقكم ابدا

تصرفك الاخير سليم..لازم مصارحه ونقاش ..واحياناً زعل..مصيره مايلقى غيركم مصدر لسعادته بالاخير ..اخوياه بالمستقبل كل واحد بينشغل بعياله وحياته ..

سكوتك عن الوضع هو الي خلاه يتمادى لازم يكون لك وقفة حازمة معه حتى ينتبه لك ولبيته ولاولاده والله يصلح بينكم

انا إنسان متزوج والمرأه هي من تملك سحر التغيير اكثر من الرجل
الثقه اولا مهمه لدى الزوجه ثانيا خلق بيىئه جاذبه داخل المنزل
اولا بالصبر والنيه قبل كل شي
اجلسي مع نفسك وشوفي السلبيات وأقضي عليها
نظافة البيت وتكوين بيئه جاذبه هي من تجعل البيت أحسن في نظر الزوج
اما ان يأتي ويجد السلبيه في كل مكان فطبيعي سيبحث عن مكان اخر

جزاكم الله خير جميعا ع الرد
اولا ايجابيات زوجي الحمدالله مايضرب مايسب يحترمني يحب اطفاله جدا وكريم
سلبياته كثير السهر كسوول لا يناقش مهما ارسلت له من الرسائل وهذي هي سلبياته اللي سببت لي انا وحدي المشاكل لكن هو الوضع عادي جدا
بالنسبه لي سلبيات عصبيه رغم انه في الماضي كانت اعصابي كومه من الثلج لكن اتحكم في اعصابي مااجرحه دائما يبان على وجهه عدم الرضا عن هذه الحياه يعني اكون عبوسه بس والله الضغوط اللي خلتني كذا لدي ولد وبنت كلهما يعانيان من مشاكل صحيه مستمره لا اريد الخوض فيها الحمدالله ع كل حال
ايجابياتي
انسانه مقدره جدا احب المساعد لا احب الاتكال ع احد اي شئ اقدر اسويه اسويه اهتم بمظهري وبمظهر اطفالي جدا وهو عكسنا اهتم ببيتي ونظافته ودايما نظيف ومرتب اجدد بالبيت وغرفه النوم اسامح بسرعه لاني لا احب جو الزعل اهتم بملابسه وباكله..
بالنسبه لي حاولت الابتعاد عنه واني انشغل مع صديقاتي واخواتي بس صديقاتي واخواتي كل وحده مشغوله بحياتها يعني حتى لو رحت عندهم زياره كل شهر مره لان بعضهم بعيد وبعضهم مشغوولات بعملهم...
انا ابيه يقوم بواجباته كازوج وبس عشان اقدر اكمل حياتي

اخر التطورات امس لما طلع ماطول ساعتين ورجع وكنت لسى صاحيه واولادي صاحين قاعده انومهم دايما ينامون 11او12بالكثير بس هذي المره طولوا طبعا جلس عندنا وقالي ايش هذا الخطاب الطويل بضحكه طبعا مارديت لانه مو وقت نقاش الاولاد صاحين وانا نعسانه المهم نمنا بدون كلام ابغى استنى اليوم واشوف اذا ناقش كان بها اذا ماناقش ناقشته انا

عودته مبكرا بعد الخطاب،،خطوة جميلة جدا منه،
ودليل على مكانتك في نفسه،،
حاولي تغيري زوجك بالمعروف واللين،،وإن لم يتغير تقبليه كما هو.

ان شاء الله ب يتغير. بس انتي استمري ورآه بالدعاء و الشد واللين وان شاء الله بيلين

__________________