الى الأعضاء المتزوجين والعضوات المتزوجات والمخطوبين والمخطوبات...

سؤالي هو: لما حضر خطيبك أو خطيبتك(زوجك أو زوجتك حالياً) للنظرة الشرعية أو للزيارة الأولى بعد الملكة...
المهم يعني أول مرة تقابلون بعض وتشوفون أشكال بعض ؟؟ وش كان أحساسكم هذيك اللحظة؟؟؟
وش كان ردة فعلكم هذيك اللحظة؟؟؟
وبزيد سؤال للمتزوجين...هل هذيك الأحاسيس وردة الفعل تكررت عليكم بعد الزواج ولا صاير كل شيء عايدي...!؟؟

أنا بجاوب عن نفسي...
أول مرة شفت فيها خطيبي (زوجي حالياً) كان في حفلة الملكة فقط وبعد كذا ماشفته الى ليلة العرس...
المهم مانظرت في وجهه ولا أدري عنه أبيض ولا أسمر ولاطويل ولاقصير..جلس جنبي وما قدرت أناظر حسيت بكهربه تلعس رجولي وأطراف أصابعي...وقلبي أذا دق 1000دقة في الدقيقة قليل!!! هو طبعاً علق عيوووونه وماأعطاني فرصة أناظر ولما نادته المصورة ..أختلست نظرة سريعة بس ما أنتبهت...ولما جلسنا نتصور أحرجتني المصورة(ياليتني ماجبتها ذيك الليلة هاذا الكلام كررته في قلبي طول جلسة التصوير)...ماتصدقون أن المصورة تجر يدي جر وتحطها على يد زوجي (قصدها أمسكي يده)..وكل مالمست يدي يده لسعتني حرارة يده وصرت أعرق وشوي وشوي بغيت أدوخ...وهوماشاء الله كل شيء عاجبه..لدرجة أنه بعد المصورة شوي وعطاني بوسة على خدي ......والله لين أنتهت الحفلة وجلست تقريباً يومييييين ومكان البوسة لسه حاسه فيه...أحس زي النغزات في مكانها....ز

بس بعد الزواج بفترة مو طويلة...البوسة صارت عايديه... لمسة اليد عايديه..صح أنه فيها حنان وحب وحرات وشوق وعايشه معه في نفس البيت...
بس كل شيء كان أول مرررره له طعم خاص ونادراً يتكرر لأنه ردة فعل غير طبيعية (أقصد مانتحكم فيها)
ولا أنتم وش رايكم!!!؟؟؟

صحيح إن الحيا زاااااااايد....... بس الشوق غييييييييير ...... والحب له إحساس ثااااااااني

تحياتي لك

شكرااااااا لقلم شاعر على مروره
وصح كلامك كلامك كل شيء غير....له طعم غير..
بس بأمانه!؟؟ماحنيت لأيامها!!؟؟؟

__________________


[/move]

شكراااااااااااااا أختي وادي حنين2005...على مروووووورك
قال الله تعالى(وعسى أن تكرهوا شيئاً وهو خير لكم)...
الله يوفقك ويرزقك بالي في بالك...آميييييين

أما بالنسبه لي ذاك اليو م لا ينسى كانت شوفه قبل الملكه.خرجني الوالد له اللي هو زوجي الأن.....وسلمت من الخلعه بس بالايادي حتى هو تفاجئ وجلست بيني وبينه مترين وجلس معنا الوالد واثنين من أخواني وذاك ذايب من الحياه ولاشافني ولاشفته بسبب وجود أفراد العائله الملقوفه بس هي نظره أول مادخلت أستمرت عشر الثانيه وبسبب الارتباك والخوف والسرور شفته ملك جمال العالم وهو كذالك الى بعد الملكه في العيد زارنا وشفته زين فحصلتلي صدمه ... لا أمزح ...............بس والله أتمنى أتمنى يرجع الزمن لورا شوي.........(حبيبت يوسف)

شكراااااا لمروووورك أختي حبيبت سيف..
نفس أنا شعورك...حنيت للأيام اللي قبل الزواج سبحان الله كان فيها كل شيء له طعم غير!!!

مساء الخير للجميع ....ذكرتوني بأحلى ايام عمري الصراحة انا اول مرة جلست فيها مع خطيبي كانت حلوة تجنن ....يعني احلى لحظات الحب والحنان اللي ماتنعاد .......يعني كان يناظرني ولما اطلع بعيونه ينزل راسه ....حاولت اناظره بس الحيااااااء كان ملازمني ....بس احلى لحظة اني شعرت بالبرد وانا جالسة جنبه ....قالي بردانة تعالي ادفيك....بس طبعا انا كنت مستحية فهو جا تقرب مني وحظني يبي يدفيني ....حسيت اني احلم وماصدقت ان من اول لقاء يلمسني ...وبعدين اخذ يدي ودلعها وباسها وانا طااااااااااايرة من الفرح والحياء .....وبعدين قام يتغزل بعيوني ..ومن هالكلام .....لكن اللقاء الاول كان احلى لقاااااااااااء ملئ بالحب والحنان والحياااااء ...هذا رأيي ....الحائرة مرااات ....ذكرتوني واله بأحلى يوووم بحياتي .......................

__________________

شكرااااا للأخت الحائرة مرات...على مرورك
أنتِ ذكرتِ أنها أحلى لحظات عمرك اللي "ماتنعاد"...والله أنك صادقة
كل شيء له طعم حلو ماينعاد...
الله يعطيك اللي في بالك...

يابنات كل وحدة وهي تذكر قصتها تقول كنت مستحيه وخايفه وبردانه ومنحرجه _____ طيب والحين كيف أحاسيسكم بصراحه تامه ..........................