السلام عليكم ورحمة الله اتمنى قلبكم يتسع لمشكلتي انا متزوجه ليا 13 سنه عكس البنات اتزوجت افتكرت الزواج شي سيء وتضحيات وتنازلات فكنت حاسه وضعي طبيعي واهلي هما السبب بحكم انو امي وابويا منفصلين عن بعض وانا عايشه مع امي واهلها وكنت احس اني زي الهم على القلب زوجوني اول واحد اتقدملي ماعندو شهاده وحالتو الماديه صعبه وكانو مفهميني انو عادي كل الناس كده وقالو نساعدك ماديا وفعلا اعطوني مصروف وصرت اسدد بيها ديون زوجي ومعاملتو ليا سيئه نوعا ما ، غير انو اهلو ما قصرو معايا يعني ما كان في تقدير وكل هذا واحسب وضعي طبيعي كنت ابكي كثير لاني كنت اكره نفسي واحس اني اوحش بنت ولازم احمد ربي عليه وحالتي النفسيه من سيء لاسوء وهو كان يقولي انا احبك بس ما كنت اصدق وبعد 10 و4 اطفال صار لي موقف اخويا الوحيد رجع من الغربه ففرحت لما شافني فرحانه طلقني !!!!! بعدها كل شي اتغير اتعدل معايا مره وصار يحترمني وصرنا العكس !!! لنا 3 سنين على الطلاق وهو حاول المستحيل يراضيني غير الشقه وزبطها وصرت اخرج للصحبات كملت دراستي بس مشكلتي دحين ما صرت اقبل منو الزله والصراحه ما صرت احبه وجابره نفسي عليه عشان اولادي هو يصرف على البيت بس مقصر انا متكفله بنفسي يعني ساعات اقول لنفسي ليش يكون عندي زوج اتحاسب عليه والاطفال مصيرهم يكبرو وهو طيب معاهم ويهتم بيهم يعني وجودو في حياتي مهم للاطفال صار بيننا موقف اتضاربنا عشان ما سويت الغدا قام هو كبر الزعله وانا ما صدقت ولنا 10 ايام ساكنين في نفس الشقه بس ما نشوف او نكلم بعض الوضع هذا مريحني وخايفه نتصالح ارتحت لفكره البعد لاني صرت مرتاحه من المشاكل وما ابغى احد يحاسبني طول الوقت ويقلل من قيمتي معليش طولت وان شاء الله صدوركم تتسع ليا

هوت شوكلت
ماتبين مشاكل سوي واجباته وخلاص
حطي اكله ولبسه وريحي راسك لا تنقصين عليه شي
دامك عايشه للاطفال

قومي بواجباته وحقوقه وعيشي حياتك مبسوطه لكن لا تهجرينه أبدا خليك عادي معاه لا ميته فيه ولا هاجرته

__________________
الذهب والالماس لاتغيره السنين ولاتغيره الظروف بل يحتفظ بقيمته ورونقه وتزداد قيمته مع السنين 💎

صدقيني انكم تحبون بعض ، بعدك هو انك عرفتي كيف تتصرفي وتحلي المشكله
ووجدتي ان البعد يريحك
هي راحه لكن في نفس الوقت استغليها في حل الماضي ووضع الاسس للعوده
13 سنه ماهي سهله واتوقع بعض التغير منك للافضل راح يغير زوجك وينجذب نحوك من جديد

المفروض موضوع الغدا ما يدقق في معايا لانو الخدامه بتطبخ ولها عمر معانا ومو كل يوم يوم انا ويوم هى على حسب والشي التاني هو ما يقضي زي الناس والبيت ناقصو اشياء كثيره وعلى قول المثل اطبخي يا جاريا كلف يا سيدي واول قبل الطلاق كنت اقضي الناقص من عندي بمحبه الان لا وبعدين مو الاولى هو يقوم بواجباتو وحقوقو عشان يلاقيها وانا كم مره فهمتو انا مقدره ظروفك الماديه لكن اخلاقك لا وبالنسبه لموضوع ينجذبلي هو منجذب بس انا اللي نافره منو وانا اللي ما ابغى اتصالح معاه ناسبني الوضع هذا !!!!!!!! مافي مشاكل ما في نقاشات مافي حسابات انا صرت خايفه نتصالح والصراحه فكرت في الطلاق عشان ارتاح بس الاولاد صغار ومتعلقين بابوهم وهو مو متفاهم يعني لما يزعل يحمق وله تصرفات غبيه حتى لو لها ضرر على اطفالو هو يبغاني زي اول حب ورمانسيه وكلام فاضي على ايش يا حسره لا فلوس ولا معامله

الفلوس والمعامله بتجي بإذن الله اذا اعطيتيه الحب والرومانسيه ....

جربيها وشوفي ...

اطفالك مالهم ذنب بكرهك لابوهم

جربت 10 سنين الا يزيد حالو

لمن يفلت من يدك ويلاقي غيرك تحتويه امكن حتندمي وقتها وتعرفي قيمته
دام انه كويس وشايف خاطرك وعيبو انه اخلاقه شويه فالته ارجعي وشوفي السبب
الواحد فينا لمن يلاقي زوجته ماتحتويه وتهتم بصاحباتها اكتر منه يبدا يولع واخلاق تقفل ويعصب لكن لوو حسسته بالاهتمام وراعته وقدمته ع الكل والله لايحطها بعيونه ويراعيها لكن تهمله وتستفز رجولته وتقول اخلاقه
اسف جدا بتكوني انتي السبب في ضياع البيت والحب
وحكاية انا اللي نافره منه بالله كيف تبغي اخلاقه تكون يعني وهو حاسس انه غير مقبول

(يصرف على البيت بس مقصر انا متكفله بنفسي يعني ساعات اقول لنفسي ليش يكون عندي زوج اتحاسب عليه والاطفال مصيرهم يكبرو)
ت=انتي دخلك الغرور يبنت الناس وبديتي تنكري العشير

صدقينني هو بيفكر في الطلاق اكثر منك والي جابرك عالحياه معاه هو نفس السبب الي جابره
معناه في مشكله رئيسيه هي راس الهرم للكره وهو
الاهمااااااااااال والغرور وشوفة النفس منك
+اخلاقه+مادياته منه
حلي مشكلتك اللي فوق بتنحل مشكلته اللي تحت
والماديات مين فينا مابتمر عليه ظروف وتضيق عليه الحياه
دام ساترك وساتر عياله مو عذر تكريه عشان فلوس وانما هيا حجه عشان تبرري اهمالك بالتالي اخلاقه بتضيق.

لاتضغطي عليه اكثر ولا قدامه شي من اثنين
يا انجلط ويموت ووقتها تعرفي قيمته وقد ايش كان شايل ولا بيبيع الدنيا في الدين ويعيش لنفسه فقط
(الهروب الكبييير)

اول شي طريقتك في النصح هجوميه وبعدين مين قالك اني مقصره في البيت والاولاد الحمدلله اخلاقهم الكل يشهد بيها واتكرمو في المدارس وطلعت الام المثاليه !!!! وغير هو يا ما بديتو على نفسي اول شي هو بعدين الاولاد واخر شي افكر في نفسي طيب انا كيف اعطي حب واهتمام وانا مو لايقه هذا الشي معاه مو صعبه شويه لما كنت احطتو رقم واحد عندي وانا اخر همو انتي ستر وغطى عليا كنت راضيه والله العظيم راضيه بس هو في عيب اذا شافني فرحانه مع غيرو مثلا اهلي يتنكد نكد مو طبيعي بدرجه هما يقولي لا تبيني فرحتك عشان لا ينقهر مافي وحده تبغى تخرب بيتها وتشتت شمل اسرتها وبالذات امي وابوي منفصلين وجربت الشي هذا وعارفه عواقبو ولعلمك حالتو الماديه جيده مو مره سيئه بس انتي ستر وغطى لكن اهلي وامي وابويا لازم !!!! طيب وانا الموضوع مهو تكبر لا سمح الله ولا شوفه نفس الموضوع واحد يبغى ياخد ياخد ويعطي القليل يمكن خانني التعبير او مو عارفه اكتب او اصيغ مشكلتي بشكل واضح ولعلمك انا اللي بادور على الهروب الكبير

اسف ان كنت هجومي

لكن كون انه يتنكد اذا شافك مبسوطه وفي حالة انك مبسوطه بغيره
فهذي .................. غيييره وعشق لكي .
بتساليني ليش وكيف انا اقلك
1- كنتي في فتره تحسسيه بحبك وفرحتك فيه وفجاه اتغيرتي عليه وصار يشوف فرحتك مع غيره ولغيره (اخوان اهل صديقات)
بالتالي هو بدا يحس انك بعدتي عنه وبديتي تستغني عنه هنا كبرياء الرجل مع حاجة الطفل الصغير لامه صار هوا مشوش ومو متحمل انه يشوفك فرحانه بغيره بالتالي بيفقد السيطره على اعصابه وتصيبه حاله من الغيره والخبطه بتتمثل في العصبيه وسوء الاخلاق.
نصيحتي لكي اقربي منه امثر حسسيه انه هوا كل شي وانه هوا سبب سعادتك اقضي وقت معاه اكثر وتعالي على نفسك شويه وابعدي عن صاحباتك شوي لاتخليه لوحده كثيرولا تحسسيه انه ممكن سواق ولا اخ يغطي مكانه انتي هنا بتقتليه في مقتل وفي نفس الوقت حسسيه بدلع انه لازم يتغير.

ان شالله حيتغير
بالمناسبه انا نفس وضع زوجك معاكي كوبي بيست مع اختلاف الماديه الحمدلله متوسعه لكن حاسس بفراغ ونفسي احد يوصل هذي الرساله لزوجتي نفسي احد يقلها لاني بديت انضغط اكثر وممكن في اي وقت انفجر

واتوقع زوجك بيرسلك نفس الرساله

الله يصلح الحال ليا ولكي