السلام عليكم
انا من متابعين هذا المنتدى الجميل بس هذي اول مره اكتب والاعضاء في المنتدى دايما حلولهم عقلانيه وحلوه
انا متزوجه من سنه وخمس شهور وعمري 24 وعمر زوجي 31
مشكلتي زوجي بخيل وينقد على كل شي ولا يمدح بس نقد مايفهم
تعبت منه وانا ماتحمل اعصب بس اكتم عصبيتي وحتى راسي يعورني من العصبيه
انا شرطت عليه قبل ماتزوجه يعطيني مصروف كان يعطيني الف بدايه زواجنا واللحين قام يعطيني خمس ميه ولا يعطي من نفسه لازم اقول عطني مصروفي كل شهر بعد ماتهاوشت معه كان مايبي يعطيني شي يبيني اتوظف وانا مابي ابي اتفرغ لبيتي وولدي ويبي يحاول يضغط علي و يقول بعدين بصير الوضع المادي اسوا ومو معطيني وزعلت عليه شهر بس انا اعرفه يشوف انه ماله داعي يكون لي مصروف
وبيتي من تزوجت وانا ابي احط فيه لو ورده مايودني ازين البيت لو اشتري شي بسيط والمواعين مره قليله وخايسه من تزوجنا ماوداني اشتري مواعين عدله
واللحين عندنا طفل عمره ست شهور ومن انولد وانا اقوله ابي للصغير سرير ودرج الصغير ماعنده مكان بس ينام في سريري وبدا ينقلب واخاف يطيح بس هو مايفهم يقول الصغير ماينقلب مدري وش يشوف كان عنده سرير الاربعين وصغر عليه
وكل مابي شي للصغير لازم اتهاوش بس مره شرا للصغير ملابس لما كان عمره ثلاث شهور اذا يحتاج ملابس احن شهر لين يجيب ولا يشتري للصغير العاب ولا شي انا شريت له ودراجته ابوي شرا له وكرسيه هديه
وامي احيانا تشتري له ملابس ولا انا اشتري له شوي واللحين انا اقوله من شهر الصغير يحتاج ملابس تعبت منه بخيل
والسوبر ماركت مايبي اجي معه عشان مااشتري اشياء زياده ويجيب الاشياء الاساسيه مره واحيانا ينقص ويجب قليل ولا يجيب حلويات ولا ككاوات ولا يخليني اطلب من المطعم والبقاله عشان مايبي اطلع اخذ الاغراض من الرجال
ولمبات مداخل البيت لازم يطفيها اربع وعشرين ساعه عشان ماتصرف فاتوره مدري ليه مركب لمبات في المداخل
واللحين عندنا عرس اخته ولا يبي يعطيني فلوس اجيب هديه وانا متفشله
وشرا لي ثوب العرس ولا عطاني مصروفي ذاك الشهر عشان يقول هذا من مصروفك
كل شي صعب عنده انا تعبت كل شي ابيه لازم اتهاوش عشانه معاد ابي اتهاوش ابي اكون مرتاحه
وغير البخل النقد يحسب اني اله مو انسان يعني يقولي وسخه و يعلق على بعض الاشياء وانا انظف والله واتعب بس بعض الاشياء ماالحق عليها .
انا مو عارفه اتعامل مع الوضع وتعبت كثير من المشاكل

هل تعرفين مقدار راتبه؟

وكيف وضعه المالي بشكل عام؟



كيف كان سلوكه المادي خلال فترة عقد القران؟

__________________


اللهم طِيبَ الأثر .. وحُسْنَ الرحيل.

في الحقيقه ما اعرف قدر راتبه هو يرفض يقول لكن بحسب خدمته ورتبته اتوقع راتبه اثنا عشر الف
هو يقول ان عنده ديون ودايما يتحجج بالديون وبعض ما اطلبه مااعتقد انه يكلفه كثير اقترحت عليه انه كل شهر يشتري شي بس مااعجبته الفكره مع انه احيانا نطلع للمطاعم ويدفع
اما خلال فتره عقد القران ماعرف سلوكه المادي لكن بدايه زواجنا تقربا اول شهرين كان احسن من هذي الفتره

‎‏ مكانه الانسب

ربما يكون بخيل مرة اي جدا ،،،، وربما يكون حريص ومقتصد للتوفير لتحقيق حياة افضل سواء لتحسين السكن يعني ان كان كراء يوفر ليشري بيت او لشراء سيارة جديدة
هل يحدثك عن مشاريعه وطموحاته
ولما يتكلم عن الديون هل يفصح كم كانت قيمتها عند زواجكما وكم متبقي الحين
هل زوجك يحب ان تشاركيه همومه و اهتماماته المالية ام كتوم ام انتي لا تحاولي مشاركته و لا تساليه من باب المشاركة وتساليه فقط من باب الاستجواب لما تطلبين المال او مقاضي ويرفض ام يتماطل

حدثني مره عن طموحاته في المنزل لكن هو حاليا لايوفر شي
مره قال لي انه كان عليه دين خمسه الاف لكن انتهى و اخذ سياره بالدين واخذها من دون ان اعرف
لكن اذا سألته كم يبقى لك من الراتب يرفض يفصح عنه
دايما اذا طلبته مصروفي يتماطل و واذا طلبته شي لطفلنا يتماطل كاللبس و بعض الاشياء رفض لما قلت له يحتاج درج رفض يشتري يقول حطي ملابسه في درجك انا اكثر شي افكر في طفلنا

اكيد الان قاعد يرد دين السيارة ،، عزيزتي مالك غير الصبر ومشي الحال كيفما كان حتى يرد الدين الي عليه وبعدها تتيسر ان شاء الله و تقربي الى الله اكثر وادعي الله يسخرلك زوجك وتفرج ان شاء الله
البيوت مليانة مشاكل يا اختي و تعب وحزن و ارق الله لا يبلاك بهم ،،لا تكدري حياتك ،، تمتعي يا اختي بشبابك مع زوجك وحاولي تكوني سعيدة وتسعدي زوجك و تفرحي وتتمتعي بذريتك

عشان كدا احس المفروض الزوج يكون واضح مع زوجته بإلتزاماته عشان لو كان على اقساط او ديون او راتبه قليل الوحده تصبر ومايجي ببالها انه بخيل وتتوظف وتساعده ..

واستغرب من رفض بعض الازواج عن عدم افصاح هدا الشي للزوجه .. << مايدري انه لما يخبي ممكن يسبب مشاكل ..

ع العموم ان كان عليه اقساط سياره طالبيه بالصرف بالمعقول عليكي وعلى ابنك .. لان الاطفال بالشهور الاولى ماشاء الله يكبرو بسرعه ويحتاجو تغيير كل كم شهر ..
وغير كدا اذا تقدري تتوظفي توظفي حبيبتي ... الوظيفه نوع من انواع تحقيق الذات والتطلع للمستقبل وتساعدي زوجك في مصارف الحياه بسبب غلاء المعيشه وتشتري الي خاطرك فيه والمرأه العامله عادتا بتكون اكثر نشاط وتفاؤول عكس ربة البيت الي بتحس بفراغ كبير ..
طالبيه انه يصرف عليكي وعلى ولدك بالمعقول بدون حرمان + انك تتوظفي وتساعديه ويكون دخلكم افضل ويكون في جيبك مبلغ مالي لكي شهريا ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

تبين الجد الدنيا صعبه مره يعني انا عن نفسي راتبي وانا مررأه ولي بروحي يالله يكفيني اذا بدلع نفسي
فهو كرجل وراه دين والتزامه فيكم كزوج واب يصرف لا تحسبينه ما يصرف
لكن هو يبي بعد يوفر ويجمع
واغلب الرجال كذا بباله يجمع لبكره
واقول لك المشاكل الماليه تضيق الحياه وتقصر العمر وتطرد الحب من البيت

نصيحتي لك توظفي لو هو فعلا يبي يحدك عالوظيفه معناها هو بيتحمل المساؤي اللي بتجي ورى الوظيفه

وشوفي وضعك كيف بيتغير معه ولا

وغير هذا مصروفك لو توظفتي لا تتنازلين عنه لو ميه ريال

واقول لك هو اكيد مو بخيل لكن يبي يجمع ويوفر ويأمن بكره ترى الكل مرعوب من بكره

__________________
أعلل النفس بالآمال ارقبها .. ما أضيق العيش لولا فسحة الأمل