السلام عليكم ورحمة الله وبركاته
باختصار الموضوع عندي صديقات ومن تزوجوا يمكن بس2 متواصلة معهم وبعد ماهو دايم بس بالمناسبات ؛ المهم هم دايم يجتمعون ولا مرة اجتمعت معهم ولا احد يعزمني الا وحدة تُلِّح عليه الا اطلع واسهر معاهم و ادور عذر ولا اروح ، المرة هذه أحرجتني وحلفت عليه الا اجي معاهم بيتها العزيمة وهي ماتقصر تجي عندي ومتواصلة معي.
الحين شايلة هم كلهم ماشاءالله متزوجات وموظفات وعيالهم بالمدارس " انا الوحيدة من بينهم لا توظفت ولا تزوجت أموري واقفه.
ما ودي أكون حساسة وبنفس الوقت ما ودي احد ينظر انه ناقصني شي انا الحمدلله بالظاهر ماعمري وضحت بشي لهم بس اتوقع فاهمين شعوري
محتارة اروح ولا زي كل مرة ادور عذر.
أبغى رايكم اروح او لا ؟

الواثق من نفسه ما يهمه شي
اعرف ثنتين متزوجات من سبع سنين واكثر ولا جاهم عيال
وحدة مانقول عنها ماحملت ، فالتها مررررة و لا مبين عليها الانكسار و لا شي اصلا احس بدري عليها بعد .
و الثانية مرة مبين عليها الانكسار مع ان شخصيتها قوية بس واضح عليها و انكسارها ينبه اللي حولها انها فعلا تاخرت
والرزق من عند ربي ويارب يرزقنا و يرزق الجميع .
فانتي و ماتتركينه من انطباع عن نفسك
اذا تحسين بالانكسار فهذا بيبان عليك وبيحسونه هم فيك .
واذا العكس فبتصيرين افضل منهم بعد و لا راح يحسون بميزة عليك 😊

لو كنتي قريبه ضربتك باقوى ماعندي ....😂من جدك عازله نفسك عن العالم ....الحمدلله ماسويتي فضيحه ولا جريمه عشان تحبيبن نفسك وتتهربي من الناس ...ونعم بصاحباتك مانسوك ويعزمونك من يلقى الحين احد يذكره و هو ساحب عليهم ...حبيبتي البسي واكشخي وروحي وانبسطي ...انا عندك مطلقه وصاحباتي كلهم كلهم فوق العشرين وحده محد نفسك وضعي ...كلهم متزوجات ومستقرات الله يبارك لهم في بيوتهم ...وبعضهم زوجوا بناتهم وصارو بعد جدات ...ماعزلت نفسي منهم ابدا ولا عمرهم حسو بشي لاني مو متحسسة من شي ابدا ...بالعكس احس احيانا منهم غبطه لوضعي ودايم يمدحون لاني مااجيهم الا بكامل اناقتي ومرتاحه ومبسوطه الحمدلله ....مره من المرات وحده منهم رمت كلام عن المطلقات مو متعمده لكن تحكي قصه ان المطلقات الحين يركضوا ورى المتزوجين ...كانت تحكي والباقين حسيتهم شوي وقفوا ...لكن لما شافوا ولا هامني الموضوع واضحك والدنيا سهالات ...مشى الموضوع ...حبيبتي السالفه ثقة بالنفس المراه هي المراه سواء متزوجه او لا ..جابت عيال او لا ...اخلاقك وتعاملك واهتمامك وتصالحك مع ذاتك هو المهم وهو المحك الابرز ...

عزيزتي ليش هيك عاملة بنفسك
عندي صديقة من ايام المتوسط وكونت انا وياها صداقات مع صديقات من ايام الثانوي وبعدنا لهلئ متواصلين دايما وكلنا اتزوجنا وجبنا اولاد وهيي بعدها عزبا
بس صدقيني عايشة حياتها بالطول وبالعرض ودايما بس نشكي من المسؤولية بتقول شوفوا انا احسن شي عايشة حياتي وبتضل مشواير ولعند اصحابها ولا مرة فكرت تنظر لنفسها انها اقل بالعكس كتير مبسوطة بحياتها وعايشة كل يوم بيومه
فروحي لعند صاحبتك وعيشي حياتك ولا تخلي الزواج يوقفلك حياتك

الزواج مش كل شي وهيدا رزق من عند الله وربما اخره ليجنبك رجل فاشل وليرزقك رجل صالح
والزواج ما الو عمر بتلاقي مرات بتتزوج المرأة بالاربعين وفوق وبتقول ربي عوضني برجال يستاهلني
ما تغلقي على نفسك وخاصة مع الصديقات وما تتحسسي بالعكس فرجيهن انك عايشة حياتك وما بتوقف على رجل وانك بنعم كتير ناس محرومة منها
ربي يقدملك كل الخير ويرزقك الزوج الصالح اللي بيستاهلك
دعواتي🌷🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه