السلام والرحمه




هل تشعر المرأه باهانه في حال طلقها زوجها غيابي ..؟
هل تستمر ثقه المراه بزوجها بعد زواجه باخرى ؟ عند تلفظ المراه لزوجها انا لم اعد اثق بك ..؟ هل نلوم الزوج في حال طلقها


والسموحه مابا اتعبكم بس االلي بيجاوبني ع تساؤلاتي أشكره مقدما في حال مارجعت اكتب ردودي ...

خيتي بنت بو ظبي .. افضل نقله لقسم المتزوجون .. بتستفيدي هناك ويستفيدوا من موضوعك اكثر ..

روضه اتركي البنت تحل المشكله مع زوجها

و الله المستعان .

ولا

وعليكم السلام ورحمه الله وبركاته

غاليتي روضة
انتي الان في فترة تعد احلى ايام العمر وهي الي كل بنت تتمناهااااااااا
فترة الي تجهز فيها حق عرسها وليلة العمر

ليه متعبه نفسك وشايلة هم --انتي بغنى عنه

خليك بفرحتك بلا ما تضايقي عمرك عشان احد غيرك

كلامنا لا يقدم ولا ياخر

لان الحمدلله والشكر له الموضوع ما يخصك --اقصد مانتي طرف مباشر فيه

فخلاص

اشتري راحة بالك واهتمي بفرحتك وارسمي لحياتك
واتركي المراة هي وزوجها تدبر حالها

وحتى اجاوبك

اقتباس:

هل تشعر المرأه باهانه في حال طلقها زوجها غيابي ..؟

اكيد بتشعر باهانة كبيرة وانها ضيعت عمرها مع واحد ما قدرهاااااااا حق قدرهااااااا
وانها طلعت حتى ما تستاهل انو يتسامح منها ويتعذر
على شي هي ما كانت مذنبة فيه

اقتباس:

هل تستمر ثقه المراه بزوجها بعد زواجه باخرى ؟ عند تلفظ المراه لزوجها انا لم اعد اثق بك ..؟ هل نلوم الزوج في حال طلقها

حسب الطريقة الي تم فيها الزواج من الثانية واسبابهاااااااا

اما التلفظ
فماهو سببك كافي حتى يطلقها --لا غيابيا ولا حضورياااااااا

اما من ناحية اللوم
فاللوم بيطول الكل بسبب وبدون سبب
لان طبع البشر لوام


اخيرا حبيبتي
نصيحة لك من اخت تهتم لامرك
لا تضيعي وقتك وتزرعي في قلبك مشاعر انتي بغنى عنهاااااااا
اهتمي بحالك وبفرحت عمرك وعيشي حياتك
وعسى ربي يهينك ويسعدك

بالتوفيق ان شاء الله

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

عندك احساس انك خربتي بيتها صح
عموما انت مالك علاقة
وانت ضحية زي زوجته الاولى
الرجل هو المسؤول وهو اللي جاء وخطبك وهو اللي قرر يخطب
ابعدي عن هالمشاعر السلبية وانه احتمال تكوني انت سبب في اللي صار بينهم
اتركيه يحل مشاكله معاها
لا تتدخلي بينهم
على فكرة
هو هاي الفترة راح يبن لك دور الضحية المسكين
لكن فيه رب ان شاء الله
بيفرجها على الجميع

__________________
انا لله وانا اليه راجعون

أعتذر عن اﻷخطاء أكتب من الجوال و أتمنى لك التوفيق في زواجك.

ربي يوفقك خيتي بنت بو ظبي .. تستاهلي الخير ..

اقتباس:

المشاركة الأصلية كتبت بواسطة بنت بوظبيxAD السلام والرحمه

خلي مشاعرها على جنب يا روضة ولا تسألين إن كانت ثقتها بتستمر والا لا .. بدري وايد على هالسؤال .. لأن الموضوع بعده يديد والحرقة في قلبها على آخرها .. والله أعلم متى بتخف والحريم مب سوا .. بس حطو في بالكم ان مسألة الثقة مب في يدها بروحها .. زوجها له دور كبييييييير جداً في استمرار هالثقة من عدمه .. وسلوكه معاها هالفترة بوجه خاص .. وفي المستقبل بوجه عام له دور كبير في ردة فعلها ومشاعرها ناحيته ومدى تقبلها لموضوع زواجه.

ما في حرمة تتقبل زواج زوجها ببساطة أبداً .. لكن الزوج بطريقة تعامله معاها وإشعارها بأنها لازالت تعني له شيء وأنها مهمة في حياته هو اللي يقدر يخفف عليها .... أما إذا ما قدرت تتقبل الوضع في كل الأحوال فما باليد حيلة ولا حول ولا قوة إلا بالله!


أما انه يفكر يطلق لأنها تقول له (لم أعد أثق بك) .. فاسمحي لي اللي يسوي جذي هذا واحد يتعلث ويدور حجة عشان يطلق!


لكن في كل الأحوال حتى لو هو يبا يطلق فعلاً .. ليش يطلقها غيابي أساساً؟! .. ترا عيب ومب مرجلة .. وانتي بنت عرب وتعرفين الأصول وأكيد تدرين إن هالحركة ما يسويها ريال محترم .. هو ماخذها من بيت أوادم والمفروض يتعامل بالأصول والاحترام .. ويروح لأهلها ويقول لهم ترا باطلق عشان كذا وكذا .. سواء السبب من صوبه أو من صوبها .. أما اللي يسوي هالحركة ويطلق غيابي فهو مجرد شخص يبا يهرب من المواجهة ويفك عمره وما عنده قدر لحد!



روضة .. دخيل الله يا بنت الناس .. اطلعي من هالموال كله ومااااااالج خص باللي يصير بينه وبينها .. وامنعيه تماماً من انه يتكلم معاج عنها أو يخبرج بأي مشكلة صايرة بينه وبينها.

ونصيحة من قلبي .. لا تقولين زوجي ومب هاين عليّ ولازم اوقف معاه .. لا تعينين الشيطان على نفسج.

وأكررها .. لا تعينين الشيطان على نفسج.

__________________


اللهم طِيبَ الأثر .. وحُسْنَ الرحيل.

أهلاً روضة ’’’أنا مع كلام مهرة ياروضة ’’’

أتركيها واهتمي بنفسكِ فقط ’’ولاتتدخلي في شؤونهما أبداً أبداً ’’’كوني بقلبكِ الأبيض ولا تُعينه على طلاقها فترتكبين ذنب وأثم ورب دعوة تسقط عليكِ كالسهم ’’’وهذا أنتي في دولة وهي في دولة مابالك لو كنت بقربها ماذا سيحصل ....!

وليس بغريب مع الأيام تذوقي نفس الكأس ’’’

هداكِ الله وأصلحكِ ...
أضرب لك مثال عن الرسول كيف كان معاملتهن وكيف كان يعامل تذكري وأقرأي عن ذلك لتعرفي كيف صفاء القلوب والنقاء في حياته مع زوجاته ...